Кольцо Жанны Дарк

Աճուրդի է հանվել Ժաննա դ’Արկի մատանին

20
15-րդ դարի մատանին համապատասխանում է հարցաքննությունների ժամանակ Ժաննայի տված նկարագրությանը, այդ գրառումները պահպանվել են արխիվներում:

ԵՐԵՎԱՆ, 28 դեկտեմբերի- Sputnik. Լոնդոնում աճուրդի է հանվել ենթադրաբար Ժաննա դ'Արկին պատկանած մատանին, գրում է The Daily Mail-ը։

15-րդ դարի մատանին համապատասխանում է հարցաքննությունների ժամանակ Ժաննայի տված նկարագրությանը, այդ գրառումները պահպանվել են արխիվներում:

Մատանին տեղադրված է կաղնու փայտից պատրաստված զարդատուփի մեջ` դրա իսկության և պատկանելության մասին փաստաթղթերով։ Ինչպես հայտարարել է Timeline-ի գործադիր տնօրեն Բրետ Համոնդը. «Կասկած չկա, որ մատանին կրել է Ֆրանսիայի ազգային հերոսուհին»։ «Դա բացառիկ արժեքավոր, հետաքրքիր իր է։ Մենք հպարտ ենք, որ մեզ իրավունք է տրվել այն դնել աճուրդի»,- ասել է Համոնդը։ Նա կարծում է, որ կոլեկցիոներները պատրաստ են մատանու համար վճարել սահմանված արժեքից ավելին։

Jhesus Maria գրառումով և 3 խաչով մատանին ենթադրաբար նրան նվիրել են ծնողները: Մատանին նախնական գնահատվում է 10-14.000 ֆունտ, թեև Timeline Auctions աճուրդի կազմակերպիչները հույս ունեն, որ այն կվաճառվի շատ ավելի բարձր գնով։

Վաճառքը կանցկացվի 2016թ. փետրվարին:

Ժաննա Դ'Արկը` Հարյուրամյա պատերազմում ֆրանսիական զորքերի հրամանատարներից մեկը, գերի է վերցվել բուրգունդցիների կողմից և հանձնվել անգլիացիներին։ 1431թ.-ին այրվել է խարույկի վրա։ Հետագայում սրբացվել է և կաթոլիկ եկեղեցու կողմից դասվել սրբերի շարքին։

 

 

20