«Բրավո, մեր աղջիկ». «Լադանիվան» ֆրանսիական հայտնի երգը յուրովի է ներկայացրել

Ֆրանսիական «Լադանիվա» խումբը, որի վոկալիստը հայուհի Ժակլին Բաղդասարյանն է, նոր երգ է ներկայացրել հանդիսատեսի դատին։ Ավելի ճիշտ, խումբը յուրովի ներկայացրել է ֆրանսիացի երգչուհի Էդիթ Պիաֆի մեղեդային «Սիրո օրհներգը»։

Նշենք, որ այս երգը կատարել են նաև հայտնի ֆրանսիացի երգչուհի Լարա Ֆաբիանը, երգիչ Ջոնի Հալիդեյը։

Բավական հայտնի երգի նոր մատուցումը դուր է եկել շատերին` YouTube–ի բաժանորդները գովել են Ժակլինին «Բրավո, մեր աղջիկ», «Հրաշք», «Ջա՜ն», «Անուշ ձայն» և այլ մեկնաբանություններով։

Ի դեպ, ֆրանսիացիներին նույնպես դուր է եկել երգի մատուցումը, և նրանք էլ բազմաթիվ մեկնաբանություններ են թողել տեսահոլովակի ներքո։

Ֆրանսիական «Լադանիվա» խմբի վոկալիստ Ժակլինը մոր հետ «Սարի աղջիկն» է երգում. տեսանյութ

Նշենք, որ երգն այսօր է հայտնվել YouTube-ում և արդեն 2000-ից ավել դիտում ունի։

Հիշեցնենք, որ «Լադանիվան» մայիսի 29-ին Կարեն Դեմիրճյանի անվան մարզահամերգային համալիրում համերգով հանդես կգա։