Люди, которые перемещаются на четвереньках

Թուրքիայի գյուղերից մեկում մի ընտանիք է ապրում, որը միայն չորեքթաթ է քայլում

203
(Թարմացված է 10:28 13.09.2015)
Գիտնականները կարծում են, որ նման շեղման պատճառ են դարձել ուղեղի բնածին պաթոլոգիան և գենետիկ փոփոխությունները

ԵՐԵՎԱՆ, 13 սեպտեմբերի- Sputnik. Դարվինի տեսության համաձայն, մարդը կապիկից տարբերվում է ոչ միայն խոսելու և մտածելու ընդունակությամբ, այլ նաև՝ երկու ոտքով քայլելու ունակությամբ:

Թուրքիայի գյուղերից մեկում ապրում է մի ընտանիք, որի անդամները միայն չորեքթաթ են կարողանում քայլել: Այս մասին գրում է kulturologia.ru-ն:

Люди, которые перемещаются на четвереньках
Չորեքթաթ քայլելու հետևանքով նրանց ձեռքերին կոշտուկներ են առաջանում


Այդ արտասովոր ընտանիքի մասին աշխարհն իմացել է դեռևս 2006թ.-ին ամերիկյան BBC ալիքի հաղորդումներից մեկի շնորհիվ: Ընտանիքի երկու քույրերն ու եղբայրն ընդհանրապես չեն կարողանում քայլել երկու ոտքի վրա, մյուս երկուսը երբեմն ուղղահայաց դիրք են ընդունում: Գիտնականները կարծում են, որ նման շեղման պատճառ են դարձել ուղեղի բնածին պաթոլոգիան և գենետիկ փոփոխությունները:

Կմախքի կառուցվածքի պատճառով այդ մարդիկ չեն կարողանում տեղաշարժվել տրամագծով, այսինքն չեն կարողանում միաժամանակ դնել աջ ձեռքն ու ձախ ոտքը: Նրանք միակողմանի են քայլում, ուստի մարմնի քաշը տեղափոխվում է ոչ թե հոդերի, այլ դաստակների վրա:

Люди, которые перемещаются на четвереньках
Kulturologia
Չորեքթաթ քայլելու հետևանքով նրանց ձեռքերը կոշտուկներով են պատվում

Նման կերպ տեղափոխվելու պատճառով այդ մարդկանց ձեռքերի վրա հսկայական կոշտուկներ են առաջանում, բայց միաժամանակ մատների շարժունակությունը չի կորչում: Կանայք կարողանում են գործել և ասեղնագործել: Այդ մարդկանց տարիքը տատանվում է 18-34 տարեկանի սահմանում: Քույրերը ժամանակի մեծ մասն անցկացնում են տանը: Եղբայրներից մեկը շփվում է համագյուղացիների հետ պարզ բառակապակցություններով:

203