ԵՐԵՎԱՆ, 16 սեպտեմբերի– Sputnik. Արևմտյան Եվրոպայում հայտնվելու համար հնարավոր է  Խորվաթիայի իշխանությունները թույլ տան փախստականներին անցնել երկրի տարածքով, չորեքշաբթի խորհրդարանում ելույթի ժամանակ հայտարարել երկրի վարչապետ Զորան Միլանովիչը։

«Խորվաթիան պատրաստ է ընդունել կամ ուղղորդել այդ մարդկանց այնտեղ, ուր նրանք ցանկանում են գնալ։ Ակնհայտ է, որ դա Գերմանիան է կամ սկանդինավյան երկրները։ Նրանք հնարավորություն կունենան անցնել Խորվաթիա տարածքով, և մենք կօգնենք նրանց», – Ռոյթեր գործակալությունը մեջբերում է Միլանովիչի խոսքերը, հաղորդում է Sputnik–ը։

Ելույթի ընթացքում Միլանովիչը նաև նշել է, որ նախորդ գիշերվա ընթացքում Սերբիայի տարածքից Խորվաթիա է անցել մոտ 150 փախստական։

Ինչպես տեղեկացվում էր ավելի վաղ, Խորվաթիայի նախագահ Կոլինդա Գրաբար–Կիտարովիչը պահանջում է գումարել Ազգային անվտանգության խորհուրդ երկիր փախստականների զանգվածային ներհոսքի սպառնալիքի կապակցությամբ։ Սեպտեմբերի 15–ով թվագրված Միլանովիչի նամակում, նշվում է, որ խոսքը ոչ միայն հումանիտար խնդրի, այլ նաև երկրի անվտանգության մասին է, որն անհրաժեշտ է քննարկել պետական բարձր մակարդակում։

Նախօրեին հարևան Հունգարիան ներդրել է սահմանների ուժեղացված վերահսկողութան ռեժիմ, ինչը հանգեցրել է նրան, որ փախստականները շարժվել են դեպի Խորվաթիա։

 Դեպքի վայրից հայտնում են, որ փախստականների առաջին խոշոր խմբերը չորեքշաբթի վաղ առավոտյան սկսլ են Սերբիայի տարածքից օրինական և անօրինական կերպով մուտք գործել Խորվաթիա։ Այս ամենին հանգեցրեց հարևան Հունգարիայի կողմից ներդրած սահմանների ուժեղագույն վերահսկողության ռեժիմը։ Հունգարիան մինչև հիմա միգրանգների ճանապարհին հիմնական տարանցիկ պետությունն էր Մերձավոր Արևելքից դեպի Արևմտյան և Հյուսիսային Եվրոպա տեղափոխվելու համար։

 2015 թ.–ի սկզբից ԵՄ–ի տարածք են տեղափոխվել մոտ 500 հազար միգրանտներ, ամեն օր նրանց շարքերը համալրվում են հազարավոր նոր միգրանտներով։ Եվրահանձնաժողովը հայտարարել է, որ ստեղծված միգրացիոն ճգնաժամն աշխարհում խոշորագույնն է Երկրորդ աշխարհամարտից հետո։

ԵՐԵՎԱՆ, 3 մարտի -Sputnik. Մահացել է հայտնի թավջութակահար, ՀԽՍՀ ժողովրդական արտիստ Մեդեա Աբրահամյանը: Այս մասին հայտնել է Արամ Խաչատրյանի տուն-թանգարանի տնօրեն Արմինե Գրիգորյանը:

© Photo : Facebook / National Cinema Center of Armenia-Հայաստանի ազգային կինոկենտրոն

Մահացել է Գեորգի Կևորկովը

Նշենք, որ Մեդեա Աբրահամյանի նվագացանկում ընդգրկված է եղել թավջութակի ավելի քան 300 ստեղծագործություն, որոնցից շուրջ 120-ը գրված հենց նրա համար և նվիրվել են նրան։ Նրա լեգենդար անունն այսօր դարձել է դասական կատարողական արվեստի խորհրդանիշ:

Աբրահամյանն առաջին թավջութակահարն էր, որ պատուհան բացեց դեպի միջազգային հեղինակավոր բեմեր:

Նրան ծափահարել են աշխարհի բազմաթիվ երկրներում՝ Ամերիկայի Միացյալ Նահանգներում,  Կանադայում,  Ֆրանսիայում, Գերմանիայում, Իսլանդիայում, Արգենտինայում, Ուրուգվայում, Սիրիայում, Լիբանանում, Կորեայում, Ռումինիայում, Հունգարիայում, Բուլղարիայում, Լեհաստանում, Բելգիայում, Լյուքսեմբուրգում, նախկին խորհրդային հանրապետություններում և այլ երկրներում։

Մեդեա Աբրահամյանն արժանացել է բազմաթիվ մրցանակների, դրանք են`

• Պրահայի Հ. Վիհանի անվան թավջութակահարների միջազգային մրցույթի դափնեկիր (երկրորդ մրցանակ), 1955
• Հայաստանի երիտասարդության առաջին փառատոնի դափնեկիր (առաջին մրցանակ), 1957
• Մոսկվայի երաժիշտ-կատարողների համամիութենական մրցույթի դափնեկիր (առաջին մրցանակ), 1961
• ՀԽՍՀ վաստակավոր արտիստ, 1963
• Բուլղարիայի Ռուսե քաղաքի պատվավոր քաղաքացի, 1968  
• ՀԽՍՀ պետական մրցանակ, 1973
• ՀԽՍՀ ժողովրդական արտիստ, 1980
• Երևանի Կոմիտասի անվան պետական կոնսերվատորիայի պրոֆեսոր, 1983
• ԽՍՀՄ Գերագույն խորհրդի նախագահության կողմից «Աշխատանքի վետերան» մեդալ, 1987
• Հայ արվեստի ասպետ, 2007
• «Հայրենիքին մատուցած ծառայությունների համար» 1-ին աստիճանի մեդալ, 2012
• ՀՀ վարչապետի ոսկե հուշամեդալ, 2016
• «Նաիրի» համահայկական երաժշտական փառատոնի գլխավոր մրցանակ «Դասական լարային նվագարաններ» անվանակարգում, 2017[6]
• Հայաստանի երաժշտական ընկերության «Կոմիտաս» հուշամեդալ, 2018

1956 թվականից մինչև 1990-ական թվականների վերջը Մեդեա Աբրահամյանը եղել է Հայֆիլհարմոնիայի մենակատար։

Մահացել է նախկին գյուղնախարար Սերգո Կարապետյանը