Սևազգեստ աղջիկներ, ասֆալտին փռված դիմակներ. ինչ էր կատարվում Մաշտոցի պողոտայում. տեսանյութ

2732
(Թարմացված է 13:38 12.09.2020)
Կարանտինի առաջին օրը Երևանի կենտրոնով անցնող մարդիկ զարմանալի ու յուրօրինակ ակցիայի ականատես եղան։

Վաղ առավոտյան Sputnik Արմենիայի աշխատակից Հովհաննես Շողիկյանը Երևանի կենտրոնում սևազգեստ, սպիտակ դիմակներով շրջող աղջիկների է նկատել: Մաշտոցի պողոտայի Պուշկին փողոցի խաչմերուկում «սարսափ» ֆիլմեր հիշեցնող սպիտակ դիմակներով աղջիկները հերթով հանում էին դիմակներն ու դնում գծանցման վրա: Պարզվում է՝ այս ամենը պարային, թատերական ներկայացման մի մաս է: Ինչպես նաև` յուրօրինակ ակցիա։

Երբ և որտեղ է պարտադիր դիմակ դնելը. Արսեն Թորոսյանը նոր հրաման է ստորագրել

Մեզ հետ զրույցում «Լուսին դանս» պարային թատրոնի գեղարվեստական ղեկավար Լուսինե Դավթյանը պատմեց, որ արտակարգ դրության օրերին, երբ համերգներ չէին անցկացվում, իրենք սկսեցին նկարահանել իրենց պարային համարներն ու այդպես հասցնել հանդիսատեսին:

Այսօր առավոտյան էլ հերթական տեսահոլովակի նկարահանումն էր: Երևանի կենտրոնում Արթուր Մեսչյանի շատ խորհրդանշական  «Դատարկվել են փողոցները» երգի պարային բեմադրությունն էր նկարահանվում:

2732
թեգերը:
դիմակ, Թատրոն, Պար, կարանտին, երևանցիներ, Երևան
Ըստ թեմայի
Թավշյա տուգանք. դիմակ չդնելու համար տուգանվածների քանի՞ տոկոսն է վճարել այն. «Ժողովուրդ»
Ամեն ինչ կանենք, որ մեր երեխաները լիաթոք շնչեն. վարչապետը` դպրոցներում դիմակ դնելու մասին
Երբ կարելի է դիմակ չդնել, իսկ երբ առանց դրա հնարավոր չէ

Մոմեր, քաղցրեղեն, երգ. ապաստարանում նշել են 6-ամյա Արմենի ծննդյան տոնը. տեսանյութ

89
(Թարմացված է 13:30 28.09.2020)
Հավաքվածները երգում են ծննդյան երգն ու երեխային տոն պարգևում։ Իսկ փոքրիկ տղան, շատ լուրջ դեմքով մոտենում է և, գուցե խաղաղության երազանքը սրտում, փչում իր արտառոց ծննդյան օրվա մոմերը։

Ստեփանակերտի ապաստարաններից մեկում նշել են 6–ամյա Արմենի ծննդյան օրը։ Տեսանյութն իր էջում հրապարակել է Աշոտ Գաբրիելյան անուն–ազգանունով օգտատերը։ «Ապաստարանում Արմենչիկի ծնունդն ենք նշել։ Արմենը սրանից լավ ծնունդների է արժանի, բայց գոնե այսպես էլ կհիշվի»,–գրել է օգտատերն ու հավելել, որ ապաստարանում եղած մոմերով փորձել են երեխային ծննդյան թիվը ստանալ`
2+4=6:

Կոնֆետների և փոքր քաղցրեղենի վրա դրված մոմերով հավաքվածները երգում են «Happy birthday» երգն ու երեխային ծննդյան տոն պարգևում։ Իսկ փոքրիկ տղան, շատ լուրջ դեմքով մոտենում է և, գուցե խաղաղության երազանքը սրտում, փչում իր արտառոց ծննդյան օրվա մոմերը։

Հիշեցնենք` սեպտեմբերի 27-ին ՀՀ կառավարության որոշմամբ, Հայաստանի ողջ տարածքում հայտարարվել է ռազմական դրություն` պայմանավորված Արցախում ու Հայստանի սահմանների նկատմամբ Ադրբեջանի ձեռնարկած հարձակումներով։

Սեպտեմբերի 27–ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով:

Ըստ վերջին տեղեկությունների` ադրբեջանական զինուժը կորցրել է 5 ուղղաթիռ, 27 անօդաչու թռչող սարք, 33 տանկ և ՀՄՄ, 2 ինժեներական զրահատեխնիկա։

Արցախ տանող Սոթք–Քարվաճառ ավտոճանապարհը փակ է

Հակառակորդի կրակոցների հետևանքով զոհվել են 31 զինծառայողներ և 2 քաղաքացիական անձինք։ Հայկական կողմը 100–ից ավելի վիրավոր ունի։ Հակառակորդի կորուստներն անհամեմատ մեծ են։ Արցախում և Հայաստանում ռազմական դրություն և համատարած զորահավաք է հայտարարվել։

89
թեգերը:
ապաստարան, ծնունդ, երեխա, Ստեփանակերտ, Արցախ
թեմա:
Ադրբեջանական ագրեսիա Արցախում. 2020
Ըստ թեմայի
Արցախյան հացի փռերում, ալրաղացներում աշխատուժի պահանջարկ կա
ՌԴ–ում ՀՀ դեսպանը հայտարարել է, որ Արցախի դեմ կռվում են ահաբեկիչ–վարձկաններ Սիրիայից
Վարդենիսի տարածքում ադրբեջանական ԱԹՍ է խոցվել. տեսանյութ

Չհամարձակվես մոտենալ. հուսահատ մայրը պայքարում է իր փոքրիկի համար. տեսանյութ

286
(Թարմացված է 17:27 26.09.2020)
Համացանցում մի տեսանյութ է տարածվում, որի գլխավոր հերոսը մայր կապիկն է։ Նա ամեն կերպ փորձում է պաշտպանել իր ձագուկին:

Կադրերում երևում է` ինչպես է տղամարդը մատը մոտեցնում, որպեսզի դիպչի մայր կապիկի գրկում գտնվող ձագին։

Ակնհայտ է, որ կապիկին դուր չի գալիս անծանոթի մտադրությունը։ Նա վտանգ է տեսնում և փորձում է պաշտպանել ձագին։

Հենց տղամարդը ձեռքը մոտեցնում է, կապիկն իր թաթով կտրուկ հրում է այն։ Նույն գործողությունը կատարվում է մի քանի անգամ։

Լքված կապիկը կատվին է գգվում. կատուն նրա համար փոխարինել է մորը. հուզիչ տեսանյութ

Ինչպես է կապիկը տեսահոլովակներ դիտում սմարթֆոնով. տեսանյութ

Կապիկն ավելի լավն է, վռնդիր կնոջդ. կենդանին եռանդով լվանում է տան ամանները. տեսանյութ

286
թեգերը:
տեսանյութ, կապիկ
Ըստ թեմայի
Հուզիչ պատմություն. թափառական շունը «որդեգրել» է կապիկին
Չվախենաս, ես հետդ եմ. ինչպես է կապիկը շանն անցկացնում գետակի մյուս ափը. տեսանյութ
Զվարճալի տեսանյութ. հնարամիտ կապիկը ձագին կառավարելու հիանալի միջոց է գտել
Дети в убежище

Ստեփանակերտի ապաստարաններում մարդիկ հուզված են, բայց ամուր ու պինդ. Աննա Հակոբյան

0
ՀՀ Արտակարգ իրավիճակների նախարարությունը կկազմակերպի ապաստարաններում մարդկանց սնունդով ապահովելու գործընթացը։

ԵՐԵՎԱՆ, 29 սեպտեմբերի– Sputnik. Ստեփանակերտի ապաստարաններում խաղաղ բնակիչներն ունեն բազմաթիվ կենցաղային խնդիրներ՝ սննդի կազմակերպումից մինչև մահճակալներ: Տեղեկությունը Facebook–ի պաշտոնական էջում հայտնում է ՀՀ վարչապետ Նիկոլ Փաշինյանի տիկին Աննա Հակոբյանը։

Նրա տեղեկացմամբ` Ստեփանակերտի քաղաքապետարանը ստանձնել է ապաստարանում մահճակալներ տեղադրելու հարցը: ՀՀ Արտակարգ իրավիճակների նախարարությունը կկազմակերպի ապաստարաններում մարդկանց սննդով ապահովելու գործընթացը։

«Ինչ վերաբերում է հոգեբանական վիճակին, ապա ապաստարաններում գտնվող մայրերը, կանայք և քույրերը, ինչպես նաև տարեցները, ճիշտ է հուզված էին, բայց ամուր էին ու պինդ»,– գրել է Աննա Հակոբյանը:

Հիշեցնենք` ՀՀ վարչապետի տիկինն Արցախ է մեկնել սեպտեմբերի 27-ին` ադրբեջանական հարձակումից ժամեր անց։

0
թեմա:
Ադրբեջանական ագրեսիա Արցախում. 2020