Շունը ձախողել է բանտարկյալների փախուստը

ԵՐԵՎԱՆ, 17 օգոստոստի–Sputnik. Շունը ձախողել է բանտարկյալների փախուստը բանտից` գետնի տակից եկող ձայներ լսելով։

Կենդանին արձագանքել է բանտարկյալների աղմուկին, իսկ վերջիններս գետնի տակ թունել փորելիս են եղել։

Հունական Կորֆու կղզում շունը տիրոջ հետ զբոսանքի ժամանակ 30 մետրանոց թունել է հայտնաբերել, որը փորել են բանտարկյալները։ Այս մասին գրում է Guardian բրիտանական հրատարակությունը։

Ինչպես նշում է lifenews.ru–ն, շան տերը պատմել է, որ կենդանին, տարօրինակ ձայներ լսելով գետնի տակից, սկզբում քարացել է, իսկ հետո սկսել հաչալ և վնգստալ։ Միաժամանակ նա հրաժարվել է հեռանալ այդ վայրից։ Արդյունքում շան տերը որոշել է ոստիկանություն զանգել։

Խուզարկուները հայտնաբերել են մոտ 30 մետր երկարությամբ թունել։ Այն սկիզբ է առել Կորֆու քաղաքի բանտից, որտեղ 21 բանտարկյալ  առանձնապես ծանր հանցագործություններ կատարելու համար երկարատև կամ ցմահ պատիժ են կրում ։ Թունելի ներսում ոստիկանները նաև գտել են մարտկոցներ և սննդի համար նախատեսված պլաստիկ ամաններ։