Թուրքիա

Թուրքիան այլալեզու մամուլը զրկում է պետական աջակցությունից

9
Թուրքիայի ազգային և կրոնական փոքրամասնությունների կողմից հրատարակվող թերթերն այլևս իրավունք չեն ունենա պետական կառույցների տրամադրած հայտարարությունները և ծանուցումները հրապարակելու, այսինքն` փաստացի զրկվել են պետական աջակցությունից: Այդ մասին գրում է թուրքական «Ջումհուրիյեթ» թերթը:

Բացի թուրքական էջերից, օտարալեզու մամուլը աջակցությունից զրկելու մասին օրենքը վերաբերելու է այլ լեզուներով հրատարակվող բոլոր ԶԼՄ-ներին և տարածվելու է հայկական, հունական, հրեական, քրդական մի շարք պարբերականների վրա:

Դա վերաբերելու է նաև անգլերեն էջեր ունեցող թուրքական ԶԼՄ-ներին, ինչպես Hürriyet Daily News-ը և Sabah Daily-ն են:

«Ջումհուրիյեթի» լրագրող Այշե Յըլդըրըմը պետության որդեգրած այս քաղաքականությունը նմանեցրել է 1920-ականներին Թուրքիայում հայտնի «Քաղաքացի՛, թուրքերե՛ն խոսիր» սկսված արշավին։

«Կամ ինձ հետ ես, կամ գնա գրողի ծոցը սկզբունքով մամուլը միագույն դարձնել ցանկացող իշխանությունների վերջին քայլը դարձավ պաշտոնական հայտարարությունների և ծանուցումների վերաբերյալ նոր կանոնակարգի սահմանումը, որը դեմ է սահմանադրական սկզբունքներին»,- գրել է Այշե Յըլդըրըմը:

9