ԵՐԵՎԱՆ, 22 դեկտեմբերի – Sputnik. Հարի Փոթերի դերում հանդես կհա 36-ամյա Ջեյմի Փարքերը, որը նկարահանվել է ««Վալկիրիա» օպերացիա» և «Պատմության սիրահարները» ֆիլմերում։ Ռոն Ուիզլի դերը բաժին է հասել 34-ամյա Փոլ Թորնլին, իսկ Գերմիոնա Գրեյնջերին կմարմնավորի 45-ամյա սևամորթ դերասանուհի Նոմա Դումեզվինին։

The Guardian-ը նշել է, որ գրքի հեղինակը երբեք չի նկարագրել Գրեյնջերին, չի նշել նրա ռասան, պարզապես գրել է, որ կախարդուհին ծնվել է ատամնաբույժի ընտանիքում, իսկ դաստիարակությունը ստացել է կախարդական աշխարհում։

Ներկայացումը կպատմի այն մասին, թե ինչպես են իրադարձությունները զարգանում «Հարի Փոթերն ու մահվան ընծաները» գրքից 19 տարի անց, ինչպես է Փոթերն աշխատում կախարդության նախարարությունում և մեծացնում երեք երեխաներին։

Ներկայացման պրեմիերան նախատեսված է 2016 թվականին Լոնդոնի Palace Theatre-ում։<blockquote class="twitter-tweet" lang="ru"><p lang="en" dir="ltr">The cast of Cursed Child: (from left)&#10;&#10;Paul Thornley as Ron&#10;Noma Dumezweni as Hermione and&#10;Jamie Parker as Harry <a href="https://t.co/zSYUCAUGxA">pic.twitter.com/zSYUCAUGxA</a></p>&mdash; Harry Potter World (@PotterWorldUK) <a href="https://twitter.com/PotterWorldUK/status/678897508836216833">21 декабря 2015</a></blockquote>
<script async src="//platform.twitter.com/widgets.js" charset="utf-8"></script>

​

ԵՐԵՎԱՆ, 3 մարտի - Sputnik. Բարձրագույն դատական խորհրդի նախագահ Ռուբեն Վարդազարյանն այսօր խորհրդարանում ներկայացնելու է Վճռաբեկ դատարանի դատավորների թեկնածուներին:

Բայց մինչ պատգամավորները կսկսեին թեկնածուներին հարցեր տալ նրանց ապագա գործունեության մասին, օգտվելով առիթից` սկսեցին իրենց հետաքրքրող հարցերի պատասխանները պահանջել Վարդազարյանից:

© Sputnik / Asatur Yesayants

ԱԺ-ն ընդունեց Ադրբեջանին ուղղված հայտարարությունը, որը քննարկվել էր փակ դռների հետևում

«Իմ քայլը» խմբակցության պատգամավորներից Արթուր Հովհաննիսյանը հիշեց ԲԴԽ նախագահի՝ 2020 թ-ի նոյեմբերի 15-ի հայտարարությունը և փորձեց ճշտել՝ արդյո՞ք այն քաղաքական չէր՝ հիշեցնելով, որ այդ օրը պետք է տեղի ունենար ԱԱԾ նախկին տնօրեն ու Վարդազարյանի վաղեմի ընկեր Արթուր Վանեցյանի կալանքի հարցով դատական նիստը:

ԲԴԽ նախագահը հիշեցրեց, որ իր ղեկավարած կառույցը հաշվետու չէ ԱԺ-ին ու հավելեց. «Հետևաբար ես պարտավոր չեմ պատասխանել քաղաքական բնույթի հարցերի: Պատրաստ եմ պատասխանել բոլոր այն հարցերին, որոնք վերաբերում են այն թեկնածուներին, որոնց ներկայացնելու համար ես այսօր ներկայացել եմ»:

ԱԺ նիստը վարող փոխնախագահ Ալեն Սիմոնյանը ԲԴԽ նախագահին կոչ արեց պատասխանել հարցերին:

«Կարող եք ընդհանրապես չպատասխանել, և մենք ու քաղաքացիները մեր հետևություններ կանենք, բայց ես կոչ եմ անում այնուամենայնիվ պատասխանել»,- ասաց նա:

ԲԴԽ նախագահին ուղղված հարցերի տարափից զայրացած անկախ պատգամավոր Գևորգ Պետրոսյանն էլ տեղից հարց ուղղեց Վարդազարյանին. «Ինչո՞ւ է աղմկում գետը»:

Ալեն Սիմոնյանը խնդրեց տեղից չմիջամտել. «Պարոն Պետրոսյան, ես ձեր հարցերի խորությունը մշտապես նկատել եմ, բայց ձեր գետի հետ կապված խնդրում եմ տեղից չխոսել»:

«Իմ քայլի» պատգամավոր Արեն Մկրտչյանն էլ հարց ուղղեց ԲԴԽ նախագահին. «Դուք գիտե՞ք` որտեղ եք գտնվում»:

Վարդազարյանն էլ հայտնեց, որ որևէ կանոն չի խախտել ու նշեց դատավորների գործունեության ու վարքագծի կանոնները սահմանող մի շարք օրենքների հոդվածներ:

«Այդ վարքագծի կանոններից ելնելով՝ ես ունեմ զսպվածության սահման, և այդ զսպվածության սահմանը որևէ կերպ չեմ անցնելու, որքան էլ ինձ փորձեք դրդել դեպի քաղաքական քննարկում»,- ասաց ԲԴԽ նախագահը:

Նշենք, որ Բարձրագույն դատական խորհուրդը Վճռաբեկ դատարանի քաղաքացիական և վարչական պալատի դատավորի թափուր տեղի համար առաջադրել է Սամվել Գրիգորյանի, Արմեն Հայկյանցի և Արսեն Մկրտչյանի թեկնածությունները, որոնք նախատեսվում է քննարկել ընթացող քառօրյա նիստերի օրակարգում: