Арман Торосян

Արման Թորոսյանի մայր. Մենք չէինք կարծում, որ նա այսքան կգեղեցկանա

504
(Թարմացված է 20:03 22.01.2016)
Արման Թորոսյանին դեմքի հաջող վիրահատություն են կատարել, նա բնածին դեմքի բնածին արատ ուներ

ԵՐԵՎԱՆ, 22 հունվարի — Sputnik. Արման Թորոսյանի դեմքի արատը վերացնելու համար կատարված առաջին վիրահատությունը հաջող է անցել, այս մասին Sputnik Աբխազիայի թղթակցին պատմել է երեխայի մայրը՝ Դիանա Չամյանը:

«Վիրահատությունը լավ անցավ: Վիրահատությունից հետո նրա համար շատ դժվար էր: Դժվար էր նաև նրան կերակրելը. նրան գդալով ուտել էինք սովորեցնում, քանի որ շշից նրան կերակրել չի կարելի: Մենք չէինք մտածում, որ նա այսպիսի գեղեցիկ երեխա կդառնա: Ես պահպանել եմ նրա հին լուսանկարները: Նա շատ է փոխվել: Շնորհակալություն «Աշան» հիմնադրամին», — ասել է Չամյանը:

«Աշան» մշակութային-բարեգործական հիմնադրամի աշխատակից Մաքթինա Ջոնջոլիան Sputnik-ին հայտնել է, որ Արմանը ևս երկու վիրահատության կենթարկվի:

«Դեկտեմբերին արված վիրահատությունը հաջող անցավ: Վերացրինք վերին շուրթի արատը: Որպեսզի հետագայում նա կարողանա խոսել, պետք է վերացնել նաև քիմքի վերևի հատվածի արատը: Դրա համար դեռ երկու վիրահատություն էլ պետք է արվի, մեկը` օգոստոսին, հետո ևս մեկը, երբ նա կդառնա 7 տարեկան: Դրանից հետո նա առողջ երեխա կլինի, կկարողանա նորմալ սնվել ու խոսել: Մենք Արմանին կաջակցենք նաև հետագայում, կհավաքենք վիրահատության համար անհրաժեշտ ողջ գումարը», — նշել է Ջոնջոլիան

Արման Թորոսյանը 7 ամսական է: Նա ծնվել է երեսի բնածին արատով, որի հետևանքով փափուկ ու կոշտ քիմքի մկանները դեֆորմացվում են ու ճեղք են առաջացնում: Ժողովրդի մեջ այդ ախտորոշումն անվանում են «գայլի երախ, նապաստակի շուրթ»:

2015 թվականի նոյեմբերին վիրահատության համար «Աշան» մշակութային-բարեգործական հիմնադրամը սկսեց դրամահավաքը: Արդեն դեկտեմբերին Արմանը հաջողությամբ վիրահատվել էր Մոսկվայի մանկական դիմածնոտային վիրաբուժության ինստիտուտում:

 

504