Ситуация в Париже после серии терактов

ԶԼՄ. Փարիզի արվարձանում պայթյուններ են հնչել

9
(Թարմացված է 11:59 18.11.2015)
BFMTV հեռուստաընկերության թղթակիցը հայտնել է, որ նռնակների յոթ-ութ պայթյուն է լսվել։ RTL ռադիոկայանի հաղորդագրության համաձայն, վիրավորվել է ոստիկանության երեք աշխատող

ԵՐԵՎԱՆ, 18 նոյեմբերի- Sputnik. Փարիզի Սեն Դենի արվարձանում հատուկ գործողության ակտիվ փուլը վերսկսվել է, յոթ-ութ պայթյունի ձայն է լսվել, հաղորդում է BFMTV հեռուստաալիքը։ Ենթադրվում է, որ այս արվարձանում ահաբեկիչներ կան թաքնված։

«Այստեղ պայթյուններ են հնչում, որոնք նման են նռնակների պայթյունի։ Առնվազն յոթ կամ ութ պայթյունի ձայն է հնչել»,- ուղիղ եթերում հայտնել է թղթակիցը։
Ավելի վաղ տեղեկացվել էր, որ գործողության ակտիվ փուլն ընդհատվել է։

Չորեքշաբթի առավոտյան ոստիկանական հատուկ նշանակության ջոկատը գործողություն է սկսել Փարիզի Սեն Դենի արվարձանում։ Ենթադրվում է, որ բնակարաններից մեկում թաքնվել են այն ահաբեկիչները, որոնք մասնակցել են նոյեմբերի 13-ի ահաբեկչական գործողություններին։ ԶԼՄ-ների տվյալով` գործողության նպատակներից մեկը Աբդելհամիդ Աբաուդն է, որին կասկածում են ահաբեկչությունների կազմակերպման մեջ։ Ավելի վաղ տեղեկություն էր հրապարակվել այն մասին, որ 2-3 գրոհայինի ձերբակալել են, այնուհետև` չեզոքացրել։ Այդ տեղեկությունը պաշտոնապես չի հաստատվել։

Ինչպես հաղորդում է RTL հեռուստակայանը, սպանվածների շարքում «կին է եղել` պայթուցիկ գոտիով, որը չի գործարկել»։
Այդ հաղորդագրության համաձայն, ոստիկաններից երեքը վնասվածքներ են ստացել։

 

9