Քաղցած, բայց հպարտ. զուսպ շունը համացանցի աստղ է դարձել. տեսանյութ

374
Օգտատերերին շատ են դուր եկել տեսանյութն ու «հերոս» շնիկը։ Նրանք գրում են, որ այսպիսի զուսպ շան հետ կարելի է անգամ հետախուզության գնալ։

Համացանցում ակտիվորեն տարածվում է զվարճալի մի տեսանյութ, որում շագանակագույն շնիկը նստել է տիրոջ կողքին և ձևացնում է, թե ընդհանրապես հետաքրքրված չէ նրա ընթրիքով։

Ուժեղ կարկտահարություն Գորիսում․ Սուրենյանը տեսանյութ է հրապարակել

Կադրերում երևում է, որ շնիկը նստած է բազմոցին, իսկ նրա անմիջապես կողքին տերը «սեղանը գցած»՝ հաց է ուտում։ Խելացի կենդանին քաղցած աչքերով նայում է ուտելիքին, բայց հենց որ տերը նկատում է դա, շնիկն անմիջապես գլուխը վեր է բարձրացնում՝ ձևացնելով, թե ուրիշ ուղղությամբ է նայում։ Ու այդպես մի քանի անգամ... Տերը ջանքեր է գործադրում իր չորքոտանի բարեկամի հայացքը որսալու համար, բայց դա նրան այդպես էլ չի հաջողվում։

Էժան, արագ և որակով. ինչպես դիմակ պատրաստել տանը կամ գրասենյակում. տեսանյութ

Օգտատերերին շատ են դուր եկել տեսանյութն ու «հերոս» շնիկը։ Նրանք գրում են, որ այսպիսի  զուսպ շան հետ կարելի է անգամ հետախուզության գնալ, նշում են, որ նման հրաշալի կենդանուն պետք է անպայման պարգևատրել տեղը տեղին ընթրիքով։

Կարճ ժամանակում տեսանյութը մեծ թվով դիտումներ ու հավանումներ է գրանցել։

Տիկնիկային թատրոնը երեխաներին անակնկալ է մատուցել տանիքից. տեսանյութ

 

374
թեգերը:
ուտելիք, Շուն, զվարճալի տեսանյութ
Ըստ թեմայի
«Պետք է ուտելիս դիմակ կրել». Արսեն Թորոսյանի որդին շփոթեց պահանջները. տեսանյութ
Հայկական զինուժն ադրբեջանական ԶՈւ ավտոմեքենա է խոցել. համացանցում տեսանյութ է շրջանառվում
Գոռ Սուջյանը երգում է Մայքլ Ջեքսոնի հիթերից մեկը. տեսանյութ

Հնարամիտ տղաները «կորոնավիրուսային» ջրոցի են խաղում Երևանում. տեսանյութ

772
(Թարմացված է 17:52 19.07.2020)
Երևանն անցած տարիների պես «ջրով ողողված» չէ։ Մարդիկ բակերում քիչ են հավաքվում ջրոցի խաղալու և անցորդներին ջրելու համար։

Այսօր Հայաստանում տոնում են Վարդավառը։ Հայ առաքելական եկեղեցում էլ Հիսուս Քրիստոսի պայծառակերպության տոնն է։ Հայոց մեջ շատ սիրված ու դարերի ի վեր մեծ ժողովրդականություն վայելող այս տոնն այս տարի, մեղմ ասած, համեստ է անցնում։

Կորոնավիրուսի համավարակի պատճառով ՀՀ պարետ Տիգրան Ավինյանը կոչ էր արել զերծ մնալ Վարդավառն ավանդական կերպով տոնելու գայթակղությունից, խուսափել մարդաշատ վայրեր հաճախելուց ու մարդկային կուտակումներ ենթադրող միջոցառումներից:

Երևանն անցած տարիների պես «ջրով ողողված» չէ։ Մարդիկ բակերում քիչ են հավաքվում ջրոցի խաղալու և անցորդներին ջրելու համար։

Բայց տեղ–տեղ հանդիպում են տոնի սիրահարներ, որոնք փորձում են հիշեցնել, որ այսօր Վարդավառ է։ Հնարամիտ տղաները, սոցիալական հեռավորությունը պահելու համար, «կաբրիոլետ» ավտոմեքենայի միջին են ջուր ցողում Երևանի Թումանյան փողոցում։

Ջրոցի, քոչարի ու հայկական ծիրան. հայերը կրկին քեֆ են կազմակերպել Մոսկվայում. տեսանյութ

772
թեգերը:
ավտոմեքենա, ջուր, Երևան, Վարդավառ
Ըստ թեմայի
«Վարդավառին եկեք, անվճար տարեք». Գոհար Ավետիսյանը շատ ծիրան ու դեղձ է գնել հայերից
Ինչ էին հայերը մատուցում Վարդավառին. սիրված տոնի 5 ավանդական ճաշատեսակի բաղադրատոմս

Մոսկվայում ծիրանի վաճառքը վերածվել է տոնախմբության. հերթի կանգնած հայերը չեն ձանձրանում

396
(Թարմացված է 23:27 28.07.2020)
Սոցցանցերում տարածվում են տեսանյութեր, որտեղ երևում է, թե ինչպես են ադրբեջանական շուկայից վտարված հայկական ծիրանները վաճառվում զուռնա – դհոլի հնչյունների ներքո։

Ռուսաստանում ապրող հայերը «Бухта» առևտրի կենտրոնում ծիրանի վաճառքը վերածել են իսկական տոնախմբության։

Երեկ երեկոյան թվում էր` անելանելի վիճակ է ստեղծվել, քանի որ ադրբեջանական շուկայից հանել էին տվել հայկական ծիրանով բեռնված բեռնատարները։ Վաճառականները մտահոգ էին` բերքը կարող է փչանալ։

Սակայն այսօր արդեն ոչ միայն մի քանի շուկաներում նրանց տեղ առաջարկեցին վաճառքն իրականացնելու համար, այլև տեղում ապրող հայերն ինքնակազմակերպվեցին ու գնացին ծիրան գնելու։

Ծիրան գնելու ցանկություն շատերն ունեն, իսկ հերթի մեջ կանգնած հայերը ձանձրանալու փոխարեն հայկական երաժշտության ներքո պարում են` ուրախ տրամադրություն փոխանցելով մյուսներին։

Ծառուկյանը ծիրանով բեռնատարներին կայանատեղի է տրամադրել Սանկտ Պետերբուրգում

Հիշեցնենք` Մոսկվայի մեծածախ շուկաներից մեկից՝ «Ֆուդ սիթի» գյուղմթերքի շուկայից, կեսգիշերին հանել էին հայկական ապրանքներով բեռնված բեռնատարները։ Խնդիրն այն է, որ շուկան պատկանում է ծագումով ադրբեջանցի գործարարներ Գոդ Նիսանովին և Զարահ Իլիևին:

Սակայն ինչպես ՌԴ–ում Հայաստանի դեսպանությունը, այնպես էլ ԲՀԿ ղեկավար Գագիկ Ծառուկյանը, «Տաշիր» ընկերությունների տնօրեն Սամվել Կարապետյանը և այլոք արագ խնդիրը լուծեցին` բեռնատարներին տեղ տրամադրելով այլ շուկաներում։

Լուծումը գտնվեց. ադրբեջանցիների շուկայից վտարած ծիրանը կարող են այլ շուկաներ տանել

396
թեգերը:
Պար, Մոսկվա, հայեր, հայ, ծիրան
Ըստ թեմայի
Լոնդոնում լարված վիճակ է. հայերը պաշտպանում են ՀՀ դեսպանատունը ադրբեջանցիներից. տեսանյութ
Վնասվածք ստացած և բերման ենթարկված ադրբեջանցիներ․ Լեհաստանում հայերի ցույցը թեժ է անցել
Ինչ է լինելու «ծիրանի դեպքից» հետո ՌԴ ապրանք տանողների հետ. դեսպանության մեկնաբանությունը
«Զվարթնոց» օդանավակայան

Հայաստանից Ռուսաստան հինգ չվերթ կիրականացվի․ դեսպանատունը մանրամասներ է ներկայացրել

3
(Թարմացված է 19:24 03.08.2020)
Ի տարբերություն նախորդ չվերթերի, որոնց կարող էին մասնակցել միայն Ռուսաստանի կոնկրետ շրջանների բնակիչները, այս թռիչքները նախատեսված են ՌԴ բոլոր քաղաքացիների համար։

ԵՐԵՎԱՆ, 3 օգոստոսի – Sputnik. ՌԴ քաղաքացիները, որոնք ցանկանում են Հայաստանից Ռուսաստան վերադառնալ, կարող են օգտվել օգոստոսին կայանալիք հինգ ավիաչվերթից։ Տեղեկությունը հայտնում է ՀՀ-ում ՌԴ դեսպանատան մամուլի ծառայությունը։

Օգոստոսի 5-ին` տեղական ժամանակով 15:50-ին, տեղի կունենա Գյումրի-Մոսկվա չվերթը։ Օգոստոսի 8-ին Երևանից Սոչի և Դոնի Ռոստով մեկական չվերթեր կկազմակերպվեն։ Իսկ օգոստոսի 10-ին Երևանի «Զվարթնոցից» օդանավեր կթռչեն դեպի Կալուգա և Սանկտ Պետերբուրգ։

Չվերթի համար պետք է գրանցվել հետևյալ հղումով։ Տեղերը սահմանափակ են։ Ցուցակները ձևավորվելու են գրանցումների հիման վրա։

Այս չվերթները նախատեսված են ՌԴ բոլոր քաղաքացիների համար։

Հիշեցնենք` Ռուսաստանը մարտի 27-ից կորոնավիրուսի պատճառով դադարեցրել էր այլ երկրների հետ պարբերական և չարտերային ավիահաղորդակցությունը։ Բացառություն են կազմում տարհանման, ինչպես նաև բեռնափոխադրող, փոստային, սանիտարական և մարդասիրական չվերթերը, դատարկ ինքնաթիռների տեղափոխումը՝ տեխսպասարկման համար, տրանզիտային թռիչքները երկրի տարածքում՝ վերալիցքավորման կամ անձնակազմի փոփոխության վայրէջքով, որոնք իրականացվում են ՌԴ կառավարության առանձին որոշումներով։ Ռուսաստանն օգոստոսի 1-ից ավիահաղորդակցությունը վերսկսել է երեք երկրի՝ Մեծ Բրիտանիայի, Թուրքիայի (Անկարա և Ստամբուլ) և Տանզանիայի հետ:

3
թեգերը:
թռիչք, չվերթ, Ռուսաստան, Հայաստան
Ըստ թեմայի
Մինսկ-Երևան չվերթի ուղևորի ուղեբեռում թմրանյութեր են հայտնաբերվել
Երևան–Մոսկվա չվերթ. Հայաստանից Ռուսաստան են վերադարձել ևս 112 քաղաքացի
Առաջիկա օրերին ՌԴ-ից միանգամից 3 չարտերային չվերթ կիրականացվի