Президент Турции Реджеп Тайип Эрдоган

Փորձագետ. առաջիկա ընտրություններում Էրդողանի կուսակցությունը չի ստանա ընտրողների ձայների մեծամասնությունը

15
(Թարմացված է 11:22 09.09.2015)
Էրդողանի «Արդարություն և զարգացում» կուսակցությունը նոյեմբերի 1–ին նախատեսված խորհրդարանական ընտրություններում չի ստանա ընտրողների ձայների մեծամասնությունը, ավելին, հնարավոր է, որ այն կստանա ավելի քիչ ձայն, քան հունիսին կայացած ընտրություններում, կարծում է ԱՊՀ երկրների ինստիտուտի Կովկասի բաժնի ղեկավար Վլադիմիր Եվսեևը

ԵՐԵՎԱՆ, 8 սեպտեմբերի– Sputnik. Թուրքիայի նախագահ Ռեջեփ Թայիպ Էրդողանի գլխավորած «Արդարություն և զարգացում կուսակցությունը» նոյեմբերին նախատեսված խորհրդարանական ընտրությունների ժամանակ չի ստանա ընտրողների ձայների մեծամասնությունը, երեքշաբթի «Հայաստան–Ռուսաստան. փոխհարաբերություններ և հեռանկարներ» թեմայով կայացած տեսակապի ժամանակ ասաց ԱՊՀ երկրների ինստիտուտի Կովկասի բաժնի ղեկավար Վլադիմիր Եվսեևը։

Նրա խոսքով` հենց քրդերի, այդ թվում` Քրդստանի աշխատավորական կուսակցության դեմ իրականացվող Էրդողանի քաղաքականությունը հանգեցրեց բազմաթիվ զոհերի և երկրում տիրող իրավիճակի սրման։

«Այս ամենը տեղի է ունենում Էրդողանի իշխանության թուլացման ֆոնին։ Դեռևս անհասկանալի է, թե ինչի նա կդիմի ընտրություններում պարտվելու դեպքում։ Ամենայն հավանականությամբ, նա ստիպված կլինի ձևավորել նոր կոալիցիոն կառավարություն», – կարծում է Եվսեևը։

Նա նշեց, որ ներկա իրավիճակի զարգացումը, որը խորանում է Սիրիայից փախստականների հոսքով, ևս վատացնում է Թուրքիայի տնտեսական վիճակը։

Թուրքիայում իշխող «Արդարություն և զարգացում կուսակցությունը» հաղթել է հունիսի 7–ին կայացած ընտրությունների արդյունքում, սակայն 2002 թ.–ից հետո առաջին անգամ կորցրել է խորհրդարանական մեծամասնությունը և չի կարող միայնակ կառավարություն ձևավորել։ Էրդողանը նաև հայտարարել է, որ պատրաստվում է անցումային կառավարություն ստեղծել։ Նա առաջարկել է վարչապետ Ահմեդ Դավութօղլուին ձևավորել ժամանակավոր կառավարություն։

Երկու ամսվա ընթացքում չհաջողվեց հասնել այլ կուսակցությունների հետ կոալիցիա ստեղծելու մասին համաձայնության։ Թուրքիայի նախագահը հույս ունի, որ նոր ընտրությունների արդյունքում նրա կուսակցությունը կկարողանան ամրապնդել իր դիրքերը խորհրդարանում և ձևավորել մեկ կուսակցությունից բաղկացած կառավարություն։

15