Ռոման Եկմալյան և Նատալյա Օտտո

Հայտնի է Նիսի ահաբեկչության հետևանքով զոհված երկրորդ հայի անունը

624
Այսօր պարզ է դարձել, որ Նիսի ահաբեկչության հետևանքով անհետ կորած Ռոման Եկմալյանը մահացել է։ Sputnik Արմենիան ավելի վաղ հայտնել էր, որ Վրաստանի քաղաքացիություն ունեցող հայազգի Ռոման Եկմալյանն անհետ կորել է, ազգականները փնտրում էին նրան։

ԵՐԵՎԱՆ, 17 հուլիսի-Sputnik. Ռոման Եկմալյանի ազգականուհին` Լուիզա Խաչյանն իր ֆեյսբուքյան էջում գրել է, որ հայտնաբերվել է Ռոման Եկմալյանի մարմինը, ով զովել է Նիսի ահաբեկչության ժամանակ։

«Ուզում եմ շնորհակալություն հայտնել այն մարդկանց, ովքեր օգնել են մեզ մեր փնտրտուքում։ Ցավով պետք է նշեմ` մենք ստացել են վատ նորություններ. իմ հարազատները` Ռոմանն ու Նատալյան մահացել են։ Աղոթենք նրանց ու այն բոլորի համար, ովքեր այլևս չկան սարսափելի ահաբեկչության պատճառով»,-գրել է Լուիզա Խաչյանը։

Sputnik Արմենիան ավելի վաղ գրել էր, որ բելգիաբնակ Ռոման Եկմալյանը կնոջ՝ Նատալյա Օտտոյի հետ, ներկա է գտնվել Նիսում ընթացող տոնախմբությանը: Ահաբեկչության ժամանակ կինը զոհվել էր, իսկ նա` անհետացել։ Պարզվում է ՝ զոհված կինը


Ղազախստանի քաղաքացի է, ազգությամբ ռուս: Ռոման Եկմալյանն էլ ուներ Վրաստանի քաղաքացիություն: Տարիներ շարունակ նրանք ապրել են Բելգիայում:

Հուլիսի 14-ի երեկոյան Նիսի Անգլիական ափին Բաստիլի գրավման օրվան նվիրված հրավառությանը մասնակցող մարդիկ ահաբեկչության զոհ են դարձել։ Ականատեսների տվյալներով` բեռնատարը մտել է ամբոխի մեջ, վարորդը զիգզագաձև վարելով` անցել է 2 կմ` վրաերթի ենթարկելով մարդկանց, ինչպես նաև կրակ է բացել նրանց ուղղությամբ։ Զոհվել է 84 մարդ, վիրավորվել` ավելի քան 200-ը։

Բեռնատարը ոչնչացվել է ոստիկանության կողմից։ Ֆրանսիայի նախագահը դա ահաբեկչություն է որակել։ Թունիսի ներքին գործերի նախարարությունը պարզել է ահաբեկչի անձը, նա 31-ամյա Մոհամեդ Բուհլելն է` երկրի արևելքում գտնվող Մսակեն քաղաքից։

624