ԵՐԵՎԱՆ, 7 նոյեմբերի– Sputnik.Ամերիկյան դիետոլոգները հանգել են այն եզրակացության, որ ԱՄՆ–ում ճարպակալման դեպքերի 95 տոկոսը կապված չէ արագ սնունդ, գազավորված ըմպելիք կամ քաղցրավենիք օգտագործելու հետ։ Նրանք վստահեցնում են, որ Ամերիկայում սխալ ձևով են պայքարում ճարպակալման համաճարակի դեմ։ Այս մասին նշված է Obesity Science & Practice ամսագրում հրապարակված հոդվածում։

«Նշանակում է, որ ուտելիքի որոշակի տեսակները բացասական քողի տակ ներկայացնելը հազիվ թե օգնի ճարպակալման դեմ պայքարին։ Եթե մենք ցանկանում ենք իսկապես փոխել իրավիճակը, պետք է ուշադրություն դարձնենք ողջ սննդակարգին և ֆիզիկական ակտիվության մակարդակին։ Արագ սննդին «մեղադրելը» ոչ միայն արդյունավետ չէ, այլ նույնիսկ վնասակար էայն իմաստով, որ մարդկանց ուշադրությունը շեղվում է ճարպակալման զարգացման իսկական պատճառներից»,– հայտարարել է Դևիդ Ջասթը Կորռնելի համալսարանից։

Ջասթն ու գործընկերները որոշել են վերացնել այն բոլոր մեղադրանքները, որոնք ուղղված են քաղցր գազավորված ըմպելիքներին, քաղցրավենիքին և այլ, այսպես կոչված, «աղբին»։ Նրանք վերլուծել են ԱՄՆ –ի հիվանդությունների հսկողության և կանխորոշման կենտրոնի անցկացրած լայնածավալ հետազոտությունների արդյունքները։ Հետազոտությունն անցկացվել է 2007 և 2008 թվականներին ԱՄՆ–ի ողջ տարածքում։

Գիտնականները փորձել են պարզել աշխատանքային օրերին կերած առողջ և արագ սննդի ու մարդկանց մարմնի զանգվածի ցուցիչի (BMI), նրանց քաշի և հասակի հարաբերակցությունը։Եթե BMI–ն բարձր է եղել և գերազանցել է 25–ը, ուրեմն ավելորդ կիլոգրամների որոշակի քանակ կա, իսկ 30–ից բարձր ցուցանիշը ցույց է տվել, որ ճարպակալումը զարգացման փուլում է:

BMI–ի և մարդու սննդակարգի համեմատությունը բացահայտել է հետաքրքիր մի ֆենոմեն. պարզվում է`արագ սննդի և ավելորդ քաշի միջև կապ կա միայն մարդկանց փոքր խմբի համար`կա՛մ ճարպակալման չափազանց ծանր ձևերից տառապող մարդկանց, կա՛մ, հակառակը, ուժեղ անորեքսիա ունեցող մարդկանց համար։ Մյուս մարդիկ, որոնց թիվը Ջասթի խումբը գնահատում է ԱՄՆ–իընդհանուր բնակչության 95 տոկոսը, գիրանում է ոչ թե արագ սննդի, այլ բոլորովին այլ պատճառներով։

Ինչպես նշում են հետազոտողները, նման կապ չի դրսևորվել վնասակար ուտելիքի ո՛չ քաղցր, ո՛չ աղի տեսակների դեպքում, և այդ խնդիրը չի դրսևորվել բնակչության բոլոր խավերի դեպքում, եկամտի և սոցիալական վիճակի բոլոր մակարդակներում։

«Բոլոր ամերիկացիները, որոնց քաշը տատանվում է 56-146 կիլոգրամի սահմանում, օգտագործում են մոտավորապես նույն քանակությամբ ֆասթֆուդ, գազավորված ըմպելիք և այլ վնասակար մթերք։ Դա ցույց է տալիս, որ մենք ճարպակալման համաճարակի զարգացման պատճառները սխալ տեղում ենք փնտրում»,– եզրափակել է Ջասթը։

ԵՐԵՎԱՆ, 3 մարտի - Sputnik. Ռուս խաղաղապահները Լեռնային Ղարաբաղի Մարտակերտ բնակավայրի շրջանում իրականացրած ականազերծման աշխատանքների ընթացքում ավելի քան 30 152 մմ բեկորային-ֆուգասային հրետանային արկեր են վնասազերծել։ Տեղեկությունը հայտնում է ՌԴ ՊՆ մամուլի ծառայությունը։

«2020թ. նոյեմբերի 23-ից ի վեր չպայթած զինամթերքից մաքրվել է 1 548 հա տարածք, 484 կմ ճանապարհ, 1 524 շինություն, այդ թվում՝ սոցիալական նշանակության 30 օբյեկտ, հայտնաբերվել ու վնասազերծվել է 24 994 պայթուցիկ առարկա», - ասված է հաղորդագրության մեջ:

Նշվում է, որ հայտնաբերված պայթուցիկ առարկաները դուրս են բերվել և ոչնչացվել հատուկ սարքավորված զորավարժարանում: Այն զինամթերքը, որը հնարավոր չէ տարհանել, ոչնչացվել է տեղում. պայթեցման աշխատանքների ժամանակ պահպանվել են անվտանգության բոլոր անհրաժեշտ միջոցները:

Ռուսական խաղաղապահ զորախմբի մարդասիրական ականազերծման վաշտի անձնակազմը շարունակում է Լեռնային Ղարաբաղում տեղանքը պայթունավտանգ առարկաներից մաքրելու աշխատանքները:

Հաղորդագրության համաձայն՝ մարտական գործողություններից տուժած շրջաններում ռուս խաղաղապահների աջակցությամբ շարունակվում է կենսական կարևորություն ունեցող հաղորդակցությունների վերականգնումը:

Հիշեցնենք` 2020թ.–ի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորակազմը տեղակայվել է 5 տարի ժամկետով, որից հետո ժամանակահատվածը մեխանիկորեն կերկարաձգվի ևս 5 տարով, եթե կողմերից որևէ մեկը ժամկետի ավարտից 6 ամիս առաջ չհայտարարի այդ դրույթի կիրառումը դադարեցնելու մտադրության մասին:

Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են