ԵՐԵՎԱՆ, 1 սեպտեմբերի–Sputnik. Մեծ Բրիտանիայի Սոլֆորդ քաղաքի 55–ամյա դայվեր Գերի Գրեյսոնը Սիլլի արշիպելագում ջրում սուզվելիս ծանոթացել է հիասքանչ փոկի հետ, ով չի վախեցել, լողալով մոտեցել է Գերիին և անգամ խնդրել է քորել իր փորիկը։
Գերին չէր կարողանում հավատալ իր աչքերին, երբ մոխրագույն փոկը լողալով մոտեցավ նրան և խնդրեց, որ նա քորի իր փորիկը։
Դայվերը չէր կարող մերժել կենդանուն։ Տեսանյութում դիտեք, թե ինչ երանության մեջ է փոկը։
Կենդանին 5 րոպե շփվել է Գերիի հետ։
«Ես փորձառու դայվեր եմ, սակայն նման բան ինձ հետ երբեք չէր պատահել», – նշել է Գարին և ավելացրել, որ մարդիկ հարցնում են, թե ինչու է նա զբաղվում դայվինգով։
«Ահա, թե ինչու», – ավելացրել է Գերին։
