Արոնյանը ոչ–ոքի խաղաց Վաշե–Լագրավի հետ Սինքֆիլդի գավաթի երկրորդ տուրում
(Թարմացված է 12:50 25.08.2015)
Երկու տուրերի արդյունքում Արոնյանը կիսում է 2-4 տեղերը Սինքֆիլդի գավաթի տասը մասնակիցների շարքումԵՐԵՎԱՆ, 25 օգոստոսի – Sputnik. Գրոսմայստեր Լևոն Արոնյանը ոչ-ոքի խաղաց ֆրանսիացի Մաքսիմ Վաշե–Լագրավի հետ Սինքֆիլդի գավաթի երկրորդ տուրում, հայտնում է chesspro.ru–ն։
Ոչ–ոքի խաղացին նաև հոլանդացի Անիշա Գիրին և ամերիկացի Ուեսլի Սոյը։
Վեսելին Տոպալովը Բուլղարիայից հաղթեց ԱՄՆ–ից Խիկարու Նախամուրային, ռուս Ալեքսանդր Գրիշուկը հաղթեց հնդիկ Վիշվանաթան Անանդին, իսկ ամերիկացի Ֆաբիանո Կարուանան զիջեց նորվեգացի Մագնուս Կառլսենին։
Երկրորդ փուլից հետո մրցաշարային աղյուսակը գլխավորում էր Տոպալովը (2 միավորով), նրանից նվազագույն միավորով հետ էին մնացել Արոնյանը, Գիրին, Վաշե–Լագրավը, մեկական միավոր` Գրիշուկի, Նակամուրայի և Կարլսենի մոտ, իսկ Սոն 1.5 միավոր ունի, ցուցակը եզրափակում են Անանդն ու Կարուանան` զրոյական ցուցանիշով։
Երրորդ փուլի զույգերն են` Արոնյան–Գիրի, Անանդ–Տոպալով, Կառլսեն–Վաշե–Լագրավ, Սո–Գրիշուկ, Նակամուրա–Կարուանա։
Սինքֆիլդի գավաթը (Sinquefield Cup) Grand Chess Tour–ի մի մասն է և անցկացվում է շրջանաձև համակարգով` օգոստոսի 23-ից սեպտեմբերի 3-ը։ Ժամանակի վերահսկում` 120 րոպե առաջին 40 քայլերի համար, այնուհետև 60 րոպե մինչև պարտիայի ավարտը` յուրաքանչյուր քայլի համար ավելացնելով 30 վայրկյան։
Հայտնի է` ինչի հետևանքով է կործանվել թուրքական ռազմական ուղղաթիռը
(Թարմացված է 11:20 05.03.2021)
Թուրքիայի պաշտպանության նախարարությունը հայտնել է, որ Cougar տիպի ուղղաթիռի կործանման հետևանքով 11 մարդ է մահացել։
ԵՐԵՎԱՆ, 5 մարտի – Sputnik. Թուրքիայի արևելքում ռազմական ուղղաթիռը վթարի է ենթարկվել եղանակային պայմանների վատթարացման պատճառով։ Տեղեկությունը հայտնել է Թուրքիայի պաշտպանական գերատեսչության ղեկավար Հուլուսի Աքարը, փոխանցում է ՌԻԱ Նովոստին։
©
Sputnik / Karen Avetisyan
«Նախնական տվյալներով և ականատեսների վկայությամբ՝ վթարը տեղի է ունեցել եղանակային պայմանների կտրուկ վատթարացման պատճառով։ Ուղղաթիռի կործանման փաստով հետաքննություն է սկսվել` պատահարի ճշգրիտ պատճառը պարզելու համար», - հայտարարել է Աքարը։
Ինչպես արդեն հայտնել էինք, երեկ` մարտի 4–ին, Թուրքիայում Cougar տիպի ուղղաթիռ է կործանվել, որի հետևանքով զոհվել է 9 թուրք զինծառայող, 4-ը վիրավորվել են:
Պուգաչովան անցել է Անջելինա Ջոլիին. ովքեր են իսկական կանայք` ըստ ռուսաստանցիների
(Թարմացված է 23:49 04.03.2021)
Հանրային կարծիքի ուսումնասիրման համառուսական կենտրոնի հետազոտությունը նվիրված է մարտի 8-ի Կանանց միջազգային օրվան:
ԵՐԵՎԱՆ, 4 մարտի - Sputnik. Ռուսաստանցիներն իսկական կին են համարում Ալլա Պուգաչովային, Սոֆյա Ռոտարուին և Վալենտինա Մատվիենկոյին: Այսպիսին են ՀԿՈւՀԿ–ի (Հանրային կարծիքի ուսումնասիրման համառուսական կենտրոն)` Կանանց միջազգային օրվան՝ Մարտի 8-ին նվիրված հարցման արդյունքները։
ՀԿՈւՀԿ–ի տվյալներով՝ հարցվածների 6 տոկոսը իսկական կին է անվանել Պուգաչովային, 3 տոկոսը՝ Ռոտարուին, ևս 3 տոկոսը՝ Մատվիենկոյին:
©
Sputnik / Екатерина Чеснокова
Բացի նրանցից, ռուսաստանցիներն իսկական կանանց ցուցակում են ներառել Իրինա Խակամադային (2%), Վալերիային (2%), Ալիսա Ֆրեյնդլիխին (2%), Չուլպան Խամատովային (2%) և Անջելինա Ջոլիին (1%):
«ՀԿՈւՀԿ- Sputnik» համառուսաստանյան նախաձեռնողական հարցումն անցկացվել է փետրվարի 14-ին, մարտի 2-3-ին 18-ից բարձր տարիքի 1600 ռուսաստանցիների շրջանում: Հարցումն անցկացվել է հեռախոսով։
Կանանց միջազգային օրն ամեն տարի նշվում է մարտի 8-ին։ Առաջին անգամ տոնի անցկացման գաղափարը ծագել է 20-րդ դարի սկզբին։ Կանանց միջազգային օրը նշվում են կանանց ձեռքբերումները՝ անկախ ազգային կամ էթնիկ, լեզվական, մշակութային, տնտեսական և քաղաքական պատկանելություններից։
Դիմակավորված ու զինված կողոպուտ Գյումրիում. կողոպտիչը հափշտակել է ամբողջ գումարը
(Թարմացված է 13:38 05.03.2021)
Դանակով զինված կողոպտիչը մտել է դեղատուն, սպառնացել աշխատակցին, հափշտակել գումարն ու փախել։ Իրավապահները քայլեր են ձեռնարկում նրան հայտնաբերելու ուղղությամբ։Գյումրիում գործող «Նատալի ֆարմ» դեղատունը երեկ կողոպտել են։ Տեղեկությունը հայտնում է shamshyan.com–ը։
Ըստ կայքի` ժամը 21։20-ի սահմանում դիմակավորված և զինված անձը մտել է Շիրակացի փողոցի թիվ 3/1 հասցեում գործող դեղատուն, սպառնացել դանակով ու այնտեղ աշխատող դեղագործ Արևիկ Գալստյանից պահանջել այնտեղ եղած ողջ գումարը։
Նա հափշտակել է գումարն ու փախել։ Դեպքի վայր են մեկնել ոստիկաններն ու քննիչները։
Կողոպուտի հատկանիշներով քննչական բաժնում նյութեր են նախապատրաստվում։
Ոստիկանությունն ու քննչական բաժինը ձեռնարկում են անհրաժեշտ օպերատիվ-հետախուզական և քննչական համատեղ գործողություններ՝ կողոպուտը կատարող անձի ինքնությունը պարզելու, նրան և հափշտակված գումարը հայտնաբերելու ուղղությամբ։
Կայքի տեղեկություններով՝ դեղատնից հափշտակվել է մոտ 130 հազար դրամ։