Զենք

Անհայտ անձինք հարձակվել են զորամասի վրա Ղազախստանում, կան զոհեր

18
Ակտոբե քաղաքում հայտարարվել է հակաահաբեկչական գործողության ռեժիմ, դադարեցվել են զվարճալի հաստատությունների աշխատանքը և հասարակական տրանսպորտի երթևեկությունը:

ԵՐԵՎԱՆ, 5 հունիսի- Sputnik. Ակտոբեում փոխհրաձգության ընթացքում զոհվել է վեց մարդ, Նովոստի-Ղազախստան տեղեկատվական գործակալությանը հաղորդել է Ղազախստանի ՆԳՆ պաշտոնական ներկայացուցիչ Սադուբաև Ալմասը:

«Ներքին գործերի բաժին հաղորդագրություն է ստացվել այն մասին, որ անհայտ անձինք Ակտոբեում հարձակվել են «Պալադա» զենքի խանութի վրա, Աստանայի ժամանակով 15:45-ին հայտնի է դարձել Ազգային գվարդիայի զորամասի և մեկ այլ զենքի խանութի վրա հարձակում գործելու մասին: Հարձակման ընթացքում սպանվել է «Պալադա» խանութի վաճառողը, մեկ մարդ վիրավորվել է:

Հարձակմանը հակազդելու ընթացքում մահացել է մեկ սպա և մեկ պայմանագրային զինծառայող, 9 զինծառայողներ վիրավորվել են, ձեռնարկված միջոցների շնորհիվ հարձակվողներից մեկը ձերբակալվել է, երեքը սպանվել են, մեկը՝ վիրավորվել, մի քանի հանցագործներ պաշարման մեջ են, մի քանիսին հաջողվել է փախուստի դիմել»,- ասել է Սադուբաևը:

Նրա տեղեկատվության համաձայն` անցկացվում են նրանց ձերբակալելու գործողություններ, հարձակվողները ենթադրաբար հարում են ոչ ավանդական կրոնական հոսանքների:

«Ակտոբեում հայտարարվել է հակաահաբեկչական գործողության ռեժիմ, դադարեցվել է խրախճանքների հաստատությունների աշխատանքը և հասարակական տրանսպորտի երթևեկությունը»,- ասել է ՆԳՆ ներկայացուցիչը:

18