Հայտնի են դարձել բոլոր ժամանակների լավագույն հեռուստասերիալները

ԵՐԵՎԱՆ, 18 սեպտւեմբերի– Sputnik. The Hollywood Reporter հրատարակությունը կազմել է 100 լավագույն հեռուստասերիալների վարկանիշը, հաղորդում է Lenta.ru–ն։

Վարկանիշը կազմվել է հարցման հիման վրա, որն անցկացվել է 2,8 հազար մարդկանց շարքում, որոնք անմիջական կապ ունեն զվարճանքների ինդուստրիայի հետ. ռեժիսորներ, դերասաններ, պրոդյուսերներ։

Հարցվածների կարծիքով` առաջին տեղը զբաղեցնում է «Ընկերներ» նախագիծը, որը եթեր է դուրս եկել 1994-2004թթ. և ստացել բազմաթիվ պարգևներ, այդ թվում վեց «Էմմի» և «Ոսկե գլոբուս» մրցանակներ։ Երկրորդ հորիզոնականում հայտնվել է «Breaking Bad» սերիալը, որը հեռարձակվել է 2008-2013թթ. և մի քանի անգամ «Էմմի» մրցանակ ստացել։ Առաջատարների եռյակը եզրափակում է «Գաղտնի նյութեր» սերիալը (1993-2002) Դևիդ Դուխովնու և Ջիլիան Անդերսոնի հետ։

Դրան հետևում են ֆենթեզի ժանրում «Գահերի խաղ» դրամատիկ հեռուստասերիալը, «Սոպրանոների կլանը» քրեական–դրամատիկ նախագիծը։ Ցուցակում ներառվել է նաև «Ես սիրում եմ Լյուսիին» կատակերգական սերիալը, որի առաջին սերիան հեռարձակվել է 1951թ.–ին։ Տասնյակը եզրափակում է ամերկյան հեռուստատեսության պատմության մեջ ամենաերկար մուլտսերիալը` «Սիմփսոնները»։

Վարկանիշում հայտնվել են ռուս հանդիսատեսին հայտնի այնպիսի նախագծեր, ինչպիսիք են «Թղթե տնակ», «Մեծ պայթյունի տեսություն», «Սեքսը մեծ քաղաքում», «Ողջ մնալ» սերիալները։ Վերջինի գործադիր պրոդյուսեր Դեյմոն Լինդելոֆը խոստովանել է, որ նրա սիրած սերիալը ցուցակում ներառված «Թվին Փիքսն» է։ Պրոդյուսերի խոսքով` նախագիծը «փոխել է նրա մտածողությունը»։