Левон Аронян, армянский шахматист

Արոնյանը միանձնյա առաջատար է Սինքֆիլդի Գավաթի ավարտից երկու տուր առաջ

81
Յոթ տուրից հետո Լևոն Արոնյանը հավաքել է հինգ միավոր` առաջ անցնելով ամենամոտ մրցակիցներից մեկ միավորով

ԵՐԵՎԱՆ, 31 օգոստոսի – Sputnik. Հայ գրոսմայստեր Լևոն Արոնյանը միանձնյա առաջատար է Սինքֆիլդի Գավաթում յոթերորդ տուրում ամերիկացի Խիկարու Նակամուրային հաղթելուց հետո, հայտնում է chesspro.ru–ն։

Մրցաշարի ֆավորիտներից մեկը` նորվեգացի Մագնուս Կառլսենը, անսպասելի պարտություն կրեց ռուս Ալեքսանդր Գրիշչուկից։ Մյուս երեք պարտիաներն են` Վեսելին Տոպալով (Բուլղարիա) – Անիշ Գիրի (Նիդեռլանդներ), Ֆաբիանո Կարուանա (ԱՄՆ) – Մաքսիմ Վաշիե–Լագրավ (Ֆրանսիա), Վիշի Անանդ (Հնդկաստան) – Ուեսի Սո (ԱՄՆ)։

Այսպիսով, յոթ տուրից հետո Արոնյանը հավաքել է հինգ միավոր` մեկ միավորով առաջ անցնելով Գրիշչուկից, Կառլսենից, Վաշիե–Լագրավից և Գիրիից, կես միավորով պակաս ունեն Նակամուրան և Տոպալովը, Անանդն ու Կարուանան` 2.5–ական միավոր, իսկ միցաշարային աղյուսակը եզրափակում է Սոն 2 միավորով։

Ութերորդ տուրի զույգերն են` Արոնյան – Անանդ, Գրիշչուկ – Վաշիե–Լագրավ, Կառլսեն – Նակամուրա, Գիրի – Կարուանա, Սո – Տոպալով։

Սինքֆիլդի գավաթը (Sinquefield Cup) Grand Chess Tour–ի մի մասն է և անցնում է շրջանաձև համակարգով օգոստոսի 23–ից սեպտեմբերի 3–ը։ Ժամանակի վերահսկողությունը` 120 րոպե առաջին 40 քայլերի համար, այնուհետև 60 րոպե մինչև պարտիայի ավարտը` յուրաքանչյուր քայլի համար 30 վայրկյանի ավելացմամբ։

81