ԵՐԵՎԱՆ, 11 սեպտեմբերի — Sputnik. «Իսլամական պետություն» իսլամական խմբավորման գրոհայինները, հնարավոր է, ինքնուրույն իպրիտ են արտադրում, որն օգտագործում են որպես քիմիական զենք, հայտնում է Բի–բի–սի հեռուստաալիքը` հղում անելով ԱՄՆ վարչակազմի իր աղբյուրին։
«Մենք կարծում ենք, որ ԻՊ–ն ոչ մեծ հետազոտական խումբ ունի, որը կատարելագործում է քիմիական զենքի արտադրության տեխնոլոգիաները»,– ասել է լրագրողների զրուցակիցը։ Այլ վարկածների համաձայն, գրոհայինները քիմիական զենքի պաշարների հասանելիություն են ստացել Սիրիայի կամ Իրաքի տարածքում։ Նա նշել է, որ գրոհայինները կիրառում են իպրիտը փոշու տեսքով` այն ավելացնելով ականանետային պարկուճների մեջ։
Ավելի վաղ ՌԴ ԱԳՆ պաշտոնական ներկայացուցիչ Մարիա Զախարովան հայտարարել է, որ լուրեր կան քիմիական զենքի արտադրության փաստաթղթաբանության նկատմամբ ԻՊ–ի հասանելիության մասին։
ԻՊ խմբավորումն այսօր համաշխարհային անվտանգության գլխավոր սպառնալիքներից է։ Երեք տարվա ընթացքում ահաբեկիչներին հաջողվել է Իրաքի և Սիրիայի զգալի տարածքներ գրավել։ Բացի այդ, նրանք փորձում են ազդեցություն տարածել Հյուսիսային Աֆրիկայի, մասնավորապես, Լիբիայի տարածքում։ ԻՊ–ի դեմ պայքարի միասնական ճակատ չկա` խմբավորման դեմ պայքարում են Սիրիայի և Իրաքի կառավարության ուժերը, միջազգային կոալիցիան ԱՄՆ–ի գլխավորությամբ (առայժմ սահմանափակվում է օդային հարվածներով), ինչպես նաև քրդերն ու լիբանանցի ու իրաքցի շիա աշխարհազորայինները։ Ռազմական գործողությունների հետևանքով զոհվել են հարյուր հազարավոր խաղաղ բնակիչներ, և միլիոնավոր մարդիկ դարձել են փախստականներ։
ԻՊ խմբավորումն այսօր համաշխարհային անվտանգության գլխավոր սպառնալիքներից է։ Երեք տարվա ընթացքում ահաբեկիչներին հաջողվել է Իրաքի և Սիրիայի զգալի տարածքներ գրավել։ Բացի այդ, նրանք փորձում են ազդեցություն տարածել Հյուսիսային Աֆրիկայի, մասնավորապես, Լիբիայի տարածքում։ ԻՊ–ի դեմ պայքարի միասնական ճակատ չկա` խմբավորման դեմ պայքարում են Սիրիայի և Իրաքի կառավարության ուժերը, միջազգային կոալիցիան ԱՄՆ–ի գլխավորությամբ (առայժմ սահմանափակվում է օդային հարվածներով), ինչպես նաև քրդերն ու լիբանանցի ու իրաքցի շիա աշխարհազորայինները։ Ռազմական գործողությունների հետևանքով զոհվել են հարյուր հազարավոր խաղաղ բնակիչներ, և միլիոնավոր մարդիկ դարձել են փախստականներ։
