ԵՐԵՎԱՆ, 16 սեպտեմբերի– Sputnik. «Ալֆա» հատուկ ստորաբաժանման հրամանատարը մահացել է Ռամիտի կիրճում տեղի ունեցած մարտական բախման հետևանքով, հայտնում է Տաջիկստանի ՆԳՆ–ի իրազեկ աղբյուրը։

«Անվտանգության պետական կոմիտեի «Ալֆա» հատուկ ստորաբաժանման հրամանատար Ռուստամ Ամակիևը մահացել է Տաջիկստանի պաշտպանության նախկին փոխնախարար Աբուհալիմ Նազարզոդայի զինված խմբավորման հետ տեղի ունեցած մարտական բախման հետևանքով», – նշել է աղբյուրը։

Աղբյուրի տվյալով` մահացել են նաև «Ալֆայի» մարտիկներից մեկն ու օմոնի ծառայողներից երկուսը։

Սեպտեմբերի 4–ին վաղ առավոտյան Դուշանբեում և Վախդատում հարձակվել են միլիցիայի աշխատակիցների վրա, ինչի հետևանքով սպանվել է ինը ոստիկան։ Իշխանությունն այդ հարձակումների համար մեղադրում է այն զինված խմբավորմանը, որը գլխավորում է Տաջիկստանի պաշտպանության նախկին փոխնախարար Աբդուհալիմ Նազարզոդան։ Իշխանության տվյալով` գեներալը մեծ թվով զենք–զինամթերք է հափշտակել երեք զորամասերից և դրանք երեք ԿԱՄԱԶ–ներով տեղափոխել Դուշանբեից։ Իրավապահների իրականացրած օպերացիայի 11 օրերի ընթացքում ոչնչացվել և ձերբակալվել են այդ խմբավորման մոտ 150 անդամներ։

Նազարզոդայի և նրա մտերիմ հանցակցի` հանրապետության պաշտպանության նախարարության գնդապետ Ջունայդուլո Ումարովի նկատմամբ հարուցվել է քրեական գործ Տաջիկստանի Քրեական օրենսգրքի չորս հոդվածներով։ Նրանք մեղադրվում են «պետությանը դավաճանելու», «դիվերսիա կազմակերպելու», «ահաբեկչության» և «ծայրահեղական միության ստեղծման» հոդվածներով։

Նազարզոդայի գլխավորած ահաբեկչական խմբավորման ոչնչացմանն ուղղված համատեղ գործողությունները շարունակվում են։

ԵՐԵՎԱՆ, 3 մարտի -Sputnik. Մահացել է հայտնի թավջութակահար, ՀԽՍՀ ժողովրդական արտիստ Մեդեա Աբրահամյանը: Այս մասին հայտնել է Արամ Խաչատրյանի տուն-թանգարանի տնօրեն Արմինե Գրիգորյանը:

© Photo : Facebook / National Cinema Center of Armenia-Հայաստանի ազգային կինոկենտրոն

Մահացել է Գեորգի Կևորկովը

Նշենք, որ Մեդեա Աբրահամյանի նվագացանկում ընդգրկված է եղել թավջութակի ավելի քան 300 ստեղծագործություն, որոնցից շուրջ 120-ը գրված հենց նրա համար և նվիրվել են նրան։ Նրա լեգենդար անունն այսօր դարձել է դասական կատարողական արվեստի խորհրդանիշ:

Աբրահամյանն առաջին թավջութակահարն էր, որ պատուհան բացեց դեպի միջազգային հեղինակավոր բեմեր:

Նրան ծափահարել են աշխարհի բազմաթիվ երկրներում՝ Ամերիկայի Միացյալ Նահանգներում,  Կանադայում,  Ֆրանսիայում, Գերմանիայում, Իսլանդիայում, Արգենտինայում, Ուրուգվայում, Սիրիայում, Լիբանանում, Կորեայում, Ռումինիայում, Հունգարիայում, Բուլղարիայում, Լեհաստանում, Բելգիայում, Լյուքսեմբուրգում, նախկին խորհրդային հանրապետություններում և այլ երկրներում։

Մեդեա Աբրահամյանն արժանացել է բազմաթիվ մրցանակների, դրանք են`

• Պրահայի Հ. Վիհանի անվան թավջութակահարների միջազգային մրցույթի դափնեկիր (երկրորդ մրցանակ), 1955
• Հայաստանի երիտասարդության առաջին փառատոնի դափնեկիր (առաջին մրցանակ), 1957
• Մոսկվայի երաժիշտ-կատարողների համամիութենական մրցույթի դափնեկիր (առաջին մրցանակ), 1961
• ՀԽՍՀ վաստակավոր արտիստ, 1963
• Բուլղարիայի Ռուսե քաղաքի պատվավոր քաղաքացի, 1968  
• ՀԽՍՀ պետական մրցանակ, 1973
• ՀԽՍՀ ժողովրդական արտիստ, 1980
• Երևանի Կոմիտասի անվան պետական կոնսերվատորիայի պրոֆեսոր, 1983
• ԽՍՀՄ Գերագույն խորհրդի նախագահության կողմից «Աշխատանքի վետերան» մեդալ, 1987
• Հայ արվեստի ասպետ, 2007
• «Հայրենիքին մատուցած ծառայությունների համար» 1-ին աստիճանի մեդալ, 2012
• ՀՀ վարչապետի ոսկե հուշամեդալ, 2016
• «Նաիրի» համահայկական երաժշտական փառատոնի գլխավոր մրցանակ «Դասական լարային նվագարաններ» անվանակարգում, 2017[6]
• Հայաստանի երաժշտական ընկերության «Կոմիտաս» հուշամեդալ, 2018

1956 թվականից մինչև 1990-ական թվականների վերջը Մեդեա Աբրահամյանը եղել է Հայֆիլհարմոնիայի մենակատար։

Մահացել է նախկին գյուղնախարար Սերգո Կարապետյանը