SpaceX–ի սեփականատերն առաջարկել է ջերմամիջուկային ռումբեր նետել Մարսի վրա

186
Մարսի գաղութացման գլխավոր խոչընդոտն այդ մոլորակի կլիման է։ Կա երկու եղանակ այն ավելի ջերմ դարձնելու համար, երեկոյան հեռուստաշոուում ասել է Իլոն Մասկը

ԵՐԵՎԱՆ, 10 սեպտեմբերի — Sputnik. SpaceX ընկերության սեփականատեր Իլոն Մասկն առաջարկել է ջերմամիջուկային ռումբեր նետել այդ մոլորակի վրա` այն մարդաբնակ դարձնելու համար, հաղորդում է Washington Post–ը։

Այդ անսպասելի հայտարարությամբ գործարարը հանդես է եկել CBS ալիքով տիեզերական ճանապարհորդություններին և Մարսի գաղութացման ձևերին նվիրված երեկոյան հեռուստաշոուում։

Մասկի խոսքով, գոյություն ունի Մարսը մարդկանց կյանքի համար պիտանելի դարձնելու երկու ձև։ Երկուսն էլ ենթադրում են մոլորակի կլիմայի փոփոխություն։ Մարսի վրա ջերմացում կարելի է առաջացնել ջերմոցային գազերով, բայց դրանց համար մի քանի տարի կպահանջվի, կարծում է SpaceX–ի սեփականատերը։

Արագ ձևն ավելի հետաքրքիր է, նշում է Washington Post–ը։ «Արագ ձևը բևեռների վրայով ջերմամիջուկային ռումբեր նետելն է», – ասել է Մասկը «բացարձակ անհաղորդ դեմքով», գրում է պարբերականը։

Դրան ի պատասխան ծրագրի հաղորդավարը գործարարին «սուպերչարագործ» է անվանել։

SpaceX–ի սեփականատիրոջ խոսքով, Մարսին հնարավոր կլինի հասնել իրենց ընկերության ստեղծած բազմակի «ուղևորվող» հրթիռով։ Այնուամենայնիվ, այդ հրթիռի վերջին փորձարկումն ավարտվել է «գեղեցիկ ձախողմամբ»։ Սակայն Մասկը նշում է, որ երկու կամ երեք տարի անց պատրաստ կլինի ուղևորներ ընդունել, հաղորդում է Washington Post–ը։

Իլոն Մասկը SpaceX ընկերության հիմնադիրն ու սեփականատերն է, ինչպես նաև Tesla Motors–ի տնօրենների խորհրդի ղեկավարը։

186