Борьба с преступностью

Պետական դավաճանության մեջ մեղադրվող լրագրողը 6 տարվա ազատազրկման է դատապարտվել

14
Ադրբեջանի գլխավոր դատախազությունը հայտնում է, որ լրագրողը 2008 թվականի ապրիլից համագործակցել է Հայաստանի հատուկ ծառայությունների հետ

ԵՐԵՎԱՆ, 28 դեկտեմբերի — Sputnik. Բաքվի ծանր հանցագործություններ քննող դատարանը ռուսալեզու «Զերկալո» թերթի աշխատակից Ռաուֆ Միրկադիրովին 6 տարվա ազատազրկման է դատապարտել, հայտնում է ԱՊԱ գործակալությունը` ներկայացնելով դատավոր Ալիսուլթան Օսմանովի որոշումը։

Միրկադիրովին ձերբակալել էին 2014 թվականին ապրիլի 19-ին Բաքվի միջազգային օդանավակայանում։ Նրան արտաքսել էին Թուրքիայից, որտեղ վերջին տարիներին աշխատում էր որպես թերթի թղթակից։ Նա մեղադրվում է պետական դավաճանության մեջ։ Լրագրողի նկատմամբ խափանման միջոց է կիրառվել կալանքը, որը մի քանի անգամ երկարաձգվել է։

Միրկադիրովը պատիժը կրելու է ուղղիչ գաղութում։ Պետական մեղադրողը լրագրողի համար 7 տարվա ազատազրկում է պահանջել։

Ամբաստանյալի փաստաբան Ֆուադ Ագաևը հայտարարել է, որ պատրաստվում է բողոքարկել դատարանի որոշումը։

 

14