ԵՐԵՎԱՆ, 29 սեպտեմբերի — Sputnik. «Բարով եք եկել Հայաստան» հաղորդագրության մասին ահազանգել է Էրզրումի Աթաթուրքի անվան համալսարանի գրականության և պատմության ֆակուլտետի դասախոս, «Ցեղասպանության չհիմնավորված մեղադրանքների դեմ պայքարի» միության նախագահ Սավաշ Էյիլմեզը, գրում է թուրքական «Միլլիեթ» թերթը:
«Այսինքն՝ այս օպերատորը պատմական Անի քաղաքը ներառել է Հայաստանի սահմաններում և իրականացրել հայերի երազանքը: Այն դեպքում, երբ մենք տարիներ շարունակ մեր ամբողջ ներուժով պայքարում ենք, որ աշխարհին պատմենք, թե ինչ անարդարության ենք ենթարկվում Հայկական խնդրի հարցում, մեր իսկ երկրում նման իրավիճակի հանդիպելը մեզ շատ տխրեցրել և զարմացրել է: Էրզրումի փաստաբանների գրասենյակի հետ տանում ենք համապատասխան պատրաստություններ, մեր բողոքը ներկայացնելու ենք դատախազություն»,- ասել է Էյիլմեզը:
