куриные яйца

Գիտնականներն արժանացել են Շնոբելյան մրցանակի` խաշած հավկիթները հումի վերածելով

9
(Թարմացված է 16:09 18.09.2015)
Հարվարդի համալսարանին կից անցկացվել է գիտության բնագավառում անսովոր ձեռքբերումների մրցանակաբաշխություն, հաղորդում է The Independent–ը։

ԵՐԵՎԱՆ, 18 սեպտեմբերի  — Sputnik. Գիտական աբսուրդային ուսումնասիրությունների համար տրվող Շնոբելյան մրցանակի դափնեկիրների թվում այս տարի Կալիֆոռնիայի համալսարանի գիտնականներն են, ովքեր հավկիթում եփելու ընթացքում սպիտակուցի ձևավորմանը նվիրված հետազոտություններ են անցկացրել, հայտնում է The Independent–ը։

Ֆիզիկայի մրցանակը տրվել է Ջորջիայի համալսարանի գիտնականներին, ովքեր իրենց հետազոտությունում ցույց են տվել, որ գրեթե բոլոր կաթնասունների միզելու ժամանակը, անկախ չափերից, չիխուախուայից մինչև փիղ, զբաղեցնում է մոտ 21 վայրկյան։

Նշվում է, որ տվյալ հետազոտությունը «կարող է օգնել կենդանիների միզարձակման խնդիրների ախտորոշման հարցում»։

Կենսաբանության ոլորտի մրցանակակիրներ են դարձել չիլիացի գիտնականները, ովքեր, արհեստական պոչ կպցնելով հավին, «Զբոսնելով դինոզավրերի նման` արհեստական պոչերով հավեր» աշխատանքում ցույց են տվել, թե ինչպես են որոշ փետրավորներ վերածվել ժամանակակից թռչունների։

Շնոբելյան մրցանակ է շնորհվել նոր գրականության, մաթեմատիկայի, տնտեսության, բժշկության, բժշկական ախտորոշման, հոգեբանության և մենեջմենթի ոլորտներում։

Այդ մրցանակը, ինչպես հիշեցնում է The Independent–ը, շնորհվում է «այնպիսի հետազոտությունների համար, որոնք սկզբում ստիպում են ծիծաղել, այնուհետև մտորել դրանց շուրջ»։

9