Միջերկրածովյան կրիաները ախորժակով դդմիկ, գազար ու կանաչի են ուտում. զվարճալի տեսանյութ

80
Միջերկրածովյան կրիաներն ընդգրկված են թե՛ Հայաստանի Կարմիր գրքում, թե՛ Բնության պահպանության միջազգային միության (ԲՊՄՄ) Կարմիր ցուցակում։

Երևանի կենդանաբանական այգում միջերկրածովյան կրիաներն իրենց լավ են զգում, ախորժակով դդմիկ, գազար ու կանաչի են ուտում։ Այգու մամուլի ծառայությունը Facebook–ի իր էջում զվարճալի տեսանյութ է հարապարակել կրիաների առօրյայից։

Միջերկրածովյան կրիաները սնվում են հյութալի խոտաբույսերով և քիչ քանակությամբ անողնաշարավորներով:

«Երևանի կենդանաբանական այգում միջերկրածովյան կրիաներն ապրում են գեղեցիկ բացատում և ամեն օր սնվում են շատ համեղ, հյութալի կերերով»,–նշում է մամուլի ծառայությունը։

Կրիայի այս տեսակը բնակվում է չոր տափաստաններում, սարալանջերում` ծածկված աղքատ խոտածածկով, թփուտներով, նոսր անտառով կամ լեռնային անտառով, ինչպես նաև ցածրադիր անտառներում և այգիներում:

Instagram-ի «արքային» դատափետում են 100 տարեկան կրիայի պատճառով

Զուգավորումը տեղի է ունենում ապրիլ–մայիս ամիսներին, իսկ արդեն հունիսից սկսած` մեկ սեզոնի ընթացքում ձվադրում են երեք անգամ` ձվերը թաքցնելով հողում փորած փոսի մեջ (2–8 ձու): Սեռահասուն են դառնում կյանքի 12–14–րդ տարում:

Նշենք, որ միջերկրածովյան կրիաներն ընդգրկված են թե՛ Հայաստանի Կարմիր գրքում, թե՛ Բնության պահպանության միջազգային միության (ԲՊՄՄ) Կարմիր ցուցակում։

Նույնիսկ մարդիկ «կերակրատաշտի» մոտ այսքան հաշտ չեն. կենդանիները կիսում են կերը. տեսանյութ

80
թեգերը:
զվարճալի տեսանյութ, կրիա
Ըստ թեմայի
«Հայեր էլ են գալի՞ս. դե վազեմ, կոնյակ գնեմ». զվարճալի տեսանյութ շան մասնակցությամբ
Մերսման ծառ Հայաստանում. հնարամիտ արջը գտել է քորը հաղթահարելու ձևը. զվարճալի տեսանյութ
Կենգուրուներն ուրախ թռվռում են ձյան տակ․ Գագիկ Սուրենյանը զվարճալի տեսանյութ է հրապարակել

Մոմեր, քաղցրեղեն, երգ. ապաստարանում նշել են 6-ամյա Արմենի ծննդյան տոնը. տեսանյութ

87
(Թարմացված է 13:30 28.09.2020)
Հավաքվածները երգում են ծննդյան երգն ու երեխային տոն պարգևում։ Իսկ փոքրիկ տղան, շատ լուրջ դեմքով մոտենում է և, գուցե խաղաղության երազանքը սրտում, փչում իր արտառոց ծննդյան օրվա մոմերը։

Ստեփանակերտի ապաստարաններից մեկում նշել են 6–ամյա Արմենի ծննդյան օրը։ Տեսանյութն իր էջում հրապարակել է Աշոտ Գաբրիելյան անուն–ազգանունով օգտատերը։ «Ապաստարանում Արմենչիկի ծնունդն ենք նշել։ Արմենը սրանից լավ ծնունդների է արժանի, բայց գոնե այսպես էլ կհիշվի»,–գրել է օգտատերն ու հավելել, որ ապաստարանում եղած մոմերով փորձել են երեխային ծննդյան թիվը ստանալ`
2+4=6:

Կոնֆետների և փոքր քաղցրեղենի վրա դրված մոմերով հավաքվածները երգում են «Happy birthday» երգն ու երեխային ծննդյան տոն պարգևում։ Իսկ փոքրիկ տղան, շատ լուրջ դեմքով մոտենում է և, գուցե խաղաղության երազանքը սրտում, փչում իր արտառոց ծննդյան օրվա մոմերը։

Հիշեցնենք` սեպտեմբերի 27-ին ՀՀ կառավարության որոշմամբ, Հայաստանի ողջ տարածքում հայտարարվել է ռազմական դրություն` պայմանավորված Արցախում ու Հայստանի սահմանների նկատմամբ Ադրբեջանի ձեռնարկած հարձակումներով։

Սեպտեմբերի 27–ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով:

Ըստ վերջին տեղեկությունների` ադրբեջանական զինուժը կորցրել է 5 ուղղաթիռ, 27 անօդաչու թռչող սարք, 33 տանկ և ՀՄՄ, 2 ինժեներական զրահատեխնիկա։

Արցախ տանող Սոթք–Քարվաճառ ավտոճանապարհը փակ է

Հակառակորդի կրակոցների հետևանքով զոհվել են 31 զինծառայողներ և 2 քաղաքացիական անձինք։ Հայկական կողմը 100–ից ավելի վիրավոր ունի։ Հակառակորդի կորուստներն անհամեմատ մեծ են։ Արցախում և Հայաստանում ռազմական դրություն և համատարած զորահավաք է հայտարարվել։

87
թեգերը:
ապաստարան, ծնունդ, երեխա, Ստեփանակերտ, Արցախ
թեմա:
Ադրբեջանական ագրեսիա Արցախում. 2020
Ըստ թեմայի
Արցախյան հացի փռերում, ալրաղացներում աշխատուժի պահանջարկ կա
ՌԴ–ում ՀՀ դեսպանը հայտարարել է, որ Արցախի դեմ կռվում են ահաբեկիչ–վարձկաններ Սիրիայից
Վարդենիսի տարածքում ադրբեջանական ԱԹՍ է խոցվել. տեսանյութ

Չհամարձակվես մոտենալ. հուսահատ մայրը պայքարում է իր փոքրիկի համար. տեսանյութ

285
(Թարմացված է 17:27 26.09.2020)
Համացանցում մի տեսանյութ է տարածվում, որի գլխավոր հերոսը մայր կապիկն է։ Նա ամեն կերպ փորձում է պաշտպանել իր ձագուկին:

Կադրերում երևում է` ինչպես է տղամարդը մատը մոտեցնում, որպեսզի դիպչի մայր կապիկի գրկում գտնվող ձագին։

Ակնհայտ է, որ կապիկին դուր չի գալիս անծանոթի մտադրությունը։ Նա վտանգ է տեսնում և փորձում է պաշտպանել ձագին։

Հենց տղամարդը ձեռքը մոտեցնում է, կապիկն իր թաթով կտրուկ հրում է այն։ Նույն գործողությունը կատարվում է մի քանի անգամ։

Լքված կապիկը կատվին է գգվում. կատուն նրա համար փոխարինել է մորը. հուզիչ տեսանյութ

Ինչպես է կապիկը տեսահոլովակներ դիտում սմարթֆոնով. տեսանյութ

Կապիկն ավելի լավն է, վռնդիր կնոջդ. կենդանին եռանդով լվանում է տան ամանները. տեսանյութ

285
թեգերը:
տեսանյութ, կապիկ
Ըստ թեմայի
Հուզիչ պատմություն. թափառական շունը «որդեգրել» է կապիկին
Չվախենաս, ես հետդ եմ. ինչպես է կապիկը շանն անցկացնում գետակի մյուս ափը. տեսանյութ
Զվարճալի տեսանյութ. հնարամիտ կապիկը ձագին կառավարելու հիանալի միջոց է գտել
Սերգեյ Կոպիրկինը

Պետք է կանխվի դրսից եկող ապակայունացնող ազդեցությունը. ՌԴ դեսպան

0
(Թարմացված է 14:37 29.09.2020)
ՀՀ-ում ՌԴ դեսպանի խոսքով` Ռուսաստանն անում է ամեն ինչ, այդ թվում՝ Մինսկի խմբի մյուս համանախագահների հետ փոխգործակցությամբ, որպեսզի էսկալացիան դադարի։

ԵՐԵՎԱՆ, 29 սեպտեմբերի – Sputnik. Ռուսաստանն ակտիվորեն աշխատում է ղարաբաղյան հակամարտության գոտում էսկալացիան դադարեցնելու համար և ակտիվ կապի մեջ է բոլոր՝ հայկական, ադրբեջանական ու թուրքական կողմերի հետ։ Տեղեկությունը լրագրողների հետ զրույցում հայտարարեց Հայաստանի Հանրապետությունում Ռուսաստանի Դաշնության դեսպան Սերգեյ Կոպիրկինը:

«Ամեն ինչ արվում է, որպեսզի լարումը թուլանա։ Մեր դիրքորոշումը հստակ է։ Իրավիճակը պետք է վերադառնա խաղաղ բանակցային հուն, և կանխվի դրսից եկող ապակայունացնող ազդեցությունը։ Ալտերնատիվ տարբերակ այս հարցում չկա», - ասել է Սերգեյ Կոպիրկինը:

Նրա խոսքով՝ Ռուսաստանի իր խնդիրն է թույլ չտա էսկալացիան և որպես միջնորդ պայմաններ ստեղծել փախադարձ ընդունելի խաղաղ որոշում գտնելու համար:

«Ռուսաստանն անում է ամեն ինչ, այդ թվում՝ Մինսկի խմբի մյուս համանախագահների հետ փոխգործակցությամբ, որպեսզի էսկալացիան դադարի», - ասաց նա:

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։ Ըստ վերջին տեղեկությունների` հակառակորդի կրակոցների հետևանքով զոհվել են 84 զինծառայողներ և 4 քաղաքացիական անձինք։

Արմեն Գրիգորյանը Նիկոլայ Պատրուշևին է ներկայացրել Ադրբեջանի վտանգավոր միտումները

Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդի կորուստներն անհամեմատ մեծ են։

Ըստ վերջին տեղեկությունների` Ադրբեջանը զրկվել է նաև 50 ԱԹՍ–ից, 6 ուղղաթիռից, 80 զրահատեխնիկայից, 1 ինքնաթիռից և 82 ավտոտրանսպորտից։ Արցախում և Հայաստանում ռազմական դրություն և համատարած զորահավաք է հայտարարվել։

0
թեգերը:
Ադրբեջան, Ռուսաստան, Արցախ, Ղարաբաղյան հակամարտություն, Լեռնային Ղարաբաղ, Հայաստան, Սերգեյ Կոպիրկին, Դեսպան
Ըստ թեմայի
Պատասխան եք ստանալու. ՀՀ ԱԳ նախարարը Ադրբեջանին համարժեք արձագանք է խոստանում
Ադրբեջանի կառավարությունը մի շարք հակահայկական կայքեր ու սոցցանցեր է ֆինանսավորում
Փորձագետը ներկայացրել է ադրբեջանական կողմի զոհերի հերթական ցանկը, որում 80 անուն կա