«Ես տխուր եմ, յարս քեֆի մեջ է». ֆրանսահայ փոքրիկները հայկական ժողովրդական երգ են կատարում

768
(Թարմացված է 20:20 23.09.2020)
Ֆրանսիայում ապրող հայ փոքրիկների երգը գրավել է օգտատերերի ուշադրությունը։ Նրանք բազմաթիվ հաճոյախոսություններ են շռայլել։

Ֆրանսիայում ապրող փոքրիկները` Անդրանիկն ու Սոֆյան, երգում են հայկական ժողովրդական «Նինո» երգը։ Տղան 4 տարեկան է, իսկ քույրը` ընդամենը մեկ։

Sputnik Արմենիայի հետ զրույցում փոքրիկների մայրը` Շաքե Մելիքսեթյանը, ասաց, որ իրենց ընտանիքը երաժշտական է. ինքը երգչուհի է, ամուսինը` Պերճ Մելիքսեթյանը` դուդուկահար։ Շաքեն ծնվել և մեծացել է Ֆրանսիայում, Պերճը` Հայաստանում։ Նրանք ամուսնացել են 2015թ.–ին Հայաստանում։

«Աշխատում ենք մեր բալիկներին հայկական ոգով մեծացնել։ Անդրանիկն արդեն բավականին շատ հայերեն երգեր գիտի։ Տարին գոնե 2 անգամ նրանց հայրենիք ենք բերում»,–ասաց Շաքեն։

Փոքրիկ Անդրանիկի հագին հայկական այբուբենով շապիկ է, նա բավականին պրոֆեսիոնալ մոտեցում է ցուցաբերում և երգում է ամբողջ երգը։ Իսկ 1–ամյա Սոֆյան ճիշտ պահին երգում է «Նինո» բառը` ձայնակցելով եղբորը։

Սոցցանցի բաժանորդները շատ են հավանել երեխաների կատարումը ու բազմաթիվ հաճոյախոսություններ շռայլել նրանց հասցեին։

768
թեգերը:
հայկական, երգ, երեխա, հայ, Ֆրանսիա, ֆրանսիացի
Ըստ թեմայի
Չարենցավանցի Սաքունց եղբայրները ռեկորդներ են նվիրել Հայաստանի անկախության տոնին. տեսանյութ
Հիսուսի հանրահայտ արձանը «ներկվել» է Հայաստանի դրոշի գույներով. տեսանյութ
Տաթևիկ Ռևազյանը վերադարձել է Երևան ու դստեր հետ տեսանյութ հրապարակել

«Պիտի ապրենք...». Հենրիխ Մխիթարյանն արցախցի երեխաների ձայնը փոխանցել է աշխարհին. տեսանյութ

574
(Թարմացված է 18:36 24.10.2020)
Հենրիխ Մխիթարյանը տեսանյութ է հրապարակել, որտեղ երեխաները կատարում են «Պիտի ապրենք» երգը։ Տեսահոլովակում երևում են Արցախում հրետակոծությունների ավերածությունների կադրերը, որոնց մի մասը նկարահանել են Sputnik Արմենիայի օպերատորները։

Հայաստանի հավաքականի ավագ և ՅՈւՆԻՍԵՖ-ի բարի կամքի դեսպան Հենրիխ Մխիթարյանը Facebook–ի իր էջում տեսանյութ է հրապարակել, որում արցախից ժամանած երեխաների կատարմամբ հնչում է «Պիտի ապրենք...» երգը:

Նշենք, որ երգի կոմպոզիտորը Էդգար Գյանջումյանն է, խոսքերի հեղինակը` Աիդա Գյանջումյանը, իսկ ռեժիսորը՝ Արսեն Առաքելյանը:

«Մենք պիտի ապրենք։ Սա Արցախի երեխաների խաղաղության կոչն է միջազգային հանրությանը»,-տեսահոլովակին կից գրել է հայտնի ֆուտբոլիստը։

Նշենք, որ տեսահոլովակում երեխաների երգչախումբը երգը կատարում է հայերեն և անգլերեն լեզուներով: Դրա հետ մեկտեղ տեսահոլովակում պատկերված են Լեռնային Ղարաբաղի քաղաքներում և գյուղերում Ադրբեջանի զինված ուժերի կողմից ԼՂՀ-ի եւ Հայաստանի դեմ ագրեսիայի օրերին ավերածությունների կադրերը:

Տեսահոլովակում օգտագործվել են նաև Sputnik Արմենիայի նկարահանած կադրերը։

574
թեգերը:
երգ, երեխա, Արցախ, Հենրիխ Մխիթարյան
թեմա:
Ադրբեջանական ագրեսիան Արցախում - 2020
Ըստ թեմայի
«Այստեղ կոֆեն քաղցր է, չուզես էլ` պետք է խմես». կյանքը Ստեփանակերտի ապաստարանում
Անգամ շամպայն ունեն հաղթանակը նշելու համար. կյանքն ապաստարանում. տեսանյութ
«Գրադի» կրակի տակ. ինչպես են տարեց տղամարդիկ ապրում Մարտունու ապաստարաններից մեկում

Կյանքս կյանքիդ գնով. Քրիստինե Պեպելյանի հուզիչ երգը ընկած տղաների հիշատակին

2490
(Թարմացված է 10:13 17.10.2020)
Այս հաղթանակը չափազանց թանկ է լինելու մեզ համար. ապրելու ենք հարյուրավոր հերոս տղաների կյանքի գնով։

Բոլորս հոգով ու մտքով հիմա Արցախում ենք։ Ամեն օր ազգովի ուրախանում, հպարտանում ենք հայկական զինուժի հաջողություններով, հերոսական պայքարով, հաղթական լուրերով։ Բայց և ամեն օր սգում, մեզնից մի մասնիկ ենք կորցնում, երբ հրապարակվում են Արցախում ընկած տղաների անուններ...

Այս պատերազմում իսկապես ծանր գին ենք վճարում։ Հաղթանակը չափազանց թանկ է նստելու մեզ վրա, որովհետև ապրելու ենք բազմաթիվ հերոս տղաների կյանքի գնով։

«Կյանքդ կյանքիս համար, կյանքս կյանքիդ գնով». երգչուհի Քրիստինե Պեպելյանը հուզիչ երգ է ձայնագրել անմահացած հերոսների հիշատակին։

«Գարունդ մնաց կիսատ, երկինքն էր ավա՜ղ կանչում, անունդ հավերժ գրվեց հերոս տղերքի գրքում...»։

Անկեղծ, զգացական տողերով երգն ավելի հուզիչ է դառնում, քանի որ ուղեկցվում է հանուն հայրենիքի, հանուն բոլորիս գոյության նահատակված հերոսների լուսանկարներով։

Մարտական ենք տրամադրված, մանավանդ հակառակորդի մեծ կորուստներից հետո. տեսանյութ առաջնագծից

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 16-ի ժամը 12:00-ի դրությամբ` հակառակորդի կրակոցների հետևանքով զոհվել են 633 զինծառայողներ և 34 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 5959 զոհ ունի, ավելի քան 5000 վիրավոր։ 

Ըստ վերջին տվյալների՝ Ադրբեջանի զինված ուժերը կորցրել են 21 ինքնաթիռ, 16 ուղղաթիռ, 181 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 552 տանկ և ՀՄՄ:

Ղազանչեցոցը 2 անգամ վերականգնած ճարտարապետը վստահեցնում է` եկեղեցին ավերված երկար չի մնա 

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։ Զոհվել է 2 քաղաքացիական անձ։

«Գրադի» կրակի տակ. ինչպես են տարեց տղամարդիկ ապրում Մարտունու ապաստարաններից մեկում

 

2490
թեգերը:
Պատերազմ, Արցախ, երգ, Քրիստինե Պեպելյան
թեմա:
Ադրբեջանական ագրեսիան Արցախում - 2020
Ըստ թեմայի
Արցախը սպասում էր նրա ստեղծարար ջանքերին. «Արցախի հերոս»` հետմահու
Հերոսաբար զոհված գնդապետին հետմահու կշնորհվի Ազգային հերոսի կոչում
Նորօրյա հերոսներ. հայ քաջերն ավելի քան 2 տասնակ թշնամական զինտեխնիկա են ոչնչացրել

«Բառերը քիչ են, որ նկարագրեմ». ռազմաճակատից եկած հոր ու նորածին դստեր 1–ին հանդիպումը

0
(Թարմացված է 14:15 31.10.2020)
Նորածնի մայրիկն ասում է` լավ կլիներ, որ Արցախում ծնվեր իր աղջիկը, բայց վստահ է` շուտով այնտեղ են վերադառնալու։

Ռազմաճակատում գտնվող տղամարդն անակնկալ է արել կնոջը, որն այս օրերին երեխա է ունեցել, ու նորածնի դուրսգրմանը եկել է Երևան։ Հայկական միասնական տեղեկատվական կենտրոնը տեսանյութ է հրապարակել` ներկայացնելով ռազմաճակտից վերադարձած հոր ու նորածնի առաջին հանդիպումը

Նորածնի հայրն էլ պատերազմի սերնդից է, բայց ասում է, որ ամեն ինչ անելու է գալիք սերնդի համար խաղաղ ապագա ապահովելու համար։

«Ծնվել եմ 1993-ին` պատերազմական տարիներին, և չեմ ցանկանա, որ մեր երեխաները նույնը տեսնեն։ Իմ հրաշք բալիկը ծնվել է... Բառերը քիչ են, որ նկարագրեմ, թե ինչ եմ հիմա զգում»,–ասում է նորածին աղջնակի հայրը։

Նորածնի մայրիկն էլ նշում է, որ հույս էր փայփայում, որ ամուսինն այս օրն իր կողքին կլինի, ինչն էլ եղավ։ Նա ասում է` լավ կլիներ, որ Արցախում ծնվեր իր բալիկը, բայց վստահ է` շուտով այնտեղ են վերադառնալու։

Երեխայի հայրը, ի դեպ, նորից առաջնագիծ է մեկնելու։

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 30-ի ժամը 14։00-ի դրությամբ` հակառակորդի կրակոցների հետևանքով Արցախում զոհվել են 1166 զինծառայողներ և 44 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6914 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 25 ինքնաթիռ, 16 ուղղաթիռ, 232 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 649 տանկ և ՀՄՄ:

Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։ 

Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին

0
թեգերը:
դուստր, նորածին, Պատերազմ, զինծառայող
թեմա:
Ադրբեջանական ագրեսիան Արցախում - 2020