Боевики ИГИЛ в плену у сирийских спецслужб

ԻՊ գրոհայինները մահապատժի են ենթարկել 80 հոգու

4
(Թարմացված է 14:47 10.01.2016)
Նայնավա նահանգի կենտրոնական մասում՝ Էլ Գազլանի ռազմական ճամբարի տարածքում, «Իսլամական պետություն» խմբավորման գրոհայինները մահապատժի են ենթարկել 80 մարդու: Ահաբեկիչները նրանց սպանել են Իրաքի իշխանության հետ համագործակցելու համար

ԵՐԵՎԱՆ, 10 հունվարի- Sputnik. «Իսլամական պետություն» խմբավորման գրոհայիններն Իրաքի Մոսուլ քաղաքի մոտ սպանել են 80 հոգու, որոնց թվում նաև իրավապահ ուժերի աշխատակիցներ են եղել: Այս մասին հայտնում է Իրաքի Alsumaria հեռուստաալիքը՝ հղում անելով սեփական աղբյուրին:

«Մահապատժի են ենթարկվել ոստիկանության աշխատակիցներ, զինվորականներ և խմբավորման գաղափարախոսության դեմ մարդիկ»,- հեռուստալիքին հաղորդել է տեղի աղբյուրը, որը ցանկացել է անհայտ մնալ:

ԻՊ գրոհայինները 2014թ.-ի հունիսի 10-ին առանց դիմադրության զավթել էին Իրաքի՝ մեծությամբ երկրորդ քաղաքը՝ Մոսուլը: Իրաքի վարչապետ Հայդեր ալ Աբադին խոստացել է ազատագրել Մոսուլն ԻՊ գրոհայիններից այն ժամանալ, երբ ամբողջությամբ կավարտվի գործողությունն Էր Ռամադի քաղաքում: Նման ծրագրերի մասին էր խոսել նաև Իրաքի բանակի պաշտոնական ներկայացուցիչ Յախյա Ռասուլը:

 

4