ԵՐԵՎԱՆ, 7 նոյեմբերի– Sputnik. Սոֆյան (տարբեր երկրներում տարբեր տարբերակներ` Sofia, Sophia, Sofie, Zsófia) ամենահայտնի անունն է, որով ծնողները կոչում են իրենց նորածին աղջիկներին։ Հետազոտողներն ուսումնասիրություն են կատարել 49 երկրում և պարզել, որ այդ անունն առաջին տեղն է զբաղեցրել 9 երկրում, երկրորդ կամ երրորդ տեղը` ավելի քան 20 երկրում և հայտնվել դիտարկվող երկրների երկու երրորդի անունների թոփ–25–ում։

Ծնողներն իրենց աղջիկներին Սոֆյա անունով են կոչում հատկապես այն երկրներում, որտեղ խոսում են սլավոնական, բալթյան, գերմանական, թուրքական և ուգրա–ֆիննական լեզվաընտանիքների 22 լեզուներով։ Այդ երկրներում գերիշխող կրոնական խմբերը նույնպես բազմազան են՝ ուղղափառություն, կաթոլիկություն, բողոքականություն, աթեիզմ և իսլամի սունիթական ճյուղը։ Ինչպես նշում են հետազոտությունների հեղինակները, վերջին երեք տարիներին այդ անունն առաջատար է Ռուսաստանի և ԱՄՆ–ի վարկանիշերում:

Այսպիսով, Սոֆյան առաջին հորիզոնականից դուրս է մղել ավանդաբար այդ տեղը զբաղեցնող Մարիային։ Հետազոտության հեղինակները նշում են, որ  անունների տարածված լինելու աճը կապված չէ կրոնի հետ (ի տարբերություն Մուհամմեդի, որը տղաների ամենատարածված անունն է), և անվանակոչելու հարցում ծնողներն ավելի հաճախ տուրք են տալիս նորաձևությանը։ Հնարավոր է՝ պատճառն այն է, որ 20-30 տարի առաջ, երբ այսօրվա ծնողներն էին լույս աշխարհ գալիս, այդ անունը լայնորեն տարածված չէր, ու նրանք չեն մեծացել Սոֆյաների շրջապատում ու չեն հասցրել ձանձրանալ այդ անունից:

Հաշվի առնելով այն, որ ուսումնասիրության ընթացքում չեն հետազոտվել այնպիսի խիտ բնակեցված երկրների տվյալները, ինչպիսիք են Չինաստանը, Հնդկաստանը, Նիգերիան և Բրազիլիան, փոքր-ինչ չափազանցված է դառնում այս պնդումը, որ Սոֆյան ամենատարածված անունն է աշխարհում, գրում է Baby Name Wizard–ը։

ԵՐԵՎԱՆ, 3 մարտի - Sputnik. Ռուս խաղաղապահները Լեռնային Ղարաբաղի Մարտակերտ բնակավայրի շրջանում իրականացրած ականազերծման աշխատանքների ընթացքում ավելի քան 30 152 մմ բեկորային-ֆուգասային հրետանային արկեր են վնասազերծել։ Տեղեկությունը հայտնում է ՌԴ ՊՆ մամուլի ծառայությունը։

«2020թ. նոյեմբերի 23-ից ի վեր չպայթած զինամթերքից մաքրվել է 1 548 հա տարածք, 484 կմ ճանապարհ, 1 524 շինություն, այդ թվում՝ սոցիալական նշանակության 30 օբյեկտ, հայտնաբերվել ու վնասազերծվել է 24 994 պայթուցիկ առարկա», - ասված է հաղորդագրության մեջ:

Նշվում է, որ հայտնաբերված պայթուցիկ առարկաները դուրս են բերվել և ոչնչացվել հատուկ սարքավորված զորավարժարանում: Այն զինամթերքը, որը հնարավոր չէ տարհանել, ոչնչացվել է տեղում. պայթեցման աշխատանքների ժամանակ պահպանվել են անվտանգության բոլոր անհրաժեշտ միջոցները:

Ռուսական խաղաղապահ զորախմբի մարդասիրական ականազերծման վաշտի անձնակազմը շարունակում է Լեռնային Ղարաբաղում տեղանքը պայթունավտանգ առարկաներից մաքրելու աշխատանքները:

Հաղորդագրության համաձայն՝ մարտական գործողություններից տուժած շրջաններում ռուս խաղաղապահների աջակցությամբ շարունակվում է կենսական կարևորություն ունեցող հաղորդակցությունների վերականգնումը:

Հիշեցնենք` 2020թ.–ի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորակազմը տեղակայվել է 5 տարի ժամկետով, որից հետո ժամանակահատվածը մեխանիկորեն կերկարաձգվի ևս 5 տարով, եթե կողմերից որևէ մեկը ժամկետի ավարտից 6 ամիս առաջ չհայտարարի այդ դրույթի կիրառումը դադարեցնելու մտադրության մասին:

Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են