ԵՐԵՎԱՆ, 26 սեպտեմբերի– Sputnik. Բոլոր ժամանակների հիթերից ամենակատարյալը Nirvana խմբի Smells Like Teen Spirit երգն է, գրում է Daily Mail–ը։

Բրիտանացի ծրագրավորող և երաժիշտ Միք Գրիերսոնը Fiat ընկերության պատվերով ուսումնասիրել է, երաժշտական քննադատների կարծիքով, 50 լավագույն երգերը։ Fiat ընկերությունը ցանկացել է որոշել լավագույն ստեղծագործությունն` այն իր գովազդում օգտագործելու համար։

Համակարգչային վերլուծության միջոցով պարզվել է, որ հիթ դարձած երգերի մեծամասնության տեմպը րոպեում 120 զարկ է։ Այդ հիթերում օգտագործվում են մի քանի հիմնական ակորդներ (A, E, C, G), մաժորային բանալի և բարձր տոնայնություն։ Առավել հաճախ հանդիպում են «baby», «feel», «love» բառերը։ Միաժամանակ Գրիերսոնը նշում է, որ նման ստեղծագործությունների գլխավոր ընդհանուր գիծն այն է, որ դրանք նման չեն այլ մեղեդիների

Nirvana խմբի երգին իրենց չափանիշներով առավել մոտ են Ջոն Լենոնի լեգենդար Imagine ստեղծագործությունն ու U2 խմբի One ստեղծագործությունը։

ԵՐԵՎԱՆ, 5 մարտի - Sputnik. ՀՀ վարչապետ Նիկոլ Փաշինյանի` արտահերթ ընտրությունների առաջարկը ԲՀԿ–ն չի քննարկել։ Տեղեկությունն այսօր ԱԺ–ում կայացած ճեպազրույցում հայտնեց «Բարգավաճ Հայաստան» խմբակցության պատգամավոր Իվետա Տոնոյանը։

«Քանի որ այսօր կուսակցության քաղխորհրդի նիստ նախատեսված չէ, հետևաբար Նիկոլ Փաշինյան– Գագիկ Ծառուկյան հանդիպում ևս նախատեսված չէ»,–ասաց Տոնոյանը` հավելելով, որ այդ որոշումը պետք է բացառապես քաղաքական խորհրդի ձևաչափում կայացվի։ Այսինքն` ի հայտ եկած նոր իրողությունների քննարկում լինի, քաղաքական ներկա իրավիճակի ուսումնասիրություն, վերլուծություն և ըստ այդմ`քաղաքական դիրքորոշում։

«Այս պահին մենք ձեռնպահ ենք մնում հարցի հետ կապված մեր անձնական դիրքորոշումը ներկայացնելուց, մինչ այն պահը, երբ քաղաքական խորհուրդը` Գագիկ Ծառուկյանի գլխավորությամբ, կքննարկի որոշումը»,– ասաց Տոնոյանը` պատասխանելով հարցին` հնարավո՞ր է, որ ԲՀԿ–ն հրաժարվի Վազգեն Մանուկյանի գլխավորությամբ ժամանակավոր  կառավարության ձևավորման` ընդդիմադիր շարժման առաջ քաշած դիրքորոշումից ու ընդունի խորհրդարանը ցրելու ու նոր ընտրություններ անցկացնելու Փաշինյանի առաջարկը։

«Բարգավաճ Հայաստան» խմբակցության պատգամավոր Միքայել Մելքումյանն էլ շեշտեց, որ արտահերթ ընտրությունների անցկացումը նաև իրենց օրակարգում է։ «Խնդիրը դրանց անցկացման ժամկետի ու ձևաչափի մեջ է։ Բայց որ ճգնաժամ կա, ու այն երկար չի կարող շարունակվել, միանշանակ է»,– ասաց նա։

Մելքումյանը նշեց, որ կառավարման համակարգը չի գործում ու իր հաշվարկով դրա հետևանքով Հայաստանի տնտեսությունն օրական 5-7 մլն դոլար գումար է կորցնում։ Եվ սա, նրա խոսքով, ամիսներ շարունակվել այլևս չի կարելի։

 Հիշեցնենք, որ մարտի 4-ին, կայացել է Մարուքյան–Փաշինյան հանդիպումը։ ԼՀԿ առաջնորդը հայտնել է, որ Հայաստանում ստեղծված ներքաղաքական իրավիճակից դուրս գալու ճանապարհը արտահերթ ընտրություններն են, որն անցկացնելու կամք ունի նաև վարչապետը։

«Բարգավաճ Հայաստանը» վարչապետ հետ հանդիպման չէր գնացել`հայտարարելով, որ նրանից հրավեր չի ստացել։