Խոզնավարից մինչև Սև լիճ. հայ զինվորները պարով են նշել Առաջին հանրապետության օրը. տեսանյութ

856
(Թարմացված է 20:48 28.05.2021)
Գորիսի մշակույթի կենտրոնին հաջողվել է սահմանը պահող արծիվ տղաների տրամադրությունը տեղը պահել։

Գորիսի փոխհամայնքապետ Իրինա Յոլյանը Facebook-ի իր էջում տեսանյութ է տեղադրել, որտեղ սահմանապահ զինվորականները պարով նշում են Հայաստանի առաջին հանրապետության 103–րդ ամյակը։ Նա տեղեկացրել է, որ միջոցառումը կազմակերպել է Գորիսի մշակույթի կենտրոնը։

«Խոզնավարից մինչև Սև լիճ. զինվորների օրը այսօր փորձել ենք տոնական դարձնել։ Գորիսի մշակույթի կենտրոնին հաջողվել է սարերում արծիվների տրամադրությունը տեղը պահել»,–գրել է նա։

Հիշեցնենք` ադրբեջանցի զինվորականները մայիսի 12-ից Հայաստանի Սյունիքի մարզում գտնվող Սև լճի տարածքում են և փորձում են ամրապնդվել այնտեղ։ Նմանատիպ իրավիճակ է նաև Գեղարքունիքի մարզի Կութ, Վերին Շորժա և Նորաբակ գյուղերի հատվածում։

Ռուսական կողմի միջնորդությամբ բանակցությունների մի քանի փուլ է կայացել։ Հակառակորդն առայժմ հեռանալու մտադրություն դեռ չունի։ Հայաստանը դիմել է ՀԱՊԿ-ին և ռազմական օգնություն խնդրել Ռուսաստանից։

Գերեվարված հայ զինծառայողները գտնվել են ՀՀ տարածքում. ՊՆ-ն քարտեզ է ներկայացրել

Ռազմաքաղաքական ղեկավարությունը հայտարարում է, որ ցանկանում է խնդիրը լուծել խաղաղ ճանապարհով, բայց չի բացառում նաև ուժի կիրառման տարբերակը, եթե բանակցությունները արդյունք չտան։

856
թեգերը:
Գորիս, տոն, Պար, Զինվոր, Սյունիք, Սև լիճ, Խոզնավար

Մրգասեր շնագայլերի գիշերային զբոսանքն Արարատում․ տեսանյութ

94
(Թարմացված է 17:58 11.06.2021)
Թեպետ շնագայլերն ամենակեր կենդանիներ են, բայց մասնագետներն արտասովոր են համարում միրգ ուտելը։

Պարզվում է՝ շնագայլերը չեն հրաժարվում վիտամինների լրացուցիչ չափաբաժնից ու հաճույքով միրգ են ուտում։ Մրգասեր շնագայլերի գիշերային արկածների մասին տեսանյութ է հրապարակել Վայրի բնության և մշակութային արժեքների պահպանման հիմնադրամը։ Արարատի մարզում գտնվող մասնավոր կերպով պահպանվող, բայց հիմնադրամի կողմից կառավարվող Կովկասյան կենսաբազմազանության ապաստարանում անտառապահների տեղադրած թակարդ-տեսախցիկների միջոցով հնարավոր է դարձել արձանագրել գիշատիչների գիշերայի չարաճճիությունները։

Տեսանյութում երևում է, որ շնագայլերը զբոսնում են պտղատու այգիներում և օգտվում են ծառերից գետնին թափված բերք ու բարիքից։

«Թերևս, շնագայլերը համարվում են ամենակեր կենդանիներ, բայց արտասովոր է տեսնել մրգերի սիրահար շնագայլերի։ Շնագայլերը հիմնականում սնվում են կրծողներով, մողեսներով, թռչուններով և միջատներով, երբեմն որսում են ավելի խոշոր կենդանիներ՝ ոչ մեծ այծքաղներ: Օգտվում են նաև խոշոր գիշատիչների «խնջույքի» մնացորդներից»,- տեսանյութին կից մանրամասնում են հիմնադրամի մասնագետները։

Նշենք, որ մոտ 30․000 հա զբաղեցնող Կովկասյան կենսաբազմազանության ապաստարանն առաջին մասնավոր պահպանվող տարածքն է Հարավային Կովկասում: Ապաստարանը կառավարվում է Վայրի բնության և մշակութային արժեքների պահպանման հիմնադրամի (FPWC) կողմից: Կովկասյան կենսաբազմազանության ապաստարանն ու հարակից տարածքներն առանցքային նշանակություն ունեն Հարավկովկասյան կենսաբազմազանության պահպանման հարցում: Վերջերս ապաստարանի տարածքում՝ Վայոց ձորի մարզում նկարահանվել է արահետ, որի վրա արձանագրվել են գիշատիչների մի քանի տեսակներ՝ գայլեր, արջեր, լուսան և այլն։

Ռուսաստանում սկսվել է ընտանի կենդանիների պատվաստումը Covid-19-ի դեմ. լուսանկարներ

Մասնագետների խոսքով՝ գիշատիչների առողջ պոպուլյացիայի առկայությունը վկայում է առողջ և կայուն էկոհամակարգ ունենալու մասին։

94
թեգերը:
միրգ, շնագայլ
Ըստ թեմայի
«Մենք նման ենք ձեզ». Միխայիլ Կիրակոսյանը կենդանիների բացառիկ շարք է ներկայացրել
Վայոց Ձորում անտառապահը փորձել է սպանել արջին. կենդանին հարձակվել է նրա վրա
Գեղարքունիքում ավտոմեքենան մխրճվել է ոչխարի հոտի մեջ. կենդանիներից 30-ը սատկել են

Հայերեն չիմացող Յուջին ռուսական «Նոր աստղ» մրցույթում հայկական «մանտրաներ» է երգում

181
(Թարմացված է 11:26 06.06.2021)
Յուջին (Յուրի Աղաբաբյան) խոստովանում է, որ պատմական հայրենիքում լինելուց հետո է սկսել հայկական երգեր երգել։

Ավարտվում է «Նոր աստղ» համառուսաստանյան երաժշտական մրցույթի ընտրական փուլը։ Շատ շուտով հայտնի կդառնան բոլոր մասնակիցների անունները, որոնք կպայքարեն մրցույթի լավագույն արտիստի կոչման համար։ Տեղեկությունը հայտնում է «Զվեզդա» հեռուստաալիքը:

Մրցույթի ընտրական փուլի մասնակիցներից մեկը՝ երգիչ Յուջին (Յուրի Աղաբաբյան), խոստովանում է, որ պատմական հայրենիքում լինելուց հետո է սկսել հայկական երգեր երգել։ Յուջին մեծացել է Ստավրոպոլում, բայց նրա սիրտը մնացել է Հայաստանում՝ նախնիների հայրենիքում։

Առանց ծխախոտի, ալկոհոլի և նարգիլեի․ Եվա Ռիվասը հրաժարվել է վնասակար սովորություններից

«Երևանում եղել եմ երկու տարի առաջ, իհարկե ամոթ է, բայց պետք է խոստովանեմ, որ դա առաջին այցս էր ու ես 17 տարեկան էի։ Ուղղակի ապշած էի իմ երկրի գեղեցկությամբ։ Երբ անձամբ տեսա, թե որտեղ են իմ արմատները, մտքովս անցավ հայկական երգեր` մանտրաներ երգել»,– պատմել է Յուջին։

Վալերի Մելաձեն չի ուզում, որ իր նորածին դուստրը կրթված ու խելացի դայակ ունենա

«Նոր աստղ» ամենամյա համառուսաստանյան հեռուստատեսային մրցույթն անցկացվում է 2015 թվականից Մոսկվայում: Մրցույթին մասնակցում են Ռուսաստանի բոլոր մարզերից։

«Նա իրո՞ք 62 տարեկան է»․ Մադոննան ցնցել է նոր կերպարով

181
թեգերը:
տեսանյութ, մրցույթ, երգիչ
Սիրանուշ Սահակյան

Հայ գերիների դատավարության արդյունքները միջազգայնորեն չեն կարող ընդունվել. իրավապաշտպան

0
ՄԻԵԴ-ում ռազմագերիների շահերի ներկայացուցիչ, իրավապաշտպան Սիրանուշ Սահակյանը Sputnik Արմենիայի եթերում անդրադարձել է 26 հայ ռազմագերիների հետ կապված հարցին, որոնց գործերն արդեն ուղարկվել են վարույթ և քննվելու են Բաքվի ծանր հանցագործությունների դատարանում:

Սիրանուշ Սահակյանի դիտարկմամբ` ադրբեջանական կողմի հարուցած դատավարությունները շինծու բնույթ են կրում։ Դրանց ընթացքում խախտվել են մեր քաղաքացիների հիմնաքարային իրավունքները, հետևաբար այդ դատավարությունների արդյունքները միջազգայնորեն չեն կարող լինել ընդունելի։

Ըստ նրա` հայ ռազմագերիներից որևէ մեկը ներկայացված չէ իր կողմից ընտրված պաշտպանի միջոցով, իսկ պաշտպանության իրավունքը առանցքն է. եթե անձին պաշտպանվելու իրավունք և հնարավորություններ չեն տրվում, ապա դատապարտման օրինականությունն արդեն իսկ կասկածի տակ է առնվում։

«Որևէ մեկը միամտորեն չի հավատում, որ ադրբեջանական իշխանությունների կողմից ֆինանսավորվող և նշանակված հանրային պաշտպանները հայատյացության այս մթնոլորտում կարող են ապահովել պաշտպանության իրավունքի իրացումը։ Սա ընդամենը մի ասպեկտն է։ Մենք գործ ունենք նաև խոշտանգումների արդյունքում ձեռք բերված ապացույցների օգտագործման հետ, ինչը ևս անթույլատրելի է, էլ չեմ խոսում առհասարակ այս գործը քննող դատավորների անաչառության և անկախության մասին, որովհետև քաղաքական պատվերով գործեր քննելը հիմնախնդիրներից մյուսն է»,– նշեց իրավապաշտպանը։

Այդուհանդերձ, Սահակյանը լավատեսորեն է տրամադրված, որովհետև բոլոր հայ ռազմագերիների գործերը գտնվում են ՄԻԵԴ–ում, որն իր հերթին վերահսկողություն է իրականացնում նաև ներպետական դատարանների կողմից իրականացված արդարադատության նկատմամբ և կարող է գնահատական տալ, թե արդյո՞ք անձի դատապարտումը չի խախտում կոնվենցիայի արդար դատաքննության իրավունքը։

Սահակյանի կարծի​քով` կարճ ժամանակ անց բոլոր գանգատների առարկաները փոխվելու են և մենք ունենալու ենք վեճ միջազգային դատական ատյանում, որը պահանջելու է ադրբեջանական քրեական գործի և դատավարության նյութերը, ուստի այս փուլում ադրբեջանական իշխանությունների ողջ դեմքը պարզվելու է միջազգային հանրության առջև, հենց միջազգային հարթակներում մերկացվելու է ադրբեջանական կողմի զեղծարարությունը, ինչը բնորոշ է բազում այլ գործերին։

Իրավապաշտպանի պնդմամբ` ՀՀ իշխանությունների ռեսուրսները պետք է ուղղվեն Ադրբեջանի պաշտոնատար անձանց առնչությամբ պատժամիջոցներ կիրառելու մեխանիզմների գործարկմանը, և միջազգային հանրությունն իսկապես կարող է իրավիճակը փոխել, շտկել, առավել ևս, որ Ադրբեջանը միջազգային ճնշումներին դիմակայելու բավարար ռեսուրս չունի։

Չմոռանանք Բաքվի քայլերը. Արման Աբովյանը` գերիների հարցի և «գլխատված» ԱԳՆ–ի մասին

Նշենք, որ ղարաբաղյան հակամարտության գոտում հրադադարի հաստատումից հետո Ադրբեջանում պահվող գերիների և պատանդների վերադարձի հարցը վերջնականապես չի լուծվում։ Ադրբեջանը չի շտապում վերադարձնել բոլոր գերիներին։

Ավելին` 26 հայ ռազմագերիների ներկայացրել է որպես դիվերսանտներ և համապատասխան մեղադրանք առաջադրել։

Անցած ժամանակահատվածում փոխանակման ընդամենը մի քանի դեպք է եղել, և հայրենիք են վերադարձել 69 հայ զինվորականներ և քաղաքացիական անձինք: Ըստ իրավապաշտպանների` Ադրբեջանում ավելի քան 200 հայ գերի կա։

Ռուսաստանը ձգտում է ռազմագերիների խնդրի փակմանը «բոլորին բոլորի դիմաց» սկզբունքով. դեսպան

0
թեգերը:
Հայաստան, հայ, Ադրբեջան, գերի
Ըստ թեմայի
Գերիների վերադարձը կարող է 1-2 տարի տևել. Սահակյանը ներկայացրեց գործընթացի մանրամասները
Աժ-ում փակ դռների հետևում քննարկել են գերիների վերադարձի հարցը
Արտակ Զեյնալյանը հավանական գերիների վերաբերյալ տեսանյութ է հրապարակել. 16+