ԵՐԵՎԱՆ, 24 փետրվարի — Sputnik. Sputnik միջազգային տեղեկատվական գործակալությունն ու ռադիոն հայտարարել է պորտալի գործարկման մասին` էստոներեն և ռուսերեն լեզուներով։

Պրոֆեսիոնալ լրագրողների ու խմբագիրների թիմը պատմելու է միջազգային ու տեղական իրադարձությունների մասին, ինչպես նաև ներկայացնելու է դրանց և այլ արդիական թեմաների վերաբերյալ տարբեր կարծիքներ:

«Sputnik-ը ժամանակակից զանգվածային լրատվամիջոց է, որը մյուս ԶԼՄ-ներից տարբերվում է առաջին հերթին թեմաների ընտրության և մատուցման ձևով, ինչպես նաև աշխարհընկալմամբ» — նշում է Sputnik-ի գլխավոր խմբագիր Մարգարիտա Սիմոնյանը:

Sputnik Էստոնիան լրատվական պորտալն իր ընթերցողներին բազմազան մուլտիմեդիոն կոնտենտ առաջարկում է` ինֆոգրաֆիկա, տեսանյութեր, ֆոտոռեպորտաժներ, առցանց եթերներ ու քվեարկություններ: Բացի օպերատիվ տեղեկատվությունից, Sputnik Էստոնիա պորտալի լսարանի համար հասանելի կլինեն նաև վերլուծական նյութեր, բացառիկ հարցազրույցներ, փորձագիտական գնահատականներ:

Sputnik-ի հայեցակարգում ներառվել են հեռարձակման առաջադեմ տեխնոլոգիաները, բարձր պրոֆեսիոնալիզմն ու ընթերցողի հետ սերտ կապը, ինչը թույլ է տալիս Sputnik-ին արագ զարգանալ ու գրավել ամբողջ աշխարհի լսարանը։ «Ասում ենք այն, ինչի մասին լռում են մյուսները» կարգախոսն ամբողջությամբ արտացոլում է Sputnik լրատվական ռեսուրսների բովանդակությունը, որոնց նպատակը համաշխարհային իրադարձությունների վերաբերյալ տարբեր կարծիքները հանրությանը հասանելի դարձնելն է։

Sputnik-ը (sputniknews.com) լրատվական գործակալություն է և ռադիո` տասնյակ երկրներում մուլտիմեդիոն տեղեկատվական ներկայացուցչություններով: Sputnik-ը ներառում է ավելի քան 30 լեզվով կայքեր, անալոգային և թվային ռադիոհեռարձակում, բջջային հավելվածներ և էջեր սոցիալական կայքերում։ Sputnik-ի լուրերը շուրջօրյա ռեժիմով թողարկվում են անգլերեն, արաբերեն, իսպաներեն և չինարեն լեզուներով:

ԵՐԵՎԱՆ, 3 մարտի - Sputnik. Հայաստանը Ռուսաստանի հետ քննարկում է օտարերկրացիների համար Արցախի տարածք մուտք գործելու նոր անցագրային ռեժիմի կազմակերպումը։ ՌԻԱ Նովոստիին տված հարցազրույցում հայտնել է Սփյուռքի հարցերի գլխավոր հանձնակատար Զարեհ Սինանյանը։

© Sputnik / Aram Nersesyan

Բաքուն պահում է Հայաստանի ավելի քան 100 քաղաքացիների. սփյուռքի գործերի գլխավոր հանձնակատար

Սինանյանը նշել է, որ այդ հարցը քննարկել է Ռուսաստանի փոխարտգործնախարար Անդրեյ Ռուդենկոյի հետ հանդիպման ժամանակ:

«Մարդիկ, որոնք ռուսական կամ հայկական քաղաքացիություն չունեն, դրա հետ կապված խնդիրներ են ունենում։ Մենք հսկայական սփյուռք ունենք, նրանք սովոր են ամռանը գալ Հայաստան, սիրում են նաև Արցախ այցելել, և ահա այս ամռանը կարող է ստեղծվել մի իրավիճակ, երբ շատ մարդիկ կցանկանան գնալ Արցախ, բայց չեն կարողանա դա անել այդ ռեժիմի պատճառով», - ասել է Սինանյանը:

Նրա խոսքով` խոսքն այն շրջանների մասին է, որոնք գտնվում են հայկական կողմի ու ռուս խաղաղապահների վերահսկողության տակ:

«Նոր կարգն այնպիսին է, որ պետք է հայտ ներկայացնել Հայաստանում Արցախի ներկայացուցչություն այցելելուց յոթ օր առաջ, այնուհետև ցուցակը փոխանցվում է ռուս խաղաղապահներին ու հետո որոշվում է, թե ով կարող է գալ, իսկ ով՝ ոչ», – պարզաբանել է Սինանյանը:

Նա ավելացրել է, որ համավարակից առաջ 2019-ին Արցախ են այցելել, ըստ տարբեր տվյալների, 30-50 հազար օտարերկրյա քաղաքացիներ։

«Այժմ հայտերը դեռ քիչ են, քանի որ համավարակը չի անցել, ու զբոսաշրջային սեզոնը չի սկսվել։ Բայց միևնույնն է, կան մարդիկ, որոնք ուզում են գնալ, մենք ունենք այն կազմակերպությունների ու մարդկանց ցուցակը, որոնց մուտքը մերժվել է», – նշել է Սինանյանը։

Հիշեցնենք` 2020թ.–ի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորակազմը տեղակայվել է 5 տարի ժամկետով, որից հետո այդ ժամանակահատվածը մեխանիկորեն կերկարաձգվի ևս 5 տարով, եթե կողմերից որևէ մեկը ժամկետի ավարտից 6 ամիս առաջ չհայտարարի տվյալ դրույթի կիրառումը դադարեցնելու մտադրության մասին:

Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են