ԵՐԵՎԱՆ, 28 հունվարի — Sputnik. Երիտասարդ ավստրիալացին, որին կասկածում են «Իսլամական պետություն» ահաբեկչական խմբավորման հետ առնչություն ունենալու մեջ, մտադիր էր ռումբ տեղադրել կենգուրուի պարկում, գրում է Herald Sun թերթը։
19-ամյա Սևդետ Ռամադան Բեսիմի նկատմամբ մեղադրանք է առաջադրվել Մելբուրնում կամ Մելբուրնի մոտակայքում գտնվող քաղաքում «Իսլամական պետություն» խմբավորման կողմից նախատեսվող ահաբեկչական հարձակման համար։
Հետաքննության նյութերի համաձայն, Բեսիմը ենթադրյալ ահաբեկիչների հետ քննարկել է կենգուրուի պարկում ռումբի տեղադրման հնարավորությունը, նրանք նաև ծրագրել են կենդանու վրա նկարել ԻՊ-ի խորհրդանիշն ու կենգուրուին բաց թողել Մելբուրնի ոստիկանների ուղղությամբ կամ Դանդենոնգ բնակեցված վայրում Վետերանների օրվան նվիրված տոնական միջոցառման ժամանակ։
Բեսիմի նկատմամբ մեղադրանքները հիմնված են նրա առցանց-նամակագրության վրա, որում նա քննարկել է ոստիկանության աշխատակցի սպանությունը, նրան գլխատելու ցանկությունն ու անցորդներին սպանելու մտադրությունը։
Երիտասարդն իր մեղքը չի ընդունել։