Карты American Express

Սակրամենտոյում հային կդատեն կիբերխարդախության համար

72
(Թարմացված է 18:57 08.09.2015)
Կասկածյալներին սպառնում է մինչև 20 տարի ազատազրկում և բազմաթիվ տուգանքներ

ԵՐԵՎԱՆ, 8 սեպտեմբերի– Sputnik. Կալիֆոռնիայի չորս բնակիչներ` Միհրան Մելքոնյանը, Ռուսլան Կիրիլյուկը, Ալեքսանդր Մասլովը և Ռուսլան Ահմերովը, կդատվեն Սակրամենտոյում (ԱՄՆ) բանկային խարդախության և 119 հազար բանկային հաշիվներից գումարներ գողանալու մեղադրանքով, հաղորդում է Slavicsac–ը։

Դաշնային դատախազության տվյալով` 2011թ.–ի հոկտեմբերից 2014թ.–ի մարտն ընկած ժամանակահատվածում չարագործները, օգտվելով անօրինական ճանապարհով ստացած անձնական տեղեկատվությունից, գումարներ են հանել American Express քարտերից` առանց քարտապանների իմացության։

Կեղծ վճարումներն իրականացվել են մեկօրյա կեղծ կազմակերպությունների միջոցով, որոնց անվանումները նման են հայտնի հոլդինգների անուններին` 24 Quick Stop, Best Box, Chevron, Marshall Store, Stop Shop Market, Walt Mart և Whole Store։

Կալիֆոռնիայի Արևելյան շրջանի դատախազի գրասենյակից հայտնել են, որ Մելքոնյանը և Ահմերովը մեղադրվում են Քրեական օրենսգրքի 23 հոդվածներով։ Ահմերովը մեղավոր է ճանաչվել անցած տարվա դեկտեմբերին և ներկա պահին սպասում է դատարանի որոշմանը։ Դատարանը Կիրիլյուկին և Մասլովին մեղադրանք է ներկայացրել փոստային փոխանցումների գողության 23 դեպքի վերաբերյալ։ Տվյալ պահին Մելքոնյանը գտնվում է կալանքի տակ, իսկ Մասլովին ազատ են արձակել գրավի դիմաց։

Կասկածյալներին սպառնում է մինչև 20 տարի ազատազրկում և 250 հազար դոլար տուգանք մեղադրության յուրաքանչյուր կետով։ Անձնական տվյալներ գողանալու համար Կիրիլյուկին կարող են դատել ևս երկու տարով։

72