Греческий флаг на смотровой площадке Акрополя

Հունաստանի խորհրդարանը հավանություն է տվել վարկատուների օգնության ստացման օրինագծին

4
300 տեղանոց խորհրդանում «կողմ է» քվեարկել 229 պատգամավոր, դեմ` 64–ը, ձեռնպահ է մնացել 6 պատգամավոր։

ԵՐԵՎԱՆ, 16 հուլիսի–Sputnik. Հունաստանի խորհրդարանի պատգամավորների մեծամասնությունն աջակցել են «Շտապ միջոցներ բանակցությունների անցկացման և Աջակցության եվրոպական մեխանիզմի (ESM) հետ համաձայնության ձեռքբերման համար» օրինագծին, որի ընդունումը հունական բանկերին լիկվիդայնության տրամադրման վերսկսման և երկրի տնտեսությունը փրկելու համար օգնության նոր ծրագրի մեկնարկի պայման է, հաղորդում է ՌԻԱ Նովոստին։

300 տեղանոց խորհրդանում «կողմ է» քվեարկել 229 պատգամավոր, դեմ` 64–ը, ձեռնպահ է մնացել 6 պատգամավոր։

Օրենքին աջակցել են կառավարական կոալիցիայի կազմում ընդգրկված ՍԻՐԻԶԱ և «Անկախ հույներ» կուսակցությունների, ինչպես նաև «Նոր դեմոկրատիա», ՊԱՍՈԿ և «Պոտամի» («Գետ») ընդդիմադիր կուսակցությունների պատգամավորների մեծամասնությունը։ Դեմ են հանդես եկել Հունաստանի կոմունիստական կուսակցւթյան և «Զոլոտոյ զարի» աջակողմյան կուսակցության կուսակցության պատգամավորները։

«Դեմ» քվեարկածների թվում էին ՍԻՐԻԶԱ կուսակցությունից պատգամավոր, էներգետիկայի նախարար Պանայոտիս Լաֆազանիսը, ֆինանսների նախկին նախարար Յաննիս Վարուֆակիսը, հրաժարական ներկայացրած ֆինանսների փոխնախարար Նադյա Վալավանին, առողջապահության առաջին փոխնախարար Դիմիտրիս Ստրատուլիսը, պաշտպանության առաջին փոխնախարար Կոստաս Իսիխոսը։ Դեմ են քվեարկել ՍԻՐԻԶԱ մոտ 30 պատգամավորները, մի քանիսը ձեռնպահ է մնացել։    

4