ԵՐԵՎԱՆ, 11 սեպտեմբերի– Sputnik. Հինգշաբթի լույս ուրբաթ գիշերը Օդեսայում պայթյուն է գրանցվել։ Այս մասին նշված է Ուկրաինայի ՆԳՆ գլխավոր վարչության կայքում։
«Գիշերվա մեկին ոստիկանությունը հաղորդագրություն է ստացել, որ Կոբլևսկայա 8 փողոցում` բակի մուտքի մոտ, նռնակ է պայթել։ Պայթյունի հետևանքով վնասվել է «Հոնդա» մակնիշի ավտոմեքենան»,– ասվում է գերատեսչության հաղորդագրությունում։
Գլխավոր վարչությունից նշում են, որ պայթյունի տեղում գտել են նռնակի օղակը։ Տուժածներ չկան։
Իրավապահ մարմինները պարզում են պատահարի բոլոր հանգամանքները
Վերջին ժամանակաշրջանում Օդեսայում հաճախ են տեղի ունենում նման միջադեպեր։ Օգոստոսի սկզբին պայթյուններ էին գրանցվել «Օդեսայի ինքնապաշտպանություն» հասարակական կազմակերպության շտաբում և Օդեսայի սրճարաններից մեկում։ Երկու դեպքում էլ զոհեր չէին եղել։ Իրավապահ մարմինները վնասազերծել էին պայթուցիկ սարքերը, վերջին նման դեպքը տեղի է ունեցել սեպտեմբերի 10–ին։
Օդեսայի կենտրոնական փողոցում գիշերը պայթյուն է գրանցվել
11:29 11.09.2015 (Թարմացված է: 12:14 11.09.2015)
© Sputnik / Денис Петров
/ Բաժանորդագրվել
Պայթյունը տեղի է ունեցել բակերից մեկի մուտքի մոտ, պայթյունի հետևանքով ավտոմեքենա է վնասվել։ ՆԳՆ գլխավոր վարչությունից հայտնել են, որ պատահարի տեղում հայտնաբերել են նռնակներ
