Министр иностранных дел Турции Ахмет Давутоглу

Դավութօղլու. Թուրքիայի խորհրդարանական ընտրությունները կկայանան ամեն դեպքում

174
(Թարմացված է 17:52 12.10.2015)
97 մարդու կյանք խլած ահաբեկությունն ազդել է ընտրությունների նախապատրաստմանը, ասել է Թուրքիայի վարչապետ Ահմետ Դավութօղլուն։ Սակայն նոյեմբերի մեկին կայանալիք ընտրությունները կանցկացվեն ցանկացած հանգամանքներում, ավելացրել է նա։

ԵՐԵՎԱՆ, 12 հոկտեմբերի — Spuntik. Թուրքիայի արտահերթ խորհրդարանական ընտրությունները կանցկացվեն ցանկացած հանգամանքներում, երկուշաբթի ասել է երկրի վարչապետ Ահմետ Դավութօղլուն։

Երկու պայթյուն է որոտացել շաբաթ Մոսկվայի ժամանակով 10։04–ին Թուրքիայի մայրաքաղաքում արհմիությունների և հասարակական կազմակերպությունների կողմից կազմակերպված «Աշխատանք, խաղաղություն, ժողովրդավարություն» կարգախոսով երկրի հարավ–արևելքում թուրք–քրդական հակամարտության հետևանքով բռնության ալիքի դեմ ուղղված ցույցից առաջ։

Պայթյունները կազմակերպել էին մահապարտ ահաբեկիչները երկաթուղային կայարանի շրջանում, որտեղ ցույցի մասնակիցներն անցնում էին դեպի դրա անցկացման վայր։ Զոհվել է 97 մարդ, ավելի քան 500–ը դիմել է բուժհաստատություններ։ 

«Ահաբեկություններն ազդել են այն պայմանների վրա, որոնք պետք են ընտրություններին պատրաստվելու համար։ Սակայն մենք գնում ենք այդ ընտրություններին և կանցկացնենք դրանք ցանկացած դեպքում»,– ասել է Դավութօղլուն NT հեռուստաալիքին տված հարցազրույցում։

174