Թուրքագետ. Թուրքիայի իշխանություններն անելու են հնարավորը՝ նոր խորհրդարանում մեծամասնություն կազմելու համար
ԵՐԵՎԱՆ, 25 օգոստոսի–Sputnik. Թուրքիայի «Արդարություն և զարգացում» կուսակցությունն ու Էրդողանը ձգտելու են ամեն կերպ այս ընտրություններում ապահովել մեծամասնություն, որպեսզի հնարավորություն ունենան ձևավորելու միակուսակցական կառավարություն, «Sputnik-Արմենիա» ռադիոկայանի հետ զրույցում ասել է ԳԱԱ արևելագիտության ինստիտուտի ավագ գիտաշխատող, թուրքագետ Լևոն Հովսեփյանը։
Թուրքագետի խոսքով` չի բացառվում, որ այս ընտրություններն էականորեն տարբերվեն նախորդ ընտրություններից։
«Իշխանությունները կարող են գնալ իրավական և ոչ իրավական, ֆորմալ և ոչ ֆորմալ տարբեր գործողությունների, որպեսզի ամեն կերպ ապահովեն մեծամասնությունը»,-ընդգծել է նա:
Հովսեփյանի խոսքով՝ այս փուլում Էրդողանը փորձեց ցույց տալ նաև իր ժողովրդավարական մոտեցումները, այսինքն՝ այն, որ ընտրությունների արդյունքում չկարողացավ ապահովել մեծամասնությունը:
«Բայց սա, կարծում եմ, մարտավարական քայլ էր Էրդողանի կողմից և նա փորձեց իրավիճակն օգտագործել նաև իր օգտին»,- նշել է Հովսեփյանը։
Ինչ վերաբերում է Թուրքիայի ներքաղաքական անկայունությանը և դրա համատեքստում Աղթամարի սուրբ Խաչ եկեղեցում մատուցվելիք պատարագի չեղյալ հայտարարելուն, ապա թուրքագետը նկատում է, որ Թուրքիայում ընթացող զարգացումներն այս կամ այն կերպ կանդրադառնան նաև հայկական համայնքի վրա:
«Պատրիարքարանի հաղորդագրությունում ասվում է, որ չեղարկումը պայմանավորված է անվտանգության նկատառումներով՝ հաշվի առնելով այդ շրջաններում ընթացող բախումները` Քրդստանի բանվորական կուսակցության և թուրքական բանակի միջև: Կարծում եմ, սա կարող է նաև թուրքական իշխանությունների հրահանգը լինել, որպեսզի այս ընթացքում դադարեցվի նման միջոցառման անցկացումը»,-ասել է Հովսեփյանը:
Թուրքագետի խոսքով` Թուրքիան գտնվում է բավական բարդ գործընթացում, և այդ լարվածությունը դեռ երկար կպահպանվի, առնվազն՝ մինչև նոյեմբեր, երբ Թուրքիայում անցկացվեն խորհրդարանական ընտրություններ։
«Սակայն դեռևս անորոշ և փակուղային է երևում իրավիճակը նույնիսկ ընտրություններից հետո: Կարծում եմ` այս բարդ իրավիճակն աշնանը դեռ իր սրությամբ զգացնել կտա»,- եզրափակել է Հովսեփյանը։
Հայտնի է` ինչի հետևանքով է կործանվել թուրքական ռազմական ուղղաթիռը
(Թարմացված է 11:20 05.03.2021)
Թուրքիայի պաշտպանության նախարարությունը հայտնել է, որ Cougar տիպի ուղղաթիռի կործանման հետևանքով 11 մարդ է մահացել։
ԵՐԵՎԱՆ, 5 մարտի – Sputnik. Թուրքիայի արևելքում ռազմական ուղղաթիռը վթարի է ենթարկվել եղանակային պայմանների վատթարացման պատճառով։ Տեղեկությունը հայտնել է Թուրքիայի պաշտպանական գերատեսչության ղեկավար Հուլուսի Աքարը, փոխանցում է ՌԻԱ Նովոստին։
©
Sputnik / Karen Avetisyan
«Նախնական տվյալներով և ականատեսների վկայությամբ՝ վթարը տեղի է ունեցել եղանակային պայմանների կտրուկ վատթարացման պատճառով։ Ուղղաթիռի կործանման փաստով հետաքննություն է սկսվել` պատահարի ճշգրիտ պատճառը պարզելու համար», - հայտարարել է Աքարը։
Ինչպես արդեն հայտնել էինք, երեկ` մարտի 4–ին, Թուրքիայում Cougar տիպի ուղղաթիռ է կործանվել, որի հետևանքով զոհվել է 9 թուրք զինծառայող, 4-ը վիրավորվել են:
Պուգաչովան անցել է Անջելինա Ջոլիին. ովքեր են իսկական կանայք` ըստ ռուսաստանցիների
(Թարմացված է 23:49 04.03.2021)
Հանրային կարծիքի ուսումնասիրման համառուսական կենտրոնի հետազոտությունը նվիրված է մարտի 8-ի Կանանց միջազգային օրվան:
ԵՐԵՎԱՆ, 4 մարտի - Sputnik. Ռուսաստանցիներն իսկական կին են համարում Ալլա Պուգաչովային, Սոֆյա Ռոտարուին և Վալենտինա Մատվիենկոյին: Այսպիսին են ՀԿՈւՀԿ–ի (Հանրային կարծիքի ուսումնասիրման համառուսական կենտրոն)` Կանանց միջազգային օրվան՝ Մարտի 8-ին նվիրված հարցման արդյունքները։
ՀԿՈւՀԿ–ի տվյալներով՝ հարցվածների 6 տոկոսը իսկական կին է անվանել Պուգաչովային, 3 տոկոսը՝ Ռոտարուին, ևս 3 տոկոսը՝ Մատվիենկոյին:
©
Sputnik / Екатерина Чеснокова
Բացի նրանցից, ռուսաստանցիներն իսկական կանանց ցուցակում են ներառել Իրինա Խակամադային (2%), Վալերիային (2%), Ալիսա Ֆրեյնդլիխին (2%), Չուլպան Խամատովային (2%) և Անջելինա Ջոլիին (1%):
«ՀԿՈւՀԿ- Sputnik» համառուսաստանյան նախաձեռնողական հարցումն անցկացվել է փետրվարի 14-ին, մարտի 2-3-ին 18-ից բարձր տարիքի 1600 ռուսաստանցիների շրջանում: Հարցումն անցկացվել է հեռախոսով։
Կանանց միջազգային օրն ամեն տարի նշվում է մարտի 8-ին։ Առաջին անգամ տոնի անցկացման գաղափարը ծագել է 20-րդ դարի սկզբին։ Կանանց միջազգային օրը նշվում են կանանց ձեռքբերումները՝ անկախ ազգային կամ էթնիկ, լեզվական, մշակութային, տնտեսական և քաղաքական պատկանելություններից։
Նոր կայարան, վճարման նոր համակարգ․ ինչ ծրագրեր կան Երևանի մետրոպոլիտենում
(Թարմացված է 13:23 05.03.2021)
Այս տարի Երևանի մետրոպոլիտենը նշում է իր 40-ամյակը։ Այդ առիթով կայարաններում կլինեն ցուցահանդեսներ, մշակութային միջոցառումներ։ԵՐԵՎԱՆ, 5 մարտի - Sputnik. Երևանի մետրոպոլիտենի տնօրենի ժամանակավոր պաշտոնակատար Գևորգ Ավետիսյանն այսօր հրավիրված ասուլիսի ժամանակ հայտնեց, որ փորձագիտական հանձնաժողովը շարունակում է աշխատանքները մետրոպոլիտենի նոր կայարանի շուրջ, որը կառուցվելու է Աջափնյակ թաղամասում։
«Չեմ ուզում փակագծերը բացել, դեռ աշխատանքները շարունակվում են։ Կոնկրետ ժամկետներ չեմ կարող նշել», - ասաց նա։
Նա նաև հայտնեց, որ խոսակցություններ կան նաև վճարման նոր համակարգի մասին, սակայն կրկին շատ շուտ է ժամկետների մասին խոսելը։
Ավետիսյանի փոխանցմամբ՝ 2010-ի մարտից սկսվել է մետրոպոլիտենի վերակառուցման նախագիծը, որի շրջանակում կատարվել են գնացքների լվացման, աշխատակիցների ուսուցման աշխատանքներ։
«Մենք կադրերի խնդիր ունենք։ Երկրում չկա ուսումնական հաստատություն, որը կադրեր կպատրաստի մետրոպոլիտենի համար։ Մենք ապավինում ենք փորձառու աշխատակիցների վրա, որոնք կսովորեցնեն երիտասարդներին», - ասաց նա։
Այս տարի Երևանի մետրոպոլիտենը նշում է իր 40-ամյակը։ Պատմության մեջ առաջին ու միակ անգամ մետրոն չի աշխատել 2020-ի ապրիլ-մայիսին կորոնավիրուսի պատճառով։
Աղմկահարույց պատմություն. ինչպես է բեռը ՌԴ–ից ուղարկվել ՀՀ, և ինչ կապ ունի Հայկ Սարգսյանը
«2019-ին մետրոպոլիտենից մարդիկ օգտվել են 21 միլիոն անգամ, իսկ 2020-ին՝ 11: Գրեթե կեսով նվազել է սպառումը։ Հիմա վերականգնվում են տեմպերը, օրական 50-55 հազար մարդ է սպասարկվում», - ասաց Ավետիսյանը։
Մետրոպոլիտենի հոբելյանը նշվելու է մարտի 7-ին։ Կայարաններում կլինեն ցուցահանդեսներ, մշակութային միջոցառումներ, կպարգևատրվեն աշխատակիցները։ Ցուցահանդեսները կայարաններում կլինեն ողջ տարի։
Գյումրու Վերականգնողական կենտրոնում փորձում են վերադարձնել վիրավորված տղաների ժպիտը
Երևանի մետրոպոլիտենը գործարկվել է 1981 թվականին։ Երևանի մետրոյի ուղիների ընդհանուր երկարությունը 12,1 կմ է, գործում է 10 կայարան։ Կայարաններից երեքը՝ Սասունցի Դավիթը, Գործարանայինն ու Չարբախը, վերգետնյա են, մնացած յոթը՝ ստորգետնյա։ Գնացքների ժամանման միջակայքը 6,5 րոպե է։
Հարավկովկասյան երկաթուղին շահագործման է հանձնել 70 նոր կիսավագոններ
թեգերը: