Սևամորթ Սառան երգում է հայերեն ու երազում Սիրուշոյին հանդիպել. տեսանյութ

616
(Թարմացված է 14:21 21.06.2020)
Ֆրանսիացի աղջիկը որոշ ժամանակ է՝ հայերեն է սովորում և արդեն բավականին տիրապետում է լեզվին, համենայն դեպս՝ կարողանում է երգել հայերեն։

28-ամյա Սառա Պելեն ապրում է Ֆրանսիայի Պուատիե քաղաքում։ Նա սիրում է երգել տարբեր լեզուներով։ Այս անգամ հերթը հայերենինն է։ Արդեն որքան ժամանակ է՝ հայերեն է սովորում Պուատիեի հայ համայնքի ղեկավար Անուշ Գրիգորյանի մոտ։

Բավականին տիրապետում է լեզվին, թեպետ հայերեն հնչյունների մի մասը Սառայի համար դժվարարտաբերելի են։ Ֆրանսիացի Սառայի հայերեն երգացանկի սիրելի կատարումներից է Սիրուշոյի «Հավատում եմ» երգը։ Նրա մեծ երազանքն է մի օր հանդիպել Սիրուշոյին։ Համայնքի ղեկավարը որոշել է օգնել նրան երազանքն իրականություն դարձնելու հարցում։ Նրանք տեսագրել են Սառայի զգացմունքային կատարումն ու ուղարկել Sputnik Արմենիայի խմբագրություն՝ հավատալով, որ Սիրուշոն կտեսնի տեսանյութը, կգնահատի Սառայի սերն ու անկեղծությունը և կհամաձայնի հանդիպել իր սևամորթ երկրպագուհու հետ։

Ի դեպ, պարզվում է՝ Պուատիեում Սառան միակը չէ, որ հետաքրքրվում է հայերենով և հայկական մշակույթով։ Հայ համայնքի ղեկավարի խոսքով՝ իր առօրյան անցնում է ֆրանսահայերին ու նաև օտարներին հայկական մշակույթին ծանոթացնելով։

Հայտնի է Միհրան Ծառուկյանի և Արփիի առաջնեկի սեռը. տեսանյութ

Նշենք, որ Պուատիե քաղաքը համանուն նահանգի կենտրոնն ու ամենամեծ քաղաքն է։ Հենց այս նահանգում՝ Պուտիեից մոտ մեկ ժամ հեռավորության վրա է Լուսինյան քաղաքը, որտեղ նաև Հայոց վերջին թագավոր Լևոն Հինգերորդի (հայկական պատմագրության մեջ հիշատակվում է նաև որպես Լևոն VI) -ի հիշտակին խաչքար է տեղադրված։ Ի դեպ, Լուսինյան քաղաքի Մայր տաճարը կառուցվել է 1024թ.-ին Լուսինյան տոհմի կողմից։

616
թեգերը:
Ֆրանսիա, աղջիկ, սևամորթ, երգ, Սիրուշո
Ըստ թեմայի
«Ներեցեք իմ հայերենի համար»․ ուկրաինացի փոփ երգչուհին կատարում է Սիրուշոյի երգը․ տեսանյութ
Սիրուշոն նոր տեսանյութ է հրապարակել, որը «բարդացրել» է տղամարդկանց կյանքը
«Չեմ ուզում` ամառ չունենանք». Սիրուշոյի գրառմանն արձագանքել են աշխարհի տարբեր ծայրերից

Շատ հուզիչ. Սանկտ Պետերբուրգում բնակվող 5-ամյա հայուհին Պարույր Սևակ է արտասանում

195
(Թարմացված է 12:06 10.08.2020)
Փոքրիկ ասմունքողն առանձին էջ ունի Instagram-ում, որտեղ կարելի է լսել նրա բոլոր կատարումները:

Բոլորովին էլ պարտադիր չէ, որ երեխաները դպրոց հաճախեն, այն էլ հայկական, որպեսզի անգիր անեն հայ մեծերի ստեղծագործությունները։ Սանկտ-Պետերբուրգում բնակվող 5-ամյա Էմիլյա Մարգարյանը ասվածի վառ օրինակն է։ Փոքրիկն իր էջն ունի Instagram-ում, որտեղ կարելի է տեսնել նրա երգերն ու ասմունքը։

Այս անգամ Էմիլյան իր  հետևորդներին ներկայացրել է Պարույր Սևակի «Քիչ ենք, բայց հայ ենք» բանաստեղծությունը։

«Պարզապես մենք էլ պիտի ընդունենք‚ որ մե՛նք‚ միայն մե՜նք Արարատ ունենք»,- արտասանում է փոքրիկ գեղեցկուհին և նրա աչքերը փայլում են։

«Ապրես, հրեշտակ ջան», «խելացիները փոքրուց են երևում», «աչքերիդ կայծերին մատաղ», «այո, հայ ենք ու հպարտ ենք, որ հայ ենք»,- գրել են Էմիլիայի էջին հետևողները։

Էմիլյայի էջն այժմ 2500 հետևորդ ունի։ Նրա տեսանյութերը տարածվում են հայկական տարբեր խմբերում և էջերում։

Ի՞նչ է պատմում տղան իր սիրելի կատվին. փոքրիկի ու փիսիկի տեսանյութը հուզել է շատերին

Ալեքսանդր Լուկաշենկոն պարում է շրջանավարտ աղջիկների հետ. տեսանյութ

Փոքրիկն իր լեզվով է «Շունն ու կատուն» ասմունքում. զվարճալի տեսանյութ

«Մամ, զանգիր Պուտինին». փոքրիկը խնդրում է բացել դպրոցները

195
թեգերը:
տեսանյութ, Սանկտ Պետերբուրգ, Պարույր Սևակ, բանաստեղծություն, հայ
Ըստ թեմայի
Ինչից են հուզվում փոքրիկ հրաշքները. զվարճալի տեսանյութ բազմաթիվ երեխաների մասնակցությամբ
Փոքրիկ «ավազակների» անհավատալի արկածները. զվարճալի տեսանյութ
«Վայ, համով ջան». փոքրիկ խոհարարը ժենգյալով հացի վարպետության դաս է տալիս. տեսանյութ
«Ղարաբաղի նախշուն բաջի». փոքրիկ հայուհու հեզիկ պարը. տեսանյութ

ՀՀ–ում «գերի մնացած» ճապոնացին հարգանքի տուրք է մատուցել Հիրոսիմայի ու Նագասակիի զոհերին

244
(Թարմացված է 20:47 06.08.2020)
Ճապոնացի Կենսին Գերան արդեն կես տարի է` Հայաստանում է։ Նա մեր երկիր է ժամանել Jai Jagat 2020 միջազգային քայլարշավի շրջանակում։

Այսօր` վաղ առավոտյան, Երևանի Սիրահարների այգում ճապոնացի Կենսին Գերան իր հարգանքի տուրքն է մատուցել ուղիղ 75 տարի առաջ Հիրոսիմայում ու Նագասակիում ատոմային ռումբի պայթյունից զոհվածների հիշատակին։ Խոտերին նստած, դահիրա նվագող ճապոնացուն նկարել են այգու աշխատակիցները։ Տեսագրությունը հրապարակվել է Facebook-ում։

«Անծանոթ ճապոնացին այսօր վաղ առավոտյան այս ձևով իր հարգանքի տուրքն էր մատուցում Հիրոսիմայում ու Նագասակիում ատոմային ռումբի պայթյունից զոհվածների հիշատակին»,–գրված է Սիրահարների այգու էջում։

Երևանում շրջող տարօրինակ տղամարդը հայտնվել է Դավթաշենում. տեսանյութ

Նշենք, որ Sputnik Արմենիայի ընթերցողներն արդեն վաղուց են ճանաչում այս ճապոնացուն։

Ամիսներ առաջ մեր թղթակիցը Գերային հանդիպել էր Հաղարծնի տարածքում և պարզել, որ նա ծնվել ու մեծացել է Ճապոնիայում, 41 տարեկան է։ Երկու տարի առաջ է լքել հայրենիքը՝ ամբողջ աշխարհով ուխտագնացություն անելու համար։ Հետո Հնդկաստան է մեկնել, որտեղ միացել է հանուն արդարության ու խաղաղության Jai Jagat 2020 միջազգային քայլերթին։

«Շամանի» ճանապարհորդությունը շարունակվում է. վիրուսը «քշողին» նկատել են Արագածոտնում

Նշենք, որ շարժումը մեկնարկել է 2019 թվականի հոկտեմբերի 2-ին հնդիկ քաղաքական և հասարակական գործիչ Մահաթմա Գանդիի 150-ամյակի պատվին։ Մոտ 50 մարդ, այդ թվում` Կենսինը, Հնդկաստանից ոտքով հասել են Հայաստան։ Ակտիվիստները նախատեսել են ոտքով անցնել 10 երկրով, բայց չեն հասցրել։ Կորոնավիրուսի համավարակի բռնկման պատճառով սահմանները փակվել են։

Կենսինը դժգոհ չէ, որ այսպես է ստացվել, թեև Հայաստանում ապաստան չունի։ Հիմնականում գիշերում է վրանում, որը հենց փողոցում է բացում։ Սնվում է բանջարեղենով ու հացով կամ բարի մարդկանց հյուրասիրածով։

Հիշեցնենք` Հիրոսիման և Նագասակին ատոմային ռմբակոծության են ենթարկվել Երկրորդ համաշխարհային պատերազմի ավարտին`1945 թվականի օգոստոսի 6-ին և 9-ին։

Միացյալ Նահանգները մինչ օրս չի ընդունում իր բարոյական պատասխանատվությունը՝ այդ գործողություններն արդարացնելով «ռազմական անհրաժեշտությամբ»։

Հիրոսիմայում 90-166 հազար մարդ է մահացել, Նագասակիում` 60–80 հազար:

244
թեգերը:
Կենսին Գերա, Հիրոսիմա, Նագասակի, ճապոնացի, Հայաստան
Զարդանախշ

Երևանի բնակֆոնդի պատմությունը, կամ ինչպե՞ս երևանցի աշխղեկը շահեց ապագա զոքանչի սիրտը

18
(Թարմացված է 08:59 13.08.2020)
Բնակարանների սեփականատերերը մտահոգ են. գույքահարկն ավելանում է, բայց բոլորը չէ, որ կարող են այն վճարել։ Երևանում բնակարանները շատ են ու տարբեր, դրանցում ապրող մարդիկ` ևս։ Թե ինչպե՞ս է ձևավորվել Երևանի բնակֆոնդը՝ հիշում է Sputnik Արմենիայի սյունակագիր Սերգեյ Բաբլումյանը։

Սկզբում հայտնվեցին «ստալինկաները», հետո «խրուշչովկաները», այնուհետև «բրեժնևկաները», այսօր արդեն թանկարժեք «առանձնատների» մի ամբողջ թաղամաս, որոնց վրա խեթ է նայում Քննչական կոմիտեն։  Ամեն ինչ սկսվեց «ստալինկաներից»։

Ի՞նչ են դրանք և ինչու՞մն է դրանց գրավչությունը։ Երևանում այդ շենքերը կառուցվել են անցած դարի 30-ականների վերջից մինչև 50-ականների կեսերը, գլխավորապես Մաշտոցի անվան (այն ժամանակ, բնականաբար Ստալինի անվան) պողոտայի երկու կողմերում, որոնք  ամուր կանգնած են նաև այսօր։

Կհարցնեք՝ի՞նչ առավելություններ ունեն «ստալինկաները»։ Շատ։ Ընդարձակ շքամուտքեր, երկաթակուռ ճաղաշարեր, սալիկապատ հատակը, նույն հարկում ոչ ավել, քան երկու կամ երեք բնակարաններ` 50-100 քմ մակերեսով, մինչև 3 մետր ձգվող առաստաղներով, առանձին սանհանգույցով, մեծ  խոհանոցով, ընդարձակ պատշգամբով, որոնք գերազանցապես գտնվում են քաղաքի պատմական մասում։ Եվ սա դեռ ամենը չէ։

Առաջին հայացքից գայթակղիչ այս բնակարանները, սակայն, թերություններ էլ ունեն։ Շենքերը բավական հին են (տարիքն այստեղ էլ անհնար է թաքցնել), գները` թանկ։ Կարծես՝ այսքանը։

Մաշվածության մասին ավելի մանրամասն․ մինչև 1945 թվականը կառուցված «ստալինկաներին» 125 տարվա կյանք էին խոստանում։ Իսկ 45 թվականից հետո կառուցվածները նախատեսված են մինչև 150 տարվա շահագործման  համար։

«Հին Երևանի»` խախտումներով շինարարություն իրականացնելու դեպքով քրգործ է հարուցվել

Հիմա «խրուշչովկաների» մասին։ Շինարարական նորմերի ու կանոնների համաձայն` դրանց շահագործման համար կես դար էր հատկացված։ Բայց երևանյան Չերյոմուշկաներում մեր երկարակյացներն իրենց դարն արդեն ապրել են և տա Աստված, որ շարունակեն գոյատևել առանց միջադեպերի։

Սակայն ամեն ինչ իր վերջն ունի և նույնիսկ «ստալինկաները» հավերժ չեն, չնայած Երևանում դրանք դեռ երկար են կանգուն կմնան։ Ինչո՞ւ։ Որովհետև դրանք կարծես հատ–հատ կառուցված լինեն, քանի որ բառիս բուն իմաստով ձեռքի աշխատանք են։

Կարող եմ անձամբ վկայել՝ Մաշտոցի պողոտայում գտնվող N 24 բնակարանի օրինակով, որում ապրել եմ։ Բնակարանի հիմքի փորվածքն արել են ձեռքով` բահ, լինգ,  քլունգ, ձեռնասայլակներ։ Ճակատային և ներսի պատերի քարերը (վարդագույն տուֆ) տեղափոխել են մեծ բեկորներով, որոնք տեղում ավելի փոքր կտորների են բաժանել, հետո դրանք խելքի են բերում քարտաշները, որոնք օգտագործել են հատիչ, մուրճ, պեմզա։ Միևնույն ժամանակ դրանք կառուցելիս քարտաշները կիլոգրամներով կուլ են տվել դեպի երկինք բարձրացող փոշու քուլաները, ռեսպիրատոր դիմակներ նրանք չեն դրել, հարիր չէր։

Проспект Маштоца
© Sputnik / Aram Nersesyan
Մաշտոցի պողոտա

Քարերը  նույնպես ձեռքով են վերև բարձրացրել, հատակի ծածկի համար ցեմենտի խառնուրդը խառնել են բոլորի աչքի առաջ, այնուհետև բահերով պատգարակների վրա լցրել, ոտքով բարձրացել կոնկրետ հարկ և գործի անցել։ Թե մեկ հերթափոխի ժամանակ քանի անգամ են բարձրացել-իջել ոչ ոք չէր հաշվել։ Բետոնախառնիչը  և ինքնաթափ բեռնատարները հայտնվեցին միայն 50-ականների կեսերին։

Օգտագործվող նյութերը` քարը, փայտը, մետաղը, ապակին և այլն, բոլորը բարձրորակ են եղել, շինարարները` նույնպես, և զարմանալու ոչինչ չկա, որ շենքերն ինչպես կառուցվել են, այդպես էլ կանգուն մնացել են․․․

Здание на перекрестке проспекта Маштоца и улицы Пушкина, Ереван
© Sputnik / Asatur Yesayants
Մաշտոցի պողոտայի և Պուշկինի փողոցի խաչմերուկում կառուցված շենքը

Շինանյութի գողությունները սկսվեցին «խրուշչովկաների» կառուցման տարիներին, ինչի պատճառով երկրաշարժն ավերեց Լենինականի շենքերի մեծ մասը։ Աստված մի արասցե, եթե Երևանում նման բան պատահեր, նույն պատկերը կլիներ։ Ցեմենտը, ավազը պակաս էին լցնում, փոխում դրա տեսակը, հապճեպ  արմատուրա կապում, շտապում էին շահագործման հանձնել շենքը ։

«Բրեժնևկաների» ժամանակ կառուցել են ինչպես պատահի, հաճախ՝ ինչպես ցանկացել են։ Որպես ասածիս վառ ապացույց մի օրինակ բերեմ։

Երկու ընկեր ապրում էին Հրաչյա Քոչարի փողոցի 27 ա հասցեում  գտնվող շենքի նույն հարկում։ Երկուսի բնակարանն էլ երկսենյականոց էր։

– Քեզ չի թվո՞ւմ, որ քո ճաշասենյակը իմինից մեծ է, – մի օր նրանցից մեկը հարցրեց մյուսին։

– Ինձ չի թվում, դա իսկապես այդպես է։

– Այդ ինչպե՞ս, – զարմացել է ընկերը։

Պարզվում է՝ բնակարանը կառուցող աշխղեկը պատրաստվում էր ամուսնանալ այդ հարևաններից մեկի քրոջ հետ և ապագա զոքանչին դուր գալու համար, միջնապատը տասնյակ սանտիմետրեր հետ էր տվել դեպի մյուս հարևանի բնակարան։ Հարսանիքն, իհարկե, կայացավ, իսկ որոշ ժամանակ անց նույն հարկում մեկ այլ ընտանիք հաստատվեց, սակայն հյուրասենյակի պատն այլևս տեղից չշարժվեց։ Ընկերությունը հաղթեց։

Իսկ դրանից ավելի կարևոր էր փոխզիջումը։ Հայաստանի նախարարների խորհրդի տունը (Ավագ Պետրոսյանի փողոց) պետք է այնպես կառուցվեր, որ մինչև հարևան շենքի ճակատային մասը մոտ 5-6 մետր մնար։ Հարևան տան բնակիչները աղմուկ բարձրացրին։ Գլխավոր փաստարկն այն էր, որ իրենց զրկում են արևից։  Նախարարների խորհրդի տան բնակիչները հարցրին՝ իսկ եթե արանքում մեկական սենյակ խցկեն ու նրանց տա՞ն։

«Կլինի», – միաձայն ասացին ցուցարարները և յուրաքանչյուրը ստացավ իր հասանելիքը։

Ինչն է միավորում «բրեժնևկաներին», «խրուշչովկաներին» և երևանյան մյուս տներին` բացառությամբ անհատական նախագծով կառուցված դղյակների։ Կայանատեղիների բացակայությունը։ Այն ժամանակ բակերում ավտոկայանատեղիները համար տարածքներ չէին նախատեսում՝ մեքենաների  բացակայության պատճառով. անձնական օգտագործման մեքենաները սակավաթիվ էին։ «Ստալինկաների» բնակիչներին սպասարկում էին ծառայողական մեքենաները, որոնք բակեր մուտք չէին գործում, այլ սպասում էին փողոցում։ Բակերն իրենց նշանակությունն ունեին. այնտեղ վազվզում էին երեխաները, խաղում և մեծանում։

Աբովյան 10–ն ընդգրկվա՞ծ է հուշարձանների պահպանման ցանկում. ինչ գիտենք հրդեհված շենքի մասին

... Այդ բակերում խաղացող երեխաները վաղուց են մեծացել, իրենց երեխաներն ունեցել․․․ սերնդափոխություն է եղել, բայց հայրերից որդիներին, այնուհետև թոռներին, հետո էլ ծոռներին անցած «ստալինյան», «խրուշչովյան», «բրեժնևյան» տներն առ այսօր կանգուն են մնացել նաև այն պատճառով, որ դրանց պատերի ներքո շատ են աղոթել։

... Իսկ հինգաստղանի հյուրանոցների տեսքով կառուցված տները բանկային քարտի պարունակության և ճաշակի հարց են։ Կարծում եմ՝ դրանք հարմար են ժամանակավոր բնակության համար, իսկ հիմնական բնակվողներին շատ արագ կհոգնեցնեն, որովհետև հոգի չունեն․․.

18
թեգերը:
գույքահարկ, Ավտոկայանատեղի, շենք, Երևան
Ըստ թեմայի
Որքա՞ն գույքահարկ ենք վճարելու առաջիկա տարիներին
Ճոխության հարկ. դղյակների տերերը կզրկվեն սիմվոլիկ հարկեր վճարելու հնարավորությունից
Արմեն Սարգսյանը գույքահարկին վերաբերող օրենքի վրա վետո կդներ, եթե նման իրավունք ունենար