ԵՐԵՎԱՆ, 8 սեպտեմբերի – Sputnik. Բելառուսի ԱԳՆ–ն հաղորդում է Ուկրաինայի իրավիճակի կարգավորման շփման խմբի հերթական նիստի մեկնարկի մասին, որն անցկացվում է Մինսկի կենտրոնում գտնվող «Պրեզիդենտ օտելում»։
«Ուկրաինայի հյուսիսում կարգավորման բանակցությունները սկսվել են Մինսկում աշխատանքային խմբերի համակարգողների հանդիպումով»,– Twitter–ի իր էջում հայտնել է Բելառուսի արտաքին քաղաքական գերատեսչությունը։
«Շփման խմբի հանդիպումը ծրագրված է 16։30–ին։ Բոլոր աշխատանքային խմբերինը` 13։00–ին, բացառությամբ քաղաքականի, որն աշխատանքը կսկսի 12։15–ին»,– Լուգանսկի տեղեկատվական կենտրոնին ասել է Մինսկի բանակցություններում ԼԺՀ–ի լիազոր ներկայացուցիչ Վլադիսլավ Դեյնեգոն։
Դեյնեգոն պարզաբանել է, որ քաղաքական ենթախմբի հանդիպումը կսկսվի ավելի վաղ` «քննարկվելիք հարցերի կարևորության» հետ կապված։
Հիմնական հարցերից մեկը կդառնա Դոնբասում 100 մմ–ից պակաս սպառազինությունները հետ տանելու փաստաթղթի համաձայնեցումը։ Շփման խմբի նախորդ հանդիպմանը, որը կայացել էր օգոստոսի 26–ին, փաստաթուղթը չհաջողվեց համաձայնեցնել, թեև կողմերն այն քննարկում էին երկու օրվա ընթացքում, իսկ հետո ենթախումբը հերթական հանդիպում է անցկացրել, որը նույնպես երկու օր է տևել։ Դոնբասի ներկայացուցիչները հույս են հայտնել, որ երեքշաբթի փաստաթուղթը վերջնականապես կհամաձայնեցվի։
Հանդիպումն անցկացվում է Դոնբասի հրադադարի ֆոնին, որի մասին համաձայնություն էր ձեռք բերվել օգոստոսի 26–ին։ Հակամարտության կողմերը, ինչպես նաև ԵԱՀԿ դիտորդները հաստատում են սեպտեմբերի 1–ի պայմանավորվածության պահպանումը, թեև հրադադարի խախտման մասին հաղորդումներ ստացվում են ամեն օր։
Ուկրաինայի հարցով շփման խմբի բանակցություններն են մեկնարկել Բելառուսի մայրաքաղաքում
© SputnikПрезидент-отель в Минскe
© Sputnik
Բաժանորդագրվել
Ուկրաինայի իրավիճակի կարգավորման հանդիպումն անցկացվում է Մինսկի կենտրոնական «Պրեզիդենտ օտելում»։ Հիմնական հարցերից մեկը 100 մմ–ից պակաս տրամաչափի սպառազինությունները հետ տանելու փաստաթղթի համաձայնեցումն է