Женщина в хиджабе

Իրանցի նկարչուհին դատարանի առաջ կկանգնի տղամարդու ձեռքը սեղմելու համար

72
Տարեսկզբին Ֆարհադանին դատապարտվել է 12 տարի և 9 ամիս բանտարկության ծաղրանկարի համար, որում նկարչուհին իրանցի պաշտոնյաներին պատկերել է կապիկների և այծերի տեսքով

ԵՐԵՎԱՆ, 10 սեպտեմբերի– Sputnik. Իրանցի նկարչուհի Աթենա Ֆարհադանին, ով ազատազրկվել է պաշտոնյաների ծաղրանկարի համար, կկանգնի դատարանի առաջ։ Ինչպես գրում է The Independent–ը, պատճառը նրա և փաստաբան Մոհամմեդ Մոհիմիի ձեռքսեղմումն է։

Հրատարակության տեղեկությամբ` պաշտպանյալը բանտում այցելել է 29–ամյա կնոջը, հանդիպման ժամանակ նա սեղմել է կնոջ ձեռքը, ինչն Իրանում արգելված է։ Նկարչուհու արարքը գնահատել են որպես «շնություն» և անպարկեշտ պահվածք։ Նման մեղադրանքներ են ներկայացվել նաև նրա փաստաբանին։

Տարեսկզբին Ֆարհադինին դատապարտվել է 12 տարի և 9 ամիս բանտարկության ծաղրանկարի համար, որում նկարչուհին իրանցի պաշտոնյաներին պատկերել է կապիկների և այծերի տեսքով։ Նրան մեղավոր են ճանաչել «ազգային անվտանգության դեմ դավադրության», «համակարգի դեմ քարոզչության», ինչպես նաև «արվեստի միջոցով խորհրդարանի անդամներին վիրավորելու» մեջ։

72