ԵՐԵՎԱՆ, 22 սեպտեմբերի – Sputnik. ԵՄ–ն 120 հազար փախստականների համար հարկադիր քվոտաներ չի մտցնելու, այս գործընթացն իրականացվելու է կամավորական սկզբունքով, հայտնում է եվրոպական դիվանագիտական աղբյուրը։
«Պարտադիր քվոտաներ չեն մտցվելու։ Սպասվում է, որ տեղաբաշխումն իրականացվելու է կամավորական սկզբունքով», – ասել է նա` հայտնելով, որ այդ մասին նախկինի պես պնդում են Հունգարիան, Չեխիան, Սլովակիան և Ռումինիան։
Սուր միգրացիոն ճգնաժամի ֆոնին ԵՄ 28 երկրների ՆԳՆ ղեկավարները երեքշաբթի Բրյուսելում արտահերթ նիստ կանցկացնեն, որպեսզի քննարկեն Եվրահանձնաժողովի առաջարկը` Մերձավոր Արևելքից և Աֆրիկայից արդեն ժամանած 120 հազար փախստականներին ԵՄ տարածում տեղաբաշխելու մասին։
Հանդիպումը կանցկացվի ՆԳՆ ղեկավարների պլանային նիստից մեկ շաբաթ անց, որտեղ նախարարները կկարողանան հաստատել երկու ամիս առաջ ընդունած` Իտալիայում և Հունաստանում գտնվող մինչև 40 հազար փախստականներին ընդունելու որոշումը։ Այս անգամ շեմը ավելի բարձր է. ԵՀ–ն ԵՄ փախստականների անդադար հոսքի ֆոնին առաջարկել է այդ թիվը քառապատկել` մինչև 160 հազար։
Նախօրեին Սլովակիայի վարչապետ Ռոբերտ Ֆիցոն հայտնել էր, որ իր եկիրը պատրաստ է բողոքարկել ԵՄ փախստականների ընդունման քվոտաների համակարգի կիրառման որոշումը, եթե այն երեքշաբթի ընդունվի «որակավորված մեծամասնության» կողմից, որտեղ խոշեր պետությունները մեծ թվով ձայներ ունեն։ Պարտադիր քվոտաների համակարգի վերաբերյալ իր կտրական անհամաձայնության մասին կրկին հայտնել է Հունգարիայի վարչապետ Վիկտոր Օրբան։
Նախարարական նիստը կնախորդի ԵՄ արտահերթ գագաթնաժողովին, որն անցկացվելու է չորեքշաբթի։ Պետությունների և կառավարությունների ղեկավարները նախատեսում են քննարկել ավելի գլոբալ հարցեր` կապված մարդկանց զանգվածային միգրացիայի պատճառների հետ` ներառյալ փախստականներին իրենց երկրներ վերադարձնելու խնդիրը։
ԵՄ երկրներ փախստականների ընդունման պարտադիր քվոտաներ չեն լինելու
13:38 22.09.2015 (Թարմացված է: 13:39 22.09.2015)
© Sputnik / Дмитрий Виноградов
/ Բաժանորդագրվել
Եվրոպական դիվանագիտական աղբյուրը հայտնել է, որ ԵՄ երկրներ ժամանող փախտականների տեղաբաշխումը կատարվելու է կամավորական սկզբունքով
