Встреча глав МИД России и Германии С.Лаврова с В.Штайнмайером

Գերմանիան 2016 թ.–ին ԵԱՀԿ–ում նախագահության ծրագիր է ներկայացրել

565
Կազմակերպության գործունեության ապահովումն առաջին քայլն է, դրան է վերաբերում նաև բյուջետային որոշումների ընդունումը, հայտարարել է ԳԴՀ արտգործնախարար Ֆրանկ–Վալտեր Շտայնմայերը։ Նա նշել է, որ երկրորդ քայլը «սուր ճգնաժամերի կարգավորումն է»։

ԵՐԵՎԱՆ, 2 հուլիսի– Sputnik. ԳԴՀ ԱԳ նախարար Ֆրանս–Վալտեր Շտայնմայերը ԵԱՀԿ մշտական խորհրդի նիստին ներկայացրել է 2016 թ.–ին Գերմանիայի նախագահության ծրագրի չորս կետերը, որոնց թվում է նաև սուր ճգնաժամերի կարգավորումը, հաղորդում է ՌԻԱ Նովոստին։

«Գիտեմ, որ մեզանից որոշները շատ բան են ակնկալում Գերմանիայի նախագահությունից, սակայն հիմա բուռն ժամանակներ են, իսկ ապագան անհայտ է, այդ պատճառով թույլ տվեք մեզ միասին պարզություն մտցնել…Մենք պետք է քայլ առ քայլ առաջ շարժվենք և կարծում եմ, որ կա չորս քայլ», – ասել է նա։

Նրա խոսքով` «կազմակերպության գործունեության ապահովումը առաջին քայլն է, դրան է վերաբերում նաև բյուջետային որոշումների ընդունում»։ Նրա խոսքով` երկրորդ քայլը «սուր ճգնաժամերի կարգավորումն է»։

«Դրա համար մեզ հարկավոր է օգտագործել ԵԱՀԿ–ի գործիքները, ինչպես դա հիմա անում ենք Ուկրաինայում մոնիտորինգի առաքելության և եռակողմ կոնտակտային խմբի շրջանակում։ Եթե դա մեզ հաջողվի, ապա ԵԱՀԿ–ն կկարողանա կամուրջներ կառուցել, որոնք տանում են դեմ հակամարտությունների հաղթահարում։ Երրորդը, ես նկարագրել եմ բազմաթիվ հնարավոր ճգնաժամեր….և ապագայի այդ մարտահրավերները պահանջում են, որ ԵԱՀԿ–ն ի վիճակի լինի արձագանքել դրանց», – ասել է ԳԴՀ արտգործնախարարը։

«Չորրորդը, մենք պետք է պահպանենք Հելիսնկիի ոգին (Հելսինկյան եզրափակիչ ակտ, որը ԵԱՀԿ–ի հիմնական փաստաթուղթն է, այն ստորագրվել է 1975 թ.–ին և դրել է եվրոպական անվտանգության ժամանակակից ճարտարապետության հիմքը, խմբագրություն)», – ավելացրել է գերմանացի նախարարը։

565