Подготовка к открытию Петербургского экономического форума

Sputnik Մոլդովան գործարկել է բանաստեղծական էստաֆետա

70
(Թարմացված է 17:43 12.10.2015)
Էստաֆետան բացել է Մոլդովայի Հանրապետության ժողովրդական արտիստ Կոնստանտին Մոսկովիչը, ով կարդացել է հայտնի բանաստեղծ Գրիգորե Վիեռուի «Graiul meu» ստեղծագործությունը։

ԵՐԵՎԱՆ, 23 սեպտեմբերի – Sputnik. Sputnik Մոլդովան գործարկել է «Sputnik. ընթերցումներ» քնարերգական էստաֆետան, որի շրջանակներում հայտնի մոլդովացի քաղաքական գործիչներ, հասարակական գործիչներ, երաժիշտներ և նկարիչներ կկարդան ականավոր մոլդովացի բանաստեղծների ստեղծագործությունները։

Էստաֆետան բացել է Մոլդովայի Հանրապետության ժողովրդական արտիստ Կոնստանտին Մոսկովիչը, ով մոլդովական ազգային երաժշտության ուղեկցությամբ կարդացել է հայտնի բանաստեղծ Գրիգորե Վիեռուի «Graiul meu» («Մայրենի լեզու») ստեղծագործությունը։

Sputnik Մոլդովան «Sputnik. ընթերցումներ» նախագծի շրջանակներում անցկացվող բանաստեղծական էստաֆետայի երկրորդ մասնակիցն է։ Էստաֆետան սկսել է Sputnik Ղրղըզստանը 2015 թվականի մարտին և մեծ արձագանք է ստացել Ղրղըզստանի Հանրապետությունում։ Նրա մասնակիցներն են եղել Ղրղըզստանի Հանրապետության փոխվարչապետ Դամիրա Նիյազալիևան, Ղրղըզստանի Հանրապետության Ժոգորկու Քենեշա (Գերագույն խորհրդի) պատգամավոր Ժիլդիզկան Ջոլդոշովան, Ղրղըզստանի ժողովրդական բանաստեղծ  և երկրի պետական մրցանակների դափնեկիր Վյաչեսլավ Շապովալովը, կինոռեժիսոր, «Այտիշ» հասարակական հիմնադրամի հիմնադիր Սադիկ Շեր–Նիյազը։

«Sputnik. Ընթերցումներ նախագծի շրջանակում Մոլդովայում մի քանի ամիսների ընթացքում ձայնագրվելու և ներկայացվելու են առաջատար քաղաքագետների և հասարակական գործիչների, հայտնի սպորտսմենների, երաժիշտների և նկարիչների քնարերգական տեսաուղերձները։ Քնարերգական ակցիային կարող են միանալ բոլոր ցանկացողները` կարդալով և տեղադրելով ցանկացած հայտնի մոլդովացի բանաստեղծի ստեղծագործությունը սոցիալական ցանցերում», – նշել է Sputnik Մոլդովա միջազգային ռադիոկայանի և տեղեկատվական գործակալության ղեկավար Վլադիմիր Նովոսադյուկը։

Կոնստանտին Մոսկովիչ. «Ես ուրախ եմ, որ հենց ես եմ պատիվ ունեցել Մոլդովայում բացելու Sputnik. ընթերցումների էստաֆետան։ «Graiul meu» բանաստեղծությունը ինձ համար շատ թանկ է։ Հեղինակը իր ստեղծագործության մեջ փոխանցել է սերը դեպի մայրենի լեզուն, տունը, երկիրը, իր ժողովուրդը, Մոլդովայի հրաշագեղ բնությանը»։

Sputnik. ընթերցումներ նախագծի շրջանակում քնարերգական էստաֆետան այս բազմաբևեռ, բազմագույն աշխարհում` սեր, կյանք, շրջակա աշխարհի գեղեցկություն հիմնական արժեքներին անդրադարձող հայտնի քնարերգական ստեղծագործությունների ընթերցումների միջոցով մարդկանց մտերմացնելու նպատակ ունի։

Sputnik–ը (sputniknews.com) լրատվական գործակալություն և ռադիո է մուլտիմեդիոն մասնաճյուղերով տասնյակ երկրներում։ Sputnik–ն ընդգրկում է կայքեր, անալոգային և թվային ռադիոհեռարձակում, բջջային հավելվածներ և էջեր սոցցանցերում։ Բաժանորդների համար Sputnik–ի լրահոսը շուրջօրյա թողարկվում է անգլերեն, արաբերեն, իսպաներեն և չինարեն լեզուներով։

Կոնստանտին Յակովլևիչ Մոսկովիչը` Մոլդովայի Հանրապետության ժողովրդաական արտիստ է, արվեստի մաեստրո, մշակույթի բնագավառում ունեցած վաստակի համար պարգևատրվել է «Meritul civic» պետական մեդալով, «Gloria Muncii» շքանշանով  և Նիզամի Գյանջիևի միջազգային պարգևով։ Մոլդովայի և Ռումինիայի տարածքում «Վիտեբսկում Սլավյանսկի բազար» փառատոնի պաշտոնական ներկայացուցիչն է։


70