Города мира. Бишкек

Ղրղըզստանը ԵՏՄ անդամ–երկրների հետ սահմանը կբացի օգոստոսի 12–ից

67
Ղրղըզստանից բացի ԵՏՄ–ի կազմում ընդգրկված են Հայաստանը, Բելառուսը, Ղազախստանը և Ռուսաստանը։ Միության բոլոր երկրներից Ղրղըզստանն ընդհանուր սահման ունի միայն Ղազախստանի հետ

ԵՐԵՎԱՆ, 10 օգոստոսի– Sputnik. Եվրասիական տնտեսական միության անդամ երկրների հետ Ղրղըզստանի սահմանին մաքսային հսկողության կետերը բաց կլինեն օգոստոսի 12–ից, հաղորդում է Ղրղըզստանի սահմանամերձ ծառայության հասարակայնության հետ կապերի բաժինը։

«ԵՏՄ–ի լիիրավ անդամակցության և «Ակ Ժոլ» անցակետի մաքսային հսկողությունը չեղյալ հայտարարելու ընթացակարգերի անցկացման հետ կապված` ժամանակավորապես կդադարեցվի սահմանամերձ հսկողության իրականացումն այն անձանց, ավտոտրանսպորտային միջոցների և բեռների համար, որոնք հատում են ղրղըզա–ղազախական պետական սահմանը»,– հայտարարել են գերատեսչությունում։

Մամուլի հաղորդագրության համաձայն, տվյալ անցակետում տեղի կունենա Ղրղըզստանի և Ղազախստանի միջև մաքսային սահմանի բացման հանդիսավոր արարողությունը։

Ղրղըզստանի իշխանությունները որոշել են Մաքսային միության անդամակցել 2011թ.–ի գարնանը։ 2014թ.–ի դեկտեմբերին Մոսկվայում կողմերը ստորագրել են ԵՏՄ–ին միանալու մասին համաձայնագիրը, իսկ մայիսին` երեք արձանագրություն։ Հուլիսին միության անդամ երկրները զբաղվել են այդ փաստաթղթերի վավերացմամբ։

Ղրղըզստանն ավարտել է ԵՏՄ–ին միանալու ներպետական ընթացակարգերը մայիսի վերջին։

Ղրղըզստանից բացի, ԵՏՄ–ի կազմում ընդգրկված են Հայաստանը, Բելառուսը, Ղազախստանը և Ռուսաստանը։ Միության բոլոր երկրներից Ղրղըզստանն ընդհանուր սահման ունի միայն Ղազախստանի հետ։

67