Универсиада.11-й день. Греко-римская борьба

Ըմբշամարտի Եվրոպայի առաջնությունը հայ ըմբիշները հաղթանակներով են սկսել

9
Ռիգայում ընթացող ըմբշամարտի Եվրոպայի առաջնությանը հայ մարզիկներն արդեն երեք հաղթանակ են գրանցել

ԵՐԵՎԱՆ, 12 մարտի — Sputnik. Ռիգայում ընթացող ըմբշամարտի Եվրոպայի առաջնության հունահռոմեական ոճի առաջնությանը հայ մարզիկներից առաջինը պայքարի մեջ մտավ 66 կգ քաշային Միհրան Հարությունյանը, ով որակավորման փուլում 6:4 հաշվով հաղթեց լեհ Գժեգորժ Վանկեին:

1/8 եզրափակչում Հարությունյանի մրցակիցը կլինի Նիկիտա Մասյուկս (Լատվիա) — Վլադիմիրոս Մատիաս (Հունաստան) զույգի հաղթողը:

59 կգ քաշային կարգում Ռոման Ամոյանը քառորդ եզրափակչում հանդիպեց վրացի Իրակլի Շավաձեի հետ և հաղթեց 7:6 հաշվով:

Եզրափակչի ուղեգրի համար Ռոմանը կմրցի Դմիտրի Ցումբալյուկ (Ուկրաինա) — Թալե Մամադով (Ադրբեջան) զույգի հաղթողի հետ:

Հիշեցնենք, որ 1/8 եզրափակչում Ամոյանը 9:0 հաշվով պարտության էր մատնել խորվաթ Իվան Լիզատովիչին:

98 քաշային կարգում պայքարի մեջ մտավ Արթուր Ալեքսանյանը և 1/8 եզրափակչում հաղթեց ուկրաինացի Դմիտրի Տիմչենկոյին 8:0 հաշվով:

Քառորդ եզրափակչում «սպիտակ արջի» մրցակիցը կլինի Էլիս Գուրի (Բուլղարիա) — Դանիել Գաստեր (Ավստրիա) զույգի հաղթողը:

 

 

9