Совместная пресс-конференция президента РФ В.Путина и канцлера Германии А.Меркель

Մերկել. ԵՄ–ն չի կարող չեղյալ հայտարարել պատժամիջոցները, բայց ցանկանում է լինել Ռուսաստանի գործընկերը

2
Գերմանիայի կանցլեր Անգելա Մերկելը հատուկ նշել է, որ Բեռլինը ցանկանում է վերադառնալ Մոսկվայի հետ կառուցողական հարաբերություններին

ԵՐԵՎԱՆ, 28 օգոստոսի– Sputnik. Գերմանիայի կանցլեր Անգելա Մերկելը կարծում է, որ Եվրոպական միությունն առայժմ չի կարող չեղյալ հայտարարել պատժամիջոցները, որոնք Ուկրաինայում հակամարտության պատճառով սահմանվել են Ռուսաստանի դեմ։

Կանցլերի խոսքով` ԵՄ–ում տեսնում են, որ պատժամիջոցներն անդրադարձել են նաև մի շարք արևմտյան ընկերությունների վրա։ «Այդ պատճառով մենք, իհարկե, ցանկանում ենք այնպիսի քաղաքական պայմաններ, որոնք թույլ կտան մեզ հանել պատժամիջոցները։ Նկատի ունենալով միջազգային իրավունքի էական խախտումները և մինչև հիմա անկայուն իրավիճակը` մենք, ցավոք սրտի, դեռ չենք հասել այդ հարցին»,– Մերկելի խոսքերը մեջբերում է Deutsche Welle հեռուստառադիոընկերությունը։

Դրա հետ մեկտեղ կանցլերը նշել է, որ Բեռլինը ցանկանում է վերադարձնել Մոսկվայի հետ ունեցած կառուցողական հարաբերությունները։ «Մենք ցանկանում ենք Ռուսաստանի հետ ունենալ գործընկերային հարաբերություններ, մենք այնքան շատ միջազգային խնդիրներ ունենք»,– հայտարարել է Մերկելը։ Նրա խոսքով, Մոսկվան կարող է կարևոր դեր խաղալ Սիրիայում հակամարտության կարգավորման մեջ։

Կանցլերը բազմիցս հայտարարել է, որ պատժամիջոցների ներմուծումը համարում է անհիմն և անօրինական։

2