ԵՐԵՎԱՆ, 16 սեպտեմբերի – Sputnik. ՄԱԿ–ում ՌԴ մշտական ներկայացուցիչ Վիտալի Չուրկինը բավականին իրատեսական է համարում այն լուրը, որ ՄԱԿ–ի հաջորդ գլխավոր քարտուղարը կին կլինի։ ԱՄԻ «Ռոսիա սեգոդնյայի» կազմակերպած «Մոսկվա–Նյու Յորք» տեսակամրջի ընթացքում Չուրկինը հայտնել է, որ նման տարբերակի օգտին հանդես է գալիս ՄԱԿ–ի անդամ–երկրների մեծամասնությունը։

Նա նաև մեկնաբանել է այն տեղեկությունը, որ իբրև հաջորդ գլխավոր քարտուղարը պետք է դառնա Արևելյան Եվրոպայի ներկայացուցիչը։ «Նախևառաջ, ոչ ֆորմալ հասկացություն է, որ տարածաշրջանային խմբերը հաջորդում են մեկը մյուսին, և այժմ եկել է արևելաեվրոպական խմբի հերթը։ Արևելաեվրոպացիները շատ ակտիվ պաշտպանում են իրենց թեկնածուի իրավունքը, որպեսզի հենց Արևելյան Եվրոպայից մեկը դառնա ՄԱԿ–ի հաջորդ գլխավոր քարտուղարը», – ասել է ՌԴ մշտական ներկայացուցիչը։

«Ես պետք է ասեմ, որ այստեղ ևս արևելաեվրոպական խումբը զուտ հարթակի դեր է տանում։ Այսինքն, այնտեղից թեկնածուներ են առաջադրվելու, սակայն ինքը` արևելաեվրոպական խումբը, ոչ մի որոշում այդ առումով չի կայացնելու։ Իսկ բոլոր այդ թեկնածուները կդրվեն ՄԱԿ ԱԽ–ի քննարկմանը։ Անվտանգության խորհուրդը պետք է համապատասխան առաջարկություն անի, ինչից հետո  առաջարկությունը փոխանցվելու է Գլխավոր ասամբլեա, և Գլխավոր ասամբլեան, ինչպես գրված է կանոնադրության մեջ, կնշանակի հաջորդ գլխավոր քարտուղարին», – ասել է Չուրկինը։

«Սակայն սրա շուրջ, իսկապես, բավական թեժ վեճեր են ընթանում։ Առաջին հերթին, այստեղ երկրների մեծ խումբ կա, որն ասում է, որ անհրաժեշտ է, որպեսզի կին լինի, ընդ որում չի նշվում, որ այդ կինը պետք է լինի Արևելյան Եվրոպայից։ Այսինքն, նրանք կարծես թաքցնում են այդ սկզբունքը, սակայն այժմ Արևելյան Եվրոպայի հերթն է։ Նրանք ուղղակիորեն չեն ժխտում, որ Արևելյան Եվրոպայի հերթն է, սակայն չեն հիշատակում Արևելյան Եվրոպան։ Ուշադրություն է գրավում այն, որ նման ոչ պաշտոնական խումբ է ձևավորվել, մի խումբ, որը կողմ է, որպեսզի անպայման կին լինի։ Այդ խումբը գլխավորում է Կոլումբիայի մշտական ներկայացուցիչը։ Ինձ դժվար է պատկերացնել, որ Կոլումբիան պայքարում էր արևելաեվրոպացի կնոջ համար», – ասել է Չուրկինը։

ԵՐԵՎԱՆ, 3 մարտի -Sputnik. Մահացել է հայտնի թավջութակահար, ՀԽՍՀ ժողովրդական արտիստ Մեդեա Աբրահամյանը: Այս մասին հայտնել է Արամ Խաչատրյանի տուն-թանգարանի տնօրեն Արմինե Գրիգորյանը:

© Photo : Facebook / National Cinema Center of Armenia-Հայաստանի ազգային կինոկենտրոն

Մահացել է Գեորգի Կևորկովը

Նշենք, որ Մեդեա Աբրահամյանի նվագացանկում ընդգրկված է եղել թավջութակի ավելի քան 300 ստեղծագործություն, որոնցից շուրջ 120-ը գրված հենց նրա համար և նվիրվել են նրան։ Նրա լեգենդար անունն այսօր դարձել է դասական կատարողական արվեստի խորհրդանիշ:

Աբրահամյանն առաջին թավջութակահարն էր, որ պատուհան բացեց դեպի միջազգային հեղինակավոր բեմեր:

Նրան ծափահարել են աշխարհի բազմաթիվ երկրներում՝ Ամերիկայի Միացյալ Նահանգներում,  Կանադայում,  Ֆրանսիայում, Գերմանիայում, Իսլանդիայում, Արգենտինայում, Ուրուգվայում, Սիրիայում, Լիբանանում, Կորեայում, Ռումինիայում, Հունգարիայում, Բուլղարիայում, Լեհաստանում, Բելգիայում, Լյուքսեմբուրգում, նախկին խորհրդային հանրապետություններում և այլ երկրներում։

Մեդեա Աբրահամյանն արժանացել է բազմաթիվ մրցանակների, դրանք են`

• Պրահայի Հ. Վիհանի անվան թավջութակահարների միջազգային մրցույթի դափնեկիր (երկրորդ մրցանակ), 1955
• Հայաստանի երիտասարդության առաջին փառատոնի դափնեկիր (առաջին մրցանակ), 1957
• Մոսկվայի երաժիշտ-կատարողների համամիութենական մրցույթի դափնեկիր (առաջին մրցանակ), 1961
• ՀԽՍՀ վաստակավոր արտիստ, 1963
• Բուլղարիայի Ռուսե քաղաքի պատվավոր քաղաքացի, 1968  
• ՀԽՍՀ պետական մրցանակ, 1973
• ՀԽՍՀ ժողովրդական արտիստ, 1980
• Երևանի Կոմիտասի անվան պետական կոնսերվատորիայի պրոֆեսոր, 1983
• ԽՍՀՄ Գերագույն խորհրդի նախագահության կողմից «Աշխատանքի վետերան» մեդալ, 1987
• Հայ արվեստի ասպետ, 2007
• «Հայրենիքին մատուցած ծառայությունների համար» 1-ին աստիճանի մեդալ, 2012
• ՀՀ վարչապետի ոսկե հուշամեդալ, 2016
• «Նաիրի» համահայկական երաժշտական փառատոնի գլխավոր մրցանակ «Դասական լարային նվագարաններ» անվանակարգում, 2017[6]
• Հայաստանի երաժշտական ընկերության «Կոմիտաս» հուշամեդալ, 2018

1956 թվականից մինչև 1990-ական թվականների վերջը Մեդեա Աբրահամյանը եղել է Հայֆիլհարմոնիայի մենակատար։

Մահացել է նախկին գյուղնախարար Սերգո Կարապետյանը