Մոսկովյան միջազգային կինոփառատոնը մեկնարկում է ուրբաթ

1
37–րդ Մոսկովյան միջազգային կինոափառատոնը (ՄՄԿ) բացվում է ուրբաթ։ Ստորև ՌԻԱ Նովոստին ներկայացնում է տեղեկություններ։

ԵՐԵՎԱՆ, 19 հունիսի — Sputnik. 37–րդ Մոսկովյան միջազգային կինոափառատոնը (ՄՄԿ) բացվում է ուրբաթ։ Ստորև ՌԻԱ Նովոստին ներկայացնում է  տեղեկություններ։

Մոսկովյան միջազգային կինոփառատնը հնագույններից է աշխարհում։

Առաջին անգամ այն անցկացվել է 1935թ.–ին, այդ ժամանակ ժյուրին գլխավորել է Սերգեյ Էյզենշտեյնը։ Մրցութային ծրագիրը բացվել է Վասիլև եղբայրների «Չապաև» ֆիլմով, որը ստացել է գլխավոր մրցանակ։ Այունհետև կիոնփառատոնի պատմության մեջ դադար է եղել, որը տևել է 24 տարի։

Առաջին ՄՄԿ դափնեկիր է դարձել կինոռեժիսոր Սերգեյ Բոնդարչուկը, նրա «Մարդու ճակատագիրը» ֆիլմը ստացել է գլխավոր մրցանակ։

2000թ.–ից ՄՄԿ–ը դարձել է ամենամյա։

ՄՄԿ հիմնադիրն է Ռուսաստանի կառավարությունը։

Մոսկվայի միջազգային կինոփառատոնի շրջանակում ավանդաբար տեղի են ունենում տեղեկատվական ցուցադրություններ և համաշխարհային կինեմատոգրաֆի լավագույն ներկայացուցիչների ֆիլմերի հետահայաց ցուցադրություններ, հիշատակի օրեր, կլոր սեղաններ, գիտական սեմինարներ, համաժողովներ, գիտաժողովներ։

2004-2012թթ. անցկացվել է «Հեռանկարներ» մրցույթը, որին մասնակցել են դեբյուտային, որոնողական և փորձարարական աշխատանքներ։ 2013թ.–ին նոր անուններ են ներկայացվել կարճամետրաժ կինոյի ծրագրում։

2006թ.–ից Մոսկովյան կինոփառատոնի շրջանակում գոյություն ունի «Ազատ միտք» ոչ մրցութային փաստագրական ծրագիրը։

2011թ.–ից ՄՄԿ ծրագրում ներառված է փաստագրական կինոյի մրցույթը։

Կանոնակարգի համաձայն, հիմնական մրցույթին մասնակցում են 12 լիամետրաժ ֆիլմեր։ Փաստագրական կինոյի մրցույթին մասնակցում են 7 ֆիլմեր։

Մրցութային ֆիլմերը գնահատելու համար ստեղծվում են հիմնական մրցույթի միջազգային ժյուրի (Մեծ ժյուրի) և փաստագրական մրցույթի միջազգային ժյուրի։ Կարճամետրաժ կինոյի մրցույթը գնահատում է փաստագրական մրցույթի միջազգային ժյուրին։

Փառատոնի ժյուրիի կազմում տարբեր տարիներ մտել են կինոյի այնպիսի վարպետներ, ինչպիսիք են Մարինա Վլադին, Բեատա Տիշկևիչը, Կոմակի Կուրիխարան, Ջինա Լոլոբրիջիդան, Ռոբերտ Դե Նիրոն, Ալբերտո Սորդին, Տեո Անգելոպուլոսը, Կլոդ Լելուշը, Սերգեյ Բոնդարչուկը, Սերգեյ Գերասիմովը, Օլեգ Յանկովսկին, Ալեքսեյ Բատալովը և ուրիշներ։

37–րդ Մոսկովյան միջազգային կինոփառատոնը տեղի կունենա Ռուսաստանի մայրաքաղաքում 2015թ.–ի հունիսի 19-36–ը։ Ժյուրին կգլխավորի ֆրանսիացի կինոռեժիսոր Ժան Ժակ Աննոն։ Կինոփառատոնի ծրագրում ընդգրկված են ֆիլմեր Ռուսաստանից, Ֆրանսիայից, Իսպանիայից, Լիբանանից, Իրանից, Բուլղարիայից, Ֆինլանդիայից, Սերբիայից և այլ երկրներից։-0-

1