ԵՐԵՎԱՆ, 24 փետրվարի- Sputnik. Ամերիկյան New York Times թերթի արխիվներում գտել են բացառիկ հարցազրույց, որը վերցրել են երկարակյաց չինացուց 1928թ.-ին, հաղորդում է ՄԻՐ24-ը:

Չինաստանի քաղաքացին պնդել է, որ ծնվել է 1677թ.-ին Սիչուան գյուղում: Ողջ կյանքի ընթացքում նա զբաղվել է խոտաբույսերի և բժշկության ուսումնասիրությամբ: Տղամարդը մահացել է 1933թ.-ին` 256 տարեկանում:

Գոյություն ունի լեգենդ, որ մահից առաջ նա ասել է. «Ես արել եմ այն ամենն, ինչ պետք է անեի այս աշխարհում: Ես տուն եմ գնում»:

Այսպես` ամերիկյան հրատարակության լրագրողները 1928թ.-ին հարցազրույց են վերցրել երկարակյացից, որտեղ նա պատմել է, որ իր երկարակեցության գաղտնիքը բուսակերությունը, ներքին ներդաշնակությունն ու հանգստությունն է: Տղամարդը հիմնականում սնվել է բրնձով և տարբեր բուսական թուրմեր խմել:

Պետք է նշել, որ տղամարդու հարազատներն ասել են, որ Լի Ցինյունին միշտ ծեր են հիշել, իսկ ոմանք պնդել են, որ նա ծանոթ է եղել իրենց պապիկների հետ:

Միաժամանակ պատմաբանները չեն հերքում այդ մարդու գոյության փաստը, սակայն կասկածում են նրա երկարակեցությանը:

1930թ.-ին Չենդուի համալսարանի պրոֆեսոր Վու Չենգ Ցզեն գտել է 1827թ.-ի շնորհավորական բացիկներ Չինական կառավարության կողմից:

Բացիկների հեղինակները Լի Ցինյունին շնորհավորել են 150-ամյակի առթիվ: Իսկ 50 տարի անց նրան արդեն շնորհավորել են 200-ամյակի կապակցությամբ: Դա հաստատում է, որ Լի Ցինյունը ծնվել է 1677թ.-ին:

ԵՐԵՎԱՆ, 3 մարտի - Sputnik. Հայաստանը Ռուսաստանի հետ քննարկում է օտարերկրացիների համար Արցախի տարածք մուտք գործելու նոր անցագրային ռեժիմի կազմակերպումը։ ՌԻԱ Նովոստիին տված հարցազրույցում հայտնել է Սփյուռքի հարցերի գլխավոր հանձնակատար Զարեհ Սինանյանը։

© Sputnik / Aram Nersesyan

Բաքուն պահում է Հայաստանի ավելի քան 100 քաղաքացիների. սփյուռքի գործերի գլխավոր հանձնակատար

Սինանյանը նշել է, որ այդ հարցը քննարկել է Ռուսաստանի փոխարտգործնախարար Անդրեյ Ռուդենկոյի հետ հանդիպման ժամանակ:

«Մարդիկ, որոնք ռուսական կամ հայկական քաղաքացիություն չունեն, դրա հետ կապված խնդիրներ են ունենում։ Մենք հսկայական սփյուռք ունենք, նրանք սովոր են ամռանը գալ Հայաստան, սիրում են նաև Արցախ այցելել, և ահա այս ամռանը կարող է ստեղծվել մի իրավիճակ, երբ շատ մարդիկ կցանկանան գնալ Արցախ, բայց չեն կարողանա դա անել այդ ռեժիմի պատճառով», - ասել է Սինանյանը:

Նրա խոսքով` խոսքն այն շրջանների մասին է, որոնք գտնվում են հայկական կողմի ու ռուս խաղաղապահների վերահսկողության տակ:

«Նոր կարգն այնպիսին է, որ պետք է հայտ ներկայացնել Հայաստանում Արցախի ներկայացուցչություն այցելելուց յոթ օր առաջ, այնուհետև ցուցակը փոխանցվում է ռուս խաղաղապահներին ու հետո որոշվում է, թե ով կարող է գալ, իսկ ով՝ ոչ», – պարզաբանել է Սինանյանը:

Նա ավելացրել է, որ համավարակից առաջ 2019-ին Արցախ են այցելել, ըստ տարբեր տվյալների, 30-50 հազար օտարերկրյա քաղաքացիներ։

«Այժմ հայտերը դեռ քիչ են, քանի որ համավարակը չի անցել, ու զբոսաշրջային սեզոնը չի սկսվել։ Բայց միևնույնն է, կան մարդիկ, որոնք ուզում են գնալ, մենք ունենք այն կազմակերպությունների ու մարդկանց ցուցակը, որոնց մուտքը մերժվել է», – նշել է Սինանյանը։

Հիշեցնենք` 2020թ.–ի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորակազմը տեղակայվել է 5 տարի ժամկետով, որից հետո այդ ժամանակահատվածը մեխանիկորեն կերկարաձգվի ևս 5 տարով, եթե կողմերից որևէ մեկը ժամկետի ավարտից 6 ամիս առաջ չհայտարարի տվյալ դրույթի կիրառումը դադարեցնելու մտադրության մասին:

Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են